Luku 19:10 - Bibeli do fee

¹⁰ Amu Amai Amanɛ ǹ naa ku dɛdɛ inɛ ŋa iyi à nyɔi n faaba ŋa.

Luku 19:10 Iomraidhean Croise

Ezekiɛli 34:12

Amu takam nii an tɔtɔɔ mɛɛmum ŋau wa bɛi woo degbe í ya tɔtɔɔ mɛɛmuɛ ŋa iyi à fangaa ŋau wa. An koo n dɛdɛ mɛɛmum ŋau wai hai tengi bii à fangaa à nɛu fei si ajɔi ilu kuku nla nla.

Ezekiɛli 34:16

An ya n koo n dɛdɛ mɛɛmu iyi í nyɔ wai do iyi í ga araɛ í nɛ bii gɔ. Mɛɛmu iyi í ba kumɛɛ, an daa si iwɔi, iyi kù waa nɛ baani, an jɔ̀ ku ba irii. Amma iyi í la wa nɛ baani, nɔ í nɛ gbugbã, an kpaai. An maa n degbe mɛɛmu ŋaui si dee dee ku jɛ.

Matie 1:21

Á bí ama inɛmɔkɔ nɔ i sɔɔ Jesu. Nŋui á faaba inɛɛ ŋa hai si dulum du ŋa.

Matie 10:6

Amma i bɔ bi inɛi Izirɛli ŋa, aŋa iyi à nyɔ bɛi angudã ŋa.

Matie 15:24

Nɔ í jɛ í ni, bi inɛi Izirɛli ŋa aŋa akãi à bɛm wa, inɛ ŋa iyi à yɛ bɛi angudã ŋa iyi à nyɔ.

Matie 18:10

Jesu í sɔ̃ ŋa má í ni, i ce laakai i maà donda baa inɛ akãi amu ŋau ŋa. Ntɔ ntɔ ǹ wa n sɔ̃ ŋɛi, amaleka woo degbe nŋa ŋa à ya maa leekĩi ajɔ fei si wajui Baam iyi í wa lele. [

Matie 18:11

Amu Amai Amanɛ ǹ naa ku faaba inɛ ŋa iyi à nyɔi.]

Luku 15:32

Amma í sĩa ka jɛ jingau do inɔ didɔ̃ nla nla si na iyi í jɔ̀ ifɔɛu ihɛ̃ í yɛ bɛi í kui wo nɔ í baa si andunya má. Í nyɔ wo nɔ à yɔɔ má.

Luku 15:8

Nɔ Jesu í kpa nŋa mɔnda mmuɛ má í ni, bii inaabo gɔ í nɛ kpɛkɛlɛ mɛɛwa nɔ akãɛ í nyɔ, á má fitilai nɔ ku kpã ileu ku dɛdɛɛ do laakai hee koo yɔɔ.

Laabaau jiida iyi Zãa í kɔ 3:17

Ilaaɔ̃ kù bɛ Amaɛ wa si andunya ku ba ku yɛò taalei inɛi andunya ŋa, amma í bɔɔ wai ku ba inɛi andunya ŋa a ba faaba na saabuɛ.

Romu 5:6

Si waati iyi a kù nɛ gbugbã, Kirisi í ku na irii inɛ ŋa iyi a kù mà bɛɛrɛi Ilaaɔ̃. Í kui si waati iyi Ilaaɔ̃ í jilɛu.

Ebɛɛ 7:25

Na nŋu á yɔkɔ ku faaba inɛ ŋa iyi à waa sɛkɛɛ si Ilaaɔ̃ do saabuɛ mam mam, domi í wɛɛi hee do ajɔ fei ku maa tɔɔ Ilaaɔ̃ na iri nŋa.