Luku 18:13 - Bibeli do fee

¹³ Woo gba fiai lɛmpoou mɔ í leekĩ í mu araɛ ikã, kù yɔkɔ kù wu iju lele, í le awɔ si iri í ni, Ilaaɔ̃, ce araarem amu ilu dulum.

Luku 18:13 Iomraidhean Croise

Samuɛli 2, 12:13

Ŋɔi Davidi í sɔ̃ Natãa í ni, ǹ ce dulum bi Aɔ̃ Lafɛ̃ɛ. Nɔ Natãa í sɔ̃ Davidi í ni, Aɔ̃ Lafɛ̃ɛ í ceɛ suurui dulum dɛɛ, i kaa ku má.

Bomma 2, 33:19

Hai kutɔɔɛ do yaase bɛi Ilaaɔ̃ í jɛaa do dulum ŋa iyi í ce do dee dee hai jɛɛ do si inya ŋa bii í ce bi kuweea iwɛ̃ si geete ŋau do bii í gũa iwɛ̃ Asera jĩi ŋa do kuta ŋa hee ku maa kaye araɛu à kɔ ŋa si tiai Hozai.

Bomma 2, 33:23

Ŋɔi í kɔ̀ ku kaye araɛ si wajui Aɔ̃ Lafɛ̃ɛ bɛi baaɛ Manasee í ceu, amma í kɔ̃ɔsi kuraraɛ wa kooi.

Ɛsidarasi 9:6

Ǹ ce kutɔɔ ǹ ni, Ilaaɔ̃ Lafɛ̃ɛm, ǹ wɛɛò inɔ kufɔ, nɔ anyɔ wa mum hee í jɔ̀ n kaa n jɛ n wu iju lele n cɔɛ. Laalɔ ku ce nwa í la í caa í to hee lele mɔm.

Zɔɔbu 42:6

Na ŋɔi í ce iyi ǹ fɔ wo n kù fɔ má. Nɔ ǹ kaye aram ǹ koo ǹ wa n buba si sãa do si ilúlu.

Iri ku kɔ̃ 106:6

Awa à ce dulum nii bɛi bala nwa ŋa. À ce kurara ŋa, nɔ à cei bɛi ilu inɔ kukã ŋa.

Iri ku kɔ̃ 119:41

Aɔ̃ Lafɛ̃ɛ, jɔ̀ jiida ku jɛɛ ku naa sim. Faabam si bɛi ì ce kuwãɛu.

Iri ku kɔ̃ 130:7

Iŋɛ inɛi Izirɛli ŋa, i jɔ̀ naanɛ nŋɛ ku wa si Aɔ̃ Lafɛ̃ɛ, domi í jɛ jiida, nɔ nŋui í ya faaba inɛ ntɔ ntɔ.

Iri ku kɔ̃ 25:11

Aɔ̃ Lafɛ̃ɛ, kuraram í la, amma na saabui iriɛ, aa kpaa.

Iri ku kɔ̃ 25:7

Aɔ̃ Lafɛ̃ɛ, maà maa ye gigii dulum dom ŋa walakɔ ide ku kɔ̀m ŋa iyi ǹ ce hai awaasũm. Ye gigim si jiida ku jɛɛ na didɔ̃ɛ.

Iri ku kɔ̃ 40:12

Awɔ Aɔ̃ Lafɛ̃ɛ, i kaa kɔ̀ɔm didɔ̃ɛ. Jiidaɛ do ntɔɛ ŋai aa maa mum ajɔ fei.

Iri ku kɔ̃ 41:4

Waati iyi wa sũ do ara kuro, Aɔ̃ Lafɛ̃ɛi á degbeɛ. Si bɔ̃ɔɛu nŋui á maa muu.

Kufita 33:10

Bii inɛ ŋau à yɛ kudũi ijĩu si andɛ ileu gbakã aŋa fei à ya gulɛi do jirima hee ilɛ si anu ilei aŋa taka nŋa ŋa bɛ.

Ezai 1:18

Aɔ̃ Lafɛ̃ɛ í ni, na nŋu, i naa wa ka busi njɛ ŋa. Bii dulum du ŋɛ ŋa à kpã bɛi njɛ, an jɔ̀ a fũuta pai pai bɛi iwu. Bii í nɔ í jɛ à yɛ bɛi bulam bulam nii, an jɔ̀ ku fũuta pai pai bɛi ikũ fũfũ.

Ezai 6:5

Ŋɔi ǹ dɔ̃ anu ǹ ni, inɔ kufɔi í jɛ tom. Ǹ ce nfe mbɛ, domi gɛlɛm kù maaju, nɔ ǹ wa si aninii inɛ ŋa iyi gɛlɛ nŋa ŋa kù maaju. Nɔ wee ǹ yɛ ilaalu Aɔ̃ Lafɛ̃ɛi lele do ilɛ do ijum.

Ezai 66:2

Mii ŋa iyi ì waa yɛ ŋau bɛ fei ŋa, awɔm nii í ce ŋa. Do yaase bɛɛbɛi aŋa fei à wɛɛò. Amu Aɔ̃ Lafɛ̃ɛi ǹ wa n sɔ̃ ŋɛ. Si inɛ iyi ijum ŋa í ya wa wee. Ijum í ya wai si ilu are do si hai nɛ gbugbã iyi wa gbɔ idem do jirima nla nla.

