Luku 19:17 - Bibeli do fee

¹⁷ Ŋɔi í sɔ̃ɔ í ni, í sĩa, awɔ amaacɛ jiidai. Si bɛi ì jɛ ilu naanɛ si mii keekeu ihɛ̃, an jɔ̀ i jɛ inɛ ngbo si ilu mɛɛwa.

Luku 19:17 Iomraidhean Croise

Kusintii Andunya 39:4

Na ŋɔi í jɔ̀ í cɔɔ do iju jiida nɔ í coo inɛ ngboi inɛ ŋa iyi à waa ce icɛ inɔ kpasɛ̃ɛ ŋau fei nɔ mii iyi í nɛ fei í daa si awɔ.

Mɔnda ŋa 27:18

Inɛ iyi wa teese jĩi ndii figi á na ku jɛ isoɛ. Nɔ inɛ iyi wa gbɔa lafɛ̃ɛɛi á ba bɛɛrɛ.

Matie 25:21

Ŋɔi lafɛ̃ɛɛ í sɔ̃ɔ í ni, í sĩa, awɔ amaacɛ jiida ilu naanɛi. Si mii keekeu ihɛ̃ ǹ yɛ iyi ì jɛ ilu naanɛ, na nŋu, an daaɛ mii nla si awɔ. Naa wa ka jɛ jingau.

Luku 16:10

Inɛ iyi í nɛ naanɛ si mii keeke á nɛ naanɛ si mii nla. Inɛ iyi wa ce laalɔ si mii keeke á ce laalɔ si mii nla.

Luku 19:16

Inɛ sinteu í naa í ni, Lafɛ̃ɛ, kpɛkɛlɛ iyi ì nam nɔu ǹ ceò sĩa hee ǹ ba riba mɛɛwa.

Luku 19:18

Inɛ minjisiau mɔ í naa í ni, Lafɛ̃ɛ, kpɛkɛlɛ iyi ì nam nɔu ǹ ceò sĩa hee ǹ ba riba miiu.

Luku 22:30

ku ba i jɛ nɔ i mɔ do amu si bommam ŋa, nɔ i buba si batai amanlu ŋa i kiitiò dimi maateejii Izirɛli ŋau.

Romu 2:29

Amma inɛ iyi í jɛ Zuifu ntɔ ntɔ, nŋui í jɛ Zuifu si idɔɛ. Iyi í nɔ í jɛ bango do ntɔ nŋui í jɛ bangoi idɔ. Icɛi Hundei Ilaaɔ̃i, kù jɛ ti wooda. Zuifu dimi bɛɛbɛ, Ilaaɔ̃i á saabuɛ, kù jɛ amanɛ ŋa.

Kɔrɛnti 1, 4:5

Na nŋu, i maà kiiti inɛ kãma hai waati iyi Ilaaɔ̃ í jilɛu kù to. I degbe ajɔ iyi Lafɛ̃ɛ á nyi wa ŋa. Mii iyi wa manji si ilu kuku fei á jɔ̀ ku fita bantuma, nɔ ku jɔ̀ a mà lasabui idɔi amanɛ ŋa. Waati bɛɛbɛi, inɛ fei á gbɔ saabu iyi í jɛ tɛɛ hai bi Ilaaɔ̃.

Timɔtee 2, 2:10

Ŋɔi í jɔ̀ ǹ wa n temuaò fei ndɛɛ na irii inɛ ŋa iyi Ilaaɔ̃ í cicau, ku ba aŋa mɔ a ba faaba do saabui Jesu Kirisi, nɔ a nɛ ikpɛ̃ si amboeɛ iyi ci ya tã.

Piɛɛ 1, 1:7

Naanɛ ku dasi nŋɛ í nɛ bɛɛrɛ ntɔ ntɔ í re wura, domi wura á na ku tã. Do nŋu fei, do inai à yɔɔ à nya riisiɛ. Bɛɛbɛ mɔi, Ilaaɔ̃ wa cɔ laakaii naanɛ ku dasi nŋɛ ku ba ku mà gbugbãɛ. Nɔ aa ba saabu do amboe do bɛɛrɛ ŋa waati iyi Jesu Kirisi á faata wa.

Piɛɛ 1, 5:4

Nɔ waati iyi Kirisi á faata wa, nŋu iyi í jɛ inɛ ngboi woo degbe ŋau, aa gba riba ilu amboe iyi kusĩaɛ kaa tã ŋa.

Samuɛli 1, 2:30

Na nŋu, í ni nŋu í tako í cea inɛi kpasɛ̃ɛ do ti baaɛ ŋa kuwã wo í ni aŋai aa jɛ woo weei nŋu ŋa hee do ajɔ fei. Amma bɛbɛi nŋu kaa ce bɛɛbɛ má. Ntɔ ntɔ, inɛ ŋa iyi à waa saalu nŋu aŋai nŋu á saalu. Amma inɛ ŋa iyi a kù waa saalu nŋu, aa yɛ anyɔ.