Luku 18:43 - Bibeli do fee

⁴³ Ŋɔi gbakã í yɛ ilu, nɔ wa too Jesu í wasi Ilaaɔ̃ ku saabu. Iyi zamaau í yɔɔ, ŋɔi aŋa fei à wasi Ilaaɔ̃ ku saabu.

Luku 18:43 Iomraidhean Croise

Iri ku kɔ̃ 107:15

A saabu Aɔ̃ Lafɛ̃ɛ na jiida ku jɛɛ, do na maamaake ŋa iyi í ce na amanɛ ŋa.

Iri ku kɔ̃ 107:8

A saabu Aɔ̃ Lafɛ̃ɛ na jiida ku jɛɛ, do na maamaake ŋa iyi í ce na amanɛ ŋa.

Iri ku kɔ̃ 146:8

Aɔ̃ Lafɛ̃ɛi í ya cĩ ijui fɛɛju ŋa. Aɔ̃ Lafɛ̃ɛi í ya jɔ̀ inɛ ŋa iyi à waa kɔmba à tɛ. Aɔ̃ Lafɛ̃ɛ í nɛ kubii inɛ dee dee ŋa.

Iri ku kɔ̃ 30:2

Aɔ̃ Lafɛ̃ɛ, an fɔ kulaɛ, domi awɔi ì jɔ̀ ǹ baa si kuwɛɛ má. Awɔi i kù jɔ̀ mbɛɛm ŋa a nyaanyim.

Ezai 35:5

Waati bɛɛbɛ, fɛɛju ŋa aa yɛ ilu, dekĩ ŋa aa gbɔ ide.

Ezai 42:16

An gbã fɛɛju ŋa n tooò ŋa si kpãa gɔ iyi a kù mà wo. An gbã ŋai n jɔ̀ a too si kpãa ŋa iyi a kù mà wo. Si waju nŋa an kpaasi ilu kuku n jɔ̀ ku baa ku jɛ inya kumá, nɔ ilɛ iyi í nɛ bi ku koosɛ ŋau, an jɔ̀ ku baa ku jɛ kpãa ku munga anu. Nɔ dee dee mii iyi an ce mbɛ. N kaa n jɔ̀ɔ iyi n kù coo.

Ezai 43:21

Zamaa iyi ǹ takau á kɔ̃ irii ku maa saabum.

Matie 11:5

Fɛɛju ŋa à waa yɛ ilu, woo sukutɛ ŋa à waa nɛ dee dee, dintɛ ŋa à ba iri à jɛ inɛ kumaaju, dekĩ ŋa à waa gbɔ ide, iku ŋa à jĩ, nɔ à waa sisia ilu are ŋa laabaau jiida.

Matie 21:14

Ŋɔi fɛɛju do ilu kutɛ akã gɔ ŋa à naa bi Jesu kpasɛ̃i Ilaaɔ̃ bɛ nɔ í jɔ̀ à ba iri.

Matie 9:8

Wee inɛ nkpɔ nkpɔi í wa bɛ. Iyi à yɔɔ bɛɛbɛ ŋɔi njo í mu ŋa à waa saabu Ilaaɔ̃ do iyi í na amanɛ dimii yiikou bɛ.

Luku 13:17

Waati iyi wa fɔ ideu bɛ, anyɔ wa mu mbɛɛɛ ŋau fei, nɔ zamaau í wɛɛ do inɔ didɔ̃ na maamaake ŋa iyi wa ce fei.

Luku 19:37

Iyi í maai Zeruzalɛmu tengi bii kpãai geetei Olivieu í sinti ku dasi lɔɔma, ŋɔi mɔcɔɛ ŋau fei à waa dɔ̃ anu à lɔsi Ilaaɔ̃ ku saabu do inɔ didɔ̃ na irii maamaake ŋa iyi à yɛu fei.

Luku 4:39

Ŋɔi í kɔmba si abou í la si ara gbãau nɔ í nya. Nɔ abou í dede gbakã í yaaɛ ŋa.

Luku 5:26

Ŋɔi aŋa fei à biti à waa saabu Ilaaɔ̃. Njo í bɛi wa mu ŋa à waa ni, à yɛ mii maamaake nnyi.

Luku 9:43

Inɛ ŋa iyi à wa bɛ fei à biti do bɛi gbugbãi Ilaaɔ̃ í la í to. Si bɛi aŋa fei à wɛɛò bitiu bɛɛbɛ do mii iyi Jesu wa ce fei, ŋɔi Jesu í sɔ̃ mɔcɔɛ ŋa í ni,

Woo bɛ ŋa 11:18

Iyi inɛ ŋau à gbɔ ideu, ŋɔi idɔ nŋa í tũ, nɔ à saabu Ilaaɔ̃ à waa ni, debɛi, Ilaaɔ̃ í mua hee do dimi mmu ŋa mɔ kpãa a kpaasiò idɔ nŋa a baò kuwɛɛ hai tã.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Woo bɛ ŋa 4:21

Ŋɔi à gbagba si ŋa má ntɔ ntɔ à bɛi à jɔ̀ ŋa. A kù ba yaase bɛi aa ce a fa itĩ nŋa si na iyi í jɔ̀ inɛ fei wa saabu Ilaaɔ̃ do mii iyi í ceu,

Galati 1:24

Nɔ à saabu Ilaaɔ̃ na irim.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.