Ezekiɛli 16:63

Aa ye gigii mii iyi ì ce wo nɔ anyɔ á muɛ. I kaa yɔkɔ i fɔ ide na anyɔu waati iyi an ceɛ suurui mii iyi ì ceu. Amu Aɔ̃ Lafɛ̃ɛi ǹ fɔ bɛɛbɛ.

Daniɛli 9:5

Awa à kua woodaɛ ŋa, à ce dulum nɔ à baa à jɛ ilu taale ŋa. À dedeò ide ku kɔ̀ siɛ, nɔ à sinda à toa ideɛ do woodaɛ ŋa anyi.

Matie 10:3

do Filipu do Baatelemi, do Tomaa, do Matie iyi í tako í jɛ woo gba fiai lɛmpoo, do Zaaki amai Alifee do Tadee,

Matie 6:5

Jesu í ni, bii ì waa ce kutɔɔ ŋa i maà ya ce bɛi ilu muafiti ŋa à ya ce. À ya bi aŋa a leekĩ a ce kutɔɔ ile bii à ya ce kutɔtɔɔ ŋa do bi tafa ŋa ku ba inɛ fei ku yɛ ŋa. Ntɔ ntɔ, inɛ nŋu ŋa à ba riba nŋa fei tã.

Matie 9:13

Ǹ wa n sɔ̃ ŋɛi, n kù naa ku kpe inɛ dee dee ŋa, amma ilu dulum ŋai ǹ naa ku kpe. I koo i bee yaasei kukɔu iyi í ni, Ilaaɔ̃ í ni, ǹ bi i ce araarei njɛ ŋa i re i ceem kuwee.

Maaku 11:25

Waati iyi ì dede ì leekĩ ì waa bi i ce kutɔɔ ŋa, bii ì nɛ ide gɔ do inɛ gɔ ŋa i kpa idei kurara iyi í wa si gãmɛi iŋɛò ŋa titã ku ba Baa nŋɛ mɔ iyi í wa lele ku kpa idei dulum du ŋɛ. [

Luku 17:12

Ŋɔi í maai ilu gɔ. Waati iyi wa bi ku lɔ inɔ iluu, ŋɔi dintɛ mɛɛwa gɔ ŋa à koo à kòo amma à leekĩ à jĩòɛ keeke.

Luku 22:41

Si anyii nŋu nɔ í sɛkɛɛ í jɔ̀ ŋa zakai kujĩi kutai awɔ nɔ í gulɛ bɛ wa ce kutɔɔ

Luku 23:48

Nɔ inɛ ŋa mɔ iyi à naa ku cɔ mii iyi á na ku ceu fei à yɔɔ nɔ à sinda à nɛ do inɔ kufɔ nla nla.

Luku 5:8

Iyi Simɔɔ Piɛɛ í yɛ mii nɔu í ce bɛɛbɛ ŋɔi í koo í gulɛ si wajui Jesu í ni, Lafɛ̃ɛ, tɛkɛɛ hai bi tom, domi amu ilu dulum nii.

Woo bɛ ŋa 2:37

Iyi inɛ ŋau à gbɔ bɛɛbɛ ŋɔi ideu í to si ŋa ntɔ ntɔ, nɔ à bee Piɛɛ do woo bɛ iyi à gbe ŋau à ni, iŋɛ kpaasi nwa ŋa, bɛirei aa ka ce.

Romu 5:8

Amma Ilaaɔ̃ í nyisi wa kubi nlaɛ domi waati iyi à jɛ ilu dulum ŋa Kirisi í ku na iri nwa.

Kɔrɛnti 2, 7:11

Ilaaɔ̃ í ceò inɔ kufɔ nŋɛu icɛ, nɔ i cɔ ribaɛ nsɛi ŋa. I cɔ zaka bɛi inɔ kufɔu í jɔ̀ ì ce laakai ŋa ì ce himma ì kɔ̀ò ara nŋɛ ŋa. Nɔ í jɔ̀ inɔ nŋɛ kù waa dɔ̃ wo nɔ ì waa ce njo ŋa, ì kpã woo ce laalɔu iju ŋa. Nɔ í jɔ̀ ì bi i yɛm má ŋa nɔ ì nɛ kubim ŋa. Si fei ndɛɛ ì nyisi iyi ì maaju si ideu ŋa.

Timɔtee 1, 1:15

Ide ilu naanɛi iyi í jɔ̀ i yɔ awɔ i gba ŋa mam mam. Ideu wee. Jesu Kirisi í naai si andunya ku faaba ilu dulum ŋa. Amui ǹ re ŋa do dulum,

Ebɛɛ 4:16

Kitãi bommai Ilaaɔ̃i í jɛ tengi bii aa ka ba didɔ̃. Na nŋu, ka sɛkɛɛ si kitãu si kutɔɔ nwa do idɔ ku buba, ku ba Ilaaɔ̃ ku ce araare nwa nɔ ku mu nwa didɔ̃ iyi á sobi wa si waati iyi í jɔ.

Ebɛɛ 8:12

An ce nŋa suurui dulum iyi à ce fei, n kaa n ye gigiɛ má.