Luku 18:14 - Bibeli do fee

¹⁴ Jesu í ni, ǹ wa n sɔ̃ ŋɛi, hai bɛ inɛɛu ihɛ̃ í baa í jɛ dee dee si wajui Ilaaɔ̃ í nyiò ideɛ. Amma Farisiu kù jɛ dee dee, domi inɛ iyi í so araɛ lele aa kaye lafɛ̃ɛi, inɛ mɔ iyi í kaye araɛ aa soo lelei.

Luku 18:14 Iomraidhean Croise

Zɔɔbu 22:29

Bii à dasi inɛ gɔ ŋa anyɔ, aa ni na faau nŋai, amma Ilaaɔ̃ í ya faaba inɛ iyi í kaye araɛi.

Zɔɔbu 25:4

Bɛirei amanɛ á ce ku nɛ ntɔ si Ilaaɔ̃. Bɛirei amanɛ á ce ku má si wajui Ilaaɔ̃.

Zɔɔbu 9:20

Baa bii ǹ jɛ dee dee, gɛlɛm nii á kɔ̀m ntɔ. Baa bii í jɛ n kù nɛ taale, gɛlɛm nii á yɛ taalem.

Iri ku kɔ̃ 138:6

Aɔ̃ Lafɛ̃ɛ í wa lele amma wa yɛ inɛ ŋa iyi à kaye ara nŋa. Nɔ ilu faau ŋa, hai jĩijĩ í mà ŋa.

Iri ku kɔ̃ 143:2

Amu woo ce icɛɛi, maà kiitim, domi inɛ kãma kù wɛɛ iyi kù nɛ taale si wajuɛ.

Kufita 18:11

Nsɛi ǹ mà iyi Aɔ̃ Lafɛ̃ɛ í la í re mii baa yooma fei iyi inɛ ŋa à waa tɔɔ, nɔ í nyisi gbugbãɛ waati iyi í nya inɛi Izirɛli ŋau wa hai si awɔ gbugbãi inɛi Ezibiti ŋau.

Mɔnda ŋa 15:33

Bɛɛrɛi Aɔ̃ Lafɛ̃ɛ ku mài, á kɔɛ si bisi. Bii ì bi i ba bɛɛrɛ, í gbe i kaye araɛ. Bii ì bi i nɛ bɛɛrɛ, jɔ̀ i kaye araɛ titã.

Mɔnda ŋa 18:12

Ara ku so í ya naa amanɛ nfe ku ce wai, amma ara ku kaye í ya jɔ̀ amanɛ ku nɛ bɛɛrɛi.

Mɔnda ŋa 25:7

Á sĩa a na a kpeɛ a ni, naa i buba si kitã iyi í nɛ bɛɛrɛu ihɛ̃, do iyi aa na a dedeɛ si wajui amanlu ŋa a dasiɛ anyɔ.

Mɔnda ŋa 29:23

Faaui amanɛi í ya too do anyɔ, amma inɛ iyi í ya kaye araɛ á ba saabu.

Mɔnda ŋa 3:34

Baaɛ ci ya wa si woo yaako inɛ ŋa, amma í ya cea inɛ ŋa iyi à kaye ara nŋa didɔ̃.

Woo lasabu 9:7

Na nŋu, jɔ̀ i jɛ sɔndaɛ nɔ i mɔ vɛ̃ɛɛ do inɔ didɔ̃, domi Ilaaɔ̃ í saabu si icɛɛ tã.

Ezai 45:25

Do saabui Aɔ̃ Lafɛ̃ɛi tɔkui Izirɛli ŋau fei aa jɛò dee dee, nɔ siɛi inɔ didɔ̃ nŋa fei á wa.

Ezai 53:11

Ŋɔi Aɔ̃ Lafɛ̃ɛ í ni, si anyii wahala ŋa iyi woo ce icɛm nɔu á bau, á nyi ku yɛ inya kumái kuwɛɛ má hee ku too. Nɔ na saabui kumà iyi woo ce icɛm nɔu í nɛ, nŋu iyi í jɛ dee deeu, á jɔ̀ inɛ nkpɔ ku jɛ dee dee, nŋu iyi í so kurara nŋa ŋau.

Ezai 57:15

Ntɔ ntɔ inɛ iyi í wa hee lele feiu, nŋu iyi kuwɛɛɛ kù nɛ kɔɔ, nɔ iriɛ í máu í fɔ í ni, lele bii í mái ǹ wa amma ǹ nyi ǹ wa bi inɛ ŋa iyi à waa taa gbugbã nɔ à waa ba wahala ku ba n dede ŋa nɔ n mu nŋa gbugbã.

