Luku 18:24 - Bibeli do fee

²⁴ Iyi Jesu í yɔɔ iyi inɔɛ í fɔ bɛɛbɛ ŋɔi í ni, á gaabu hee ku caa ilu fia ku lɔ tengi bii Ilaaɔ̃ í jɛ bommaɛ.

Luku 18:24 Iomraidhean Croise

Iri ku kɔ̃ 10:3

Ilu inɔ kukã í ya maa tɔɔ fufui si laalɔ iyi í bi ku ce. Bii í ba í coo í ya bu Aɔ̃ Lafɛ̃ɛi nɔ ku maa yaakoɛ.

Mɔnda ŋa 11:28

Inɛ iyi wa kaaba amaniɛ á cuku, amma inɛ dee dee ŋa aa maa bɔ wajui bɛi wua tũtũ iyi wa la.

Mɔnda ŋa 18:11

Ilu fia amaniɛi í ya maa kaaba, nɔ ku maa cɔɔ bɛi bindi ku nɛ gbugbã iyi á maa degbe nŋu.

Mɔnda ŋa 30:9

Á yɔkɔ ku jɛ bii ǹ na n jɛ ilu amani an na n kɔ̀siɛ nɔ n maa n ni, yooi í jɛ Aɔ̃ Lafɛ̃ɛ, walakɔ bii are í mantem an na n lɔsi ile ku ce nɔ n bɛjɛò iriɛ.

Zeremi 2:31

Iŋɛ inɛi nsɛi ŋa, i sotĩ i gbɔ idem nɔu do laakai ŋa. Amui ǹ baa ǹ yɛ bɛi ilɛ gbaa bi tu ŋɛ walakɔ bɛi ilɛi ilu kuku nla nla? Na mii í ce iŋɛ inɛm ŋa ì fɔ ì waa ni ŋa, à nɛ ara nwa. A kù bi ka nyi wa bi tɛɛ.

Zeremi 5:5

Bɛbɛi bi inɛ ngbo ŋai an bɔ n sɔ̃ ŋa ide, domi ngu ŋa a mà kpãai Ilaaɔ̃ ku too do woodai Aɔ̃ Lafɛ̃ɛ nŋa. Amma aŋa mɔ, aŋaò ŋa fei akãi. Tilasi do anu akã iyi í wa si gãmɛ nŋa do Aɔ̃ Lafɛ̃ɛ nŋau fei, à daai.

Maaku 6:26

Baa do iyi inɔi ilaaluu í fɔ ntɔ ntɔ fei kù bi ku kɔ̀ɔ, si na iyi í jɔ̀ í gbasi do mii fei si wajui inɛ njooɛ ŋau.

Luku 18:23

Iyi mɔkɔu í gbɔ bɛɛbɛ ŋɔi inɔɛ í fɔ ntɔ ntɔ, domi ilu amani nla nlai.