Luku 18:9 - Bibeli do fee

⁹ Jesu í kpa mɔnda gɔ má na irii inɛ gɔ ŋa iyi à waa cɔ ara nŋa inɛ dee dee, nɔ à waa ca inɛ gɔ ŋa.

Luku 18:9 Iomraidhean Croise

Mɔnda ŋa 30:12

Inɛ gɔ ŋa mɔ à waa cɔ ara nŋa hai nɛ taale kãma, baa do iyi a kù jɔ̀ kurara ŋa ku ce.

Ezai 65:5

À ya fɔ a ni, fà araɛ, maà naa kɔkɔm, domi à nyam ikã. Kuce dimi bɛɛbɛ ŋau bɛ fei, í yɛi bɛi cua si imɔm ŋa do bɛi ina iyi wa jo hai maà tã.

Ezai 66:5

I sotĩ i gbɔ bɛi Aɔ̃ Lafɛ̃ɛ í fɔ ŋa iŋɛ iyi ì waa jirima ideɛu. Ide iyi inɛ nŋɛ ŋa à fɔ wee, aŋa iyi à cé ŋɛ nɔ à kɔ̀si ŋɛ na irim, à waa ni, Aɔ̃ Lafɛ̃ɛ ku nyisi amboeɛ nɔ ka yɛ inɔ didɔ̃ nŋɛ. Amma inɛ ŋau, aŋai aa yɛ anyɔ.

Kuwee 13:32

Si ajɔ mɛɛjesiau bii woo weeu í cɔɔ má nɔ í yɛ bɔ̃ɔu kù la kù kɔ̃ɔsi si iriu, bii kù nɛ nto iyi í ce igbaagba, nɔ kù jĩisa,

Luku 10:29

Amma mɔkɔu wa bi ku na araɛ ntɔ, nɔ í beeɛ í ni, yooi í jɛ inɛ mmu bi tom.

Luku 15:2

Ŋɔi Farisi do woo kɔ inɛ ŋa si wooda ŋa à lɔsi ku gbagba à waa ni, mɔkɔu wa gba inɛ laalɔ ŋa nɔ aŋaò ŋa à tɔtɔɔ à waa jɛ.

Luku 16:15

Nɔ Jesu í sɔ̃ ŋa í ni, iŋɛ ì waa dɛ i jɛ inɛ dee dee ŋa si wajui amanɛ ŋa, amma Ilaaɔ̃ í mà idɔ nŋɛ. Ǹ wa n sɔ̃ ŋɛi, mii iyi amanɛ ŋa à waa cɔ mii jiida, bi Ilaaɔ̃ mii sãmii.

Luku 18:11

Farisiu í leekĩ wa ce kutɔɔ wa ni, Ilaaɔ̃, ǹ saabuɛ do iyi n kù yɛ bɛi inɛ ŋa iyi à gbe, iyi à jɛ woo takii inɛ ŋa, do woo ce laalɔ ŋa, do woo ce sakara ŋa, do woo gba fiai lɛmpoo ŋa bɛi mɔkɔu ihɛ̃.

Luku 19:7

Iyi inɛ ŋa à yɔɔ, ŋɔi aŋa fei à gbagba à waa ni, í koo í sɔ kpasɛ̃i ilu dulum.

Luku 7:39

Farisi iyi í kpe Jesu ku jɛu, iyi í yɔɔ, ŋɔi í fɔ si idɔɛ í ni, bii mɔkɔu ihɛ̃ waliii, á mà dimii inaabo iyi wa luu ihɛ̃ domi woo ta icui.

Laabaau jiida iyi Zãa í kɔ 8:48

Ŋɔi Zuifu ŋau à sɔ̃ Jesu à ni, debɛi awa à nɛ ntɔ si bɛi à ni awɔ inɛi Samarii, nɔ ì nɛ inɛi inɔɔko.

Laabaau jiida iyi Zãa í kɔ 9:28

Ŋɔi à buu à ni, awɔi ì jɛ mɔcɔɛ bɛ mɛɛ. Awa mɔcɔi Moizi ŋai.

Laabaau jiida iyi Zãa í kɔ 9:34

Ŋɔi à sɔ̃ɔ à ni, si dulum nii à bíɛ mam mam. Ì tamaa awɔi aa kɔ nwa si cio? Ŋɔi à ganjiɛ ku naa ile bii à ya ce kutɔtɔɔ nŋa ŋa.

Woo bɛ ŋa 22:21

Amma Lafɛ̃ɛ í sɔ̃m í ni n koo, domi hee jĩijĩ bi dimi mmu ŋai nŋu á bɛm.

Romu 10:3

A kù mà bɛi Ilaaɔ̃ í ya ceò inɛ dee dee, nŋui í jɔ̀ à dɛ kpãa nŋa bɛi aa ce a jɛò dee dee, nɔ a kù waa too si kpãa iyi Ilaaɔ̃ í jilɛ.

Romu 14:10

To, bii bɛɛbɛi, na mii í ce awɔ ì waa yɛ taalei kpaasiɛ. Mà na mii í ce ì waa donda kpaasiɛ. Awa feii aa ka leekĩ ajɔ akã si wajui Ilaaɔ̃ ku kiiti nwa.

Romu 14:3

Inɛ iyi wa jɛ mii iyi í ba fei ku maà donda inɛ iyi ci ya jɛ mii fei, nɔ inɛ mɔ iyi ci ya jɛ mii iyi í ba fei, ku maà yɛ taalei inɛ njɛ iyi wa jɛ mii fei, domi Ilaaɔ̃i í gba lafɛ̃ɛ.

Romu 7:9

Tako waati iyi n kù mà wooda, ǹ wɛɛ wo, amma waati iyi ǹ na ǹ mà wooda, dulum í dedei