Luku 19:14 - Bibeli do fee

¹⁴ Amma inɛi ilɛɛ ŋa à cóo nɔ à bɛ inɛ ŋa si anyiɛ à ni aŋa a kù bi ku jɛ bomma si ilɛi aŋa.

Luku 19:14 Iomraidhean Croise

Samuɛli 2, 23:7

Inɛ iyi wa bi ku ko ŋa koo jo ŋa í ya dɛdɛ isɔi walakɔ akpai kaka.

Ezai 49:7

Aɔ̃ Lafɛ̃ɛ, nŋu iyi í jɛ woo yai inɛɛ ŋa, nŋu iyi í jɛ Inɛ Kumái Izirɛliu, í ni, awɔ iyi inɛ ŋa a kù waa saalu, nɔ a kù bi ideɛ, nɔ ì jɛ aru iyi inɛ ŋa à waa taa gbugbã, waati iyi ilaalu ŋa aa yɛɛ, aa dedei hai si kitãi bomma nŋa. Waati iyi amai ilaalu ŋau aa yɛɛ, aa sɛɛbataɛi. Bɛɛbɛi aa ce a nyisiò iyi Aɔ̃ Lafɛ̃ɛ Inɛ Kumái Izirɛli, nŋu iyi í cicaɛu í jɛ ilu naanɛ.

Zakari 11:8

Si cukpa akã ǹ lele woo degbe mɛɛta ŋau fei. Nɔ amu takam ǹ wa n degbe angudã ŋau, amma kuce nŋa í jɔ̀ ǹ mɔngɔ temua. Nɔ aŋa taka nŋa à cém.

Luku 14:32

Bii í yɛ iyi nŋu kaa nɔɔ, á bɛ inɛ ŋai bi ilaalu iyi ihɔ̃u hai waati iyi kù to wa titã ku ba aŋaò a gbɔsi njɛ nɔ laakai ku sũ ku wa anini nŋa.

Luku 19:13

Hee ku maa nɛ ŋɔi í kpe amaacɛɛ ŋa aŋa mɛɛwa, nɔ í na aŋa fei kpɛkɛlɛi wura gɔ nɔ í ni, i ceò fiau ihɛ̃ sĩa hee n maa n baa. Iyi í fɔ bɛɛbɛ í tã nɔ í nɛ.

Luku 19:15

Waati iyi í jɛ bommau í baa si ilɛɛ, ŋɔi í kpe amaacɛ ŋa iyi í na fiau wo bi tɛɛ ku ba ku yɛ bɛi fiai inɛ fei í bíaa.

Luku 19:27

Si anyiɛ nɔ í ni, i koo i naam mbɛɛm ŋau wa ihɛ̃, aŋa iyi a kù bi n jɛ bommau, nɔ i kpa ŋa si wajum.

Laabaau jiida iyi Zãa í kɔ 1:11

Bi inɛɛ ŋai í naa nɔ inɛɛ ŋau à kɔ̀siɛ.

Laabaau jiida iyi Zãa í kɔ 15:18

Bii inɛi andunya ŋa à cé ŋɛ, i mà ŋa iyi amui à tako à cé.

Samuɛli 1, 8:7

Ŋɔi Aɔ̃ Lafɛ̃ɛ í sɔ̃ Samuɛli í ni, gbɔ ide iyi zamaau wa sɔ̃ɛ fei, domi kù jɛ awɔi à kɔ̀si, amma amui. A kù bi n jɛ ilaalu nŋa má.