Luku 18:12 - Bibeli do fee

¹² Si azuma akã fei ǹ ya n dĩ anu ajɔ minji, nɔ mii iyi ǹ ba si mɛɛwa fei, ǹ ya n nya akãi.

Luku 18:12 Iomraidhean Croise

Ilaalu 2, 10:16

Nɔ í sɔ̃ɔ í ni, toom wa i koo yɛ kookaai iyi ǹ wa n cea Aɔ̃ Lafɛ̃ɛ. Bɛɛbɛi í so Zonadabu si inɔ sarɛtii igũɛu í nɛò.

Ezai 1:15

Bɛbɛi bii ì wu awɔ nŋɛ ŋa lele ì waa ce kutɔɔ ŋa, an ya n fà ijum nii ku ba n maà n yɛ ŋɛ. Aa ce kutɔɔ hee i gbɛɛji ŋa, amma n kaa n gbɔ nŋɛ, domi awɔ nŋɛ ŋa í kɔ̃i do njɛ.

Malasi 3:8

Ŋɔi ǹ jɛ nŋɛ ǹ ni, amanɛ á yɔkɔ ku lɛlɛ Ilaaɔ̃? Ntɔ ntɔ, iŋɛ ì waa lɛlɛm ŋai. Nɔ ì fɔ ì waa ni ŋa, si mii à waa lɛlɛɛ. Nɔ ǹ jɛ ǹ ni, si amua nŋɛ ku naaò wa do si akã iyi ì nɛ i ya naam wa si mɛɛwa fei ŋau.

Kuka 18:24

Iyi á jɛ ikpɛ̃i inɛi Levii ŋa, nŋui í jɛ si mɛɛwa fei akã iyi inɛi Izirɛli ŋa à nɛ kpãai ku naam wau, na ŋɔi í jɔ̀ ǹ sɔ̃ ŋa ǹ ni a kaa ba ikpɛ̃ si ilɛu bɛi dimi ŋa iyi à gbe.

Kuka 23:4

Ŋɔi Aɔ̃ Lafɛ̃ɛ í naa si Balamu, nɔ Balamu í sɔ̃ɔ í ni, ǹ jɔ̀ à ma bi kuwee mɛɛje nɔ ǹ kpa si kɛtɛ kombo do angudã kombo si fei ndɛɛ akã akã, ǹ jo ŋa si ina fei sãa sãa.

Matie 5:20

Ǹ wa n sɔ̃ ŋɛi, i kaa jɛ inɛi bommai Ilaaɔ̃ ŋa bii kù jɛ ì waa ce mii iyi Ilaaɔ̃ í bi i ce ŋa ku re woo kɔ inɛ ŋa si wooda ŋa do Farisi ŋau.

Matie 6:1

Jesu í fɔ má í ni, bii ì waa ce mii iyi Ilaaɔ̃ í jilɛ nŋɛ, i ya ce laakai ŋa i maà coo si bantuma. Bii ì waa coo si bantuma ku ba inɛ ŋa a yɔɔ, i kaa ba riba kãma hai bi Baa nŋɛ iyi í wa lele.

Matie 6:16

Jesu í ni má, bii ì waa ce anu ku dĩ ŋa, i maà ya jɔ̀ waju nŋɛ ku nyisi wahala nŋɛ bɛi ilu muafiti ŋa à ya ce. À ya kpaasi waju nŋa ku ba inɛ fei ku yɔɔ iyi à waa dĩ anu. Ntɔ ntɔ ǹ wa n sɔ̃ ŋɛi, inɛ nŋu ŋa à ba riba nŋa fei tã.

Matie 6:5

Jesu í ni, bii ì waa ce kutɔɔ ŋa i maà ya ce bɛi ilu muafiti ŋa à ya ce. À ya bi aŋa a leekĩ a ce kutɔɔ ile bii à ya ce kutɔtɔɔ ŋa do bi tafa ŋa ku ba inɛ fei ku yɛ ŋa. Ntɔ ntɔ, inɛ nŋu ŋa à ba riba nŋa fei tã.

Matie 9:14

Wee Zãa woo dasi inyiu mɔ í nɛ mɔcɔ ŋa. Mɔcɔɛ ŋau à naa bi Jesu nɔ à beeɛ à ni, na mii í ce awa do Farisi ŋau à ya ka dĩ anu amma awɔ, mɔcɔɛ ŋa a ci ya dĩ anu.

Luku 11:42

Amma ijuukpãi á jɛ tu ŋɛ, iŋɛ Farisi ŋa, si na iyi í jɔ̀ ì ya na Ilaaɔ̃ akã si mɛɛwa fei si nyaui ayɛ nŋɛ ŋa. Do nŋu fei, i kù waa ce jiida nɔ i kù waa nyisi kubii Ilaaɔ̃ ŋa. Iyi bɛi í jɔ i ya ce nɔ i maà gbɛjɛ iyi í gbe ŋa.

Luku 17:10

Bɛɛbɛ mɔi bii iŋɛ taka nŋɛ ì ce mii iyi à dasi ŋɛ ku ce fei í sĩa i ni ŋa, à jɛ amaacɛ ŋa iyi a kù nɛ saabu. Iyi à dasi wa ku ce nŋu akