Luku 18:23 - Bibeli do fee

²³ Iyi mɔkɔu í gbɔ bɛɛbɛ ŋɔi inɔɛ í fɔ ntɔ ntɔ, domi ilu amani nla nlai.

Luku 18:23 Iomraidhean Croise

Ezekiɛli 33:31

Inɛ ŋau à ya naa a tɔtɔɔ si wajuɛ a de siɛ itĩ a maa gbɔ ideɛ. Amma a ci ya ce iyi ì waa sɔ̃ ŋau. Lasabu nŋa do mii iyi à bii à ya maa ce.

Matie 19:22

Iyi awaasũu í gbɔ bɛɛbɛ ŋɔi í sinda í nɛ do inɔ kufɔ domi ilu amani nla nlai.

Maaku 10:22

Ide iyi Jesu í fɔu kù dɔ̃a inɛɛu si. Nɔ si bɛi í jɛ ilu amani nla nla, í sinda wa nɛ do inɔ ku fɔ.

Luku 12:15

Nɔ í sɔ̃ ŋa í ni, i ya ce laakai ŋa ntɔ ntɔ do kɔdɛɛ fei, domi amanii amanɛ si í jɛ icui kuwɛɛɛ, baa bii bɛirei amaniu í la í to.

Luku 18:22

Iyi Jesu í gbɔ bɛɛbɛ, ŋɔi í sɔ̃ɔ í ni, í gbeɛ mii akã. Koo i ta mii iyi ì nɛ fei nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.

Luku 18:24

Iyi Jesu í yɔɔ iyi inɔɛ í fɔ bɛɛbɛ ŋɔi í ni, á gaabu hee ku caa ilu fia ku lɔ tengi bii Ilaaɔ̃ í jɛ bommaɛ.

Luku 19:8

Amma Zakee í dede í leekĩ si wajui Lafɛ̃ɛ í ni, bubui amanim an na ilu are ŋa. Nɔ bii ǹ takii inɛ gɔ ŋa ǹ gba mii ndu ŋa, an sindo nŋa bɛɛbɛ má tuuba mɛɛ.

Luku 21:34

I ce laakaii ara nŋɛ ŋa ku ba i maà na i jɛ hai nɛ laakai ŋa na atɛ̃ ku mɔ do ijɛ ku bi do lasabui mii ndii andunya ŋa. Bii kù jɛ bɛɛbɛ ajɔu á na ku boe ŋɛi bɛi cɛkũm,

Luku 8:14

Inɛ gɔ ŋa mɔ à yɛi bɛi inya iyi í nɛ agũ ŋau. Aŋai à gbɔ ideu, amma si bɛi à waa nɛ, zigiida do amani do didɔ̃i andunya ŋai à bii ideu à kpaa, nɔ iso nŋa ŋa kù jĩa.

Efɛɛzu 5:5

I jɔ̀ i mà ŋa kãm kãm iyi woo tɔtɔɔ sɛ̃ɛ hai nɛ yaase do ilu daa sãmi ŋa, kãma nŋa kù nɛ ikpɛ̃ si bommai Ilaaɔ̃ do ti Kirisi. Bɛɛbɛ mɔi hee do ilu binɛ ŋa fei, kãma nŋa kù nɛ ikpɛ̃ si bommai Ilaaɔ̃ do ti Kirisi domi binɛ í yɛi bɛi iwɛ̃ ku tɔɔ.

Filipi 3:8

Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,

Kolosee 3:5

Na nŋu, i kpa kubii mii ndii andunya iyi wa ce icɛ si ŋɛ fei. Mii ndii andunya ŋaui à jɛ sɛ̃ɛ ku tɔtɔɔ hai nɛ yaase, do daa laalɔ, do binɛ, do kubi nfe nfe, do kɔdɛɛi mii nkpɔ. Ntɔ ntɔ bii ì waa ce kɔdɛɛ, mii nkpɔi ì ya tɔɔ si agbɛi Ilaaɔ̃.

Zãa 1, 2:15

I maà ti i bi andunya ŋa do mii ŋa iyi à wa si andunya. Inɛ iyi í bi andunya, kubii Ilaaɔ̃ Baaba kù wa siɛ,