Luku 19:12 - Bibeli do fee

¹² Í ni, mɔkɔ amai amanlu gɔi í bɔ bomma ku jɛ hee ilɛ jĩijĩ gɔ si anyiɛ nɔ ku baa ideɛ.

Luku 19:12 Iomraidhean Croise

Matie 21:38

Amma iyi gaanɔɔma ŋau à yɛ amau à fɔ aŋa duusɔ̃ɔ à waa ni, i cɔ inɛ iyi á na ku jɛ tubuu. I naa wa ka kpaa nɔ ilɛu ku baa ku jɛ tu wa.

Matie 28:18

Ŋɔi Jesu í sɛkɛɛ si ŋa wa í ni, yiikoi lele do ti ilɛ fei à nam nii.

Maaku 12:1

Si anyii nŋu, Jesu í lɔsi ku sɔ̃ ŋa ide do mɔnda. Í ni, inɛ gɔ í ce ikoɛ, í lɔ si jĩi ndii rezɛ̃ɛ ŋa nɔ í ce kaa í kaakoɛò. Nɔ í ce bi ku fɔ̃ inyii isoɛ. Nɔ í cã tafa bi ku degbe ikou. Ŋɔi í so gaanɔɔma ŋa í dasi ŋa si ikou a maa logooɛ, í bɛi í bɔ ilu koo kpɛ bɛ.

Maaku 16:19

Iyi Lafɛ̃ɛ Jesu í sɔ̃ ŋa ideu í tã, ŋɔi à soo lele í koo í buba si awɔ njɛi Ilaaɔ̃.

Luku 20:9

Si anyiɛ nɔ Jesu í kpaa inɛ ŋa mɔndau ihɛ̃ í ni, inɛ gɔ í ce ikoɛ nɔ í lɔ si jĩi ndii rezɛ̃ɛ ŋa. Ŋɔi í so gaanɔɔma ŋa í dasi ŋa si ikou a maa logooɛ, í bɛi í bɔ ilu koo kpɛ bɛ.

Luku 24:51

Waati iyi wa wee nŋau, ŋɔi í sɛkɛɛ hai bi tu ŋa nɔ í so araɛ í nɛ lele.

Laabaau jiida iyi Zãa í kɔ 18:37

Ŋɔi Pilati í beeɛ í ni, debɛi, awɔ ilaalui? Ŋɔi Jesu í jɛaa í ni, awɔi ì fɔ bɛɛbɛ. Ǹ naai si andunya, à bím nii n jɛ sɛɛdai ntɔ. Inɛ iyi í jɛ ti ntɔ fei á gbɔ idem.

Woo bɛ ŋa 17:31

Nɔ í jilɛ ajɔ si bii inɛ iyi í cicau á kiitiò inɛi andunya ŋa fei nɔ kiitiɛu dee deei á jɛ. Nɔ í jũu tã hai si balɛ ku ba ku nyisi inɛ fei iyi inɛ bɛ á na ku cei.

Ebɛɛ 9:28

bɛɛbɛ mɔi Kirisi í na araɛ gbakã akã bɛi kuwee í soò dulum dii inɛ nkpɔ. Á nɔ ku na ku faata wa isɛ gbeejisia, kù jɛ ku naa ku kpa idei dulum dii inɛ ŋa má, amma ku ba faabai inɛ ŋa iyi à waa degbeɛ ŋau ku kɔ̃ mam mam nii.

Piɛɛ 1, 3:22

nŋu iyi í bɔ lele nɔ wa buba si awɔ njɛi Ilaaɔ̃. Bɛi amaleka ŋa do ilu yiikoi lele ŋa do ilu gbugbã ŋa à waa sũaa iri ilɛ.

Kuyɛi Zãa 1:7

Wee wa naa si kudũi ijĩ. Nɔ ijui inɛ fei á yɔɔ, baa inɛ ŋa iyi à gũu à kpaa. Dimi ikã ikãi andunya fei á kpata na iriɛ. Bɛɛbɛi á ce. Ami.