Ezai 66:2

Mii ŋa iyi ì waa yɛ ŋau bɛ fei ŋa, awɔm nii í ce ŋa. Do yaase bɛɛbɛi aŋa fei à wɛɛò. Amu Aɔ̃ Lafɛ̃ɛi ǹ wa n sɔ̃ ŋɛ. Si inɛ iyi ijum ŋa í ya wa wee. Ijum í ya wai si ilu are do si hai nɛ gbugbã iyi wa gbɔ idem do jirima nla nla.

Abakuku 2:4

Cɔ inɛ laalɔ kù wa si kpãa jiida, nɔ á ce nfei. Amma inɛ dee dee á maa wɛɛi na naanɛ ku dasiɛ.

Matie 23:12

Inɛ iyi í so araɛ lele, aa kayeɛi, inɛ mɔ iyi í kaye araɛ aa soo lelei.

Matie 5:3

ilu inɔ didɔ̃ ŋai inɛ ŋa iyi à waa tɔɔ Ilaaɔ̃ do ara kukaye, domi aŋai à jɛ inɛi bommai Ilaaɔ̃ ŋa.

Luku 1:52

Í kɛkɛ ilaalu ŋa si batai bomma nŋa ŋa, nɔ í so ilu are ŋa lele.

Luku 10:29

Amma mɔkɔu wa bi ku na araɛ ntɔ, nɔ í beeɛ í ni, yooi í jɛ inɛ mmu bi tom.

Luku 14:11

Ntɔ ntɔ inɛ iyi í so araɛ lele à ya kayeɛi. Inɛ mɔ iyi í kaye araɛ à ya soo lelei.

Luku 16:15

Nɔ Jesu í sɔ̃ ŋa í ni, iŋɛ ì waa dɛ i jɛ inɛ dee dee ŋa si wajui amanɛ ŋa, amma Ilaaɔ̃ í mà idɔ nŋɛ. Ǹ wa n sɔ̃ ŋɛi, mii iyi amanɛ ŋa à waa cɔ mii jiida, bi Ilaaɔ̃ mii sãmii.

Romu 3:20

Ntɔ ntɔ inɛ kãma kù wɛɛ iyi á yɔkɔ ku jirima wooda hee koo jɛò dee dee si wajui Ilaaɔ̃. Wooda í wɛɛi ku ba ku jɔ̀ amanɛ ku mà iyi nŋu í jɛ ilu dulum.

Romu 4:5

Amma inɛ iyi í dasi Ilaaɔ̃ naanɛ, nɔ kù dɛ nŋu ku jɛ dee dee na icɛɛ, Ilaaɔ̃ mɔ, nŋu iyi í ya ce ilu dulum ŋa inɛ dee dee, á doo lafɛ̃ɛu amanɛ dee dee na naanɛ ku dasiɛ.

Romu 5:1

Nsɛi, si bɛi Ilaaɔ̃ í ce wa inɛ dee dee ŋa na naanɛ ku dasi nwa, à dɔ̃ do nŋu na saabui Lafɛ̃ɛ nwa Jesu Kirisi.

Romu 8:33

Inɛ ŋa iyi Ilaaɔ̃ í cica, yooi á yɔkɔ ku yɛ taale nŋa má. Kù wɛɛ, domi Ilaaɔ̃i í ce ŋa dee dee.

Galati 2:16

Do nŋu fei, à mà iyi amanɛ kaa jɛ dee dee si wajui Ilaaɔ̃ na wooda ku too, bii kù jɛ na naanɛ iyi á dasi Jesu Kirisi. Na nŋu, awa mɔ à dasi Jesu Kirisi naanɛ ku ba ka jɛ dee dee na naanɛ iyi à dasi Kirisi, kù jɛ na wooda ku too. Ilaaɔ̃ kaa ce inɛ gɔ dee dee si na iyi í jɔ̀ wa jirima wooda.

Zaaki 4:10

I kaye ara nŋɛ si wajui Aɔ̃ Lafɛ̃ɛ nɔ á so ŋɛ lele.

Zaaki 4:6

Amma Ilaaɔ̃ í ya mu nwa didɔ̃ iyi í la í re. Nɔ bɛɛbɛi kukɔi idei Ilaaɔ̃ wa fɔ í ni, Ilaaɔ̃ kù wa anyii ilu faau ŋa amma woo kaye ara ŋai wa mua didɔ̃ɛ.

Samuɛli 1, 1:18

Ana í jɛaa í ni, awɔ mɔ, mum do inɔ akã. Ŋɔi í nɛ nɔ í jɛsi nŋu ku jɛ nɔ kù wɛɛò inɔ kufɔ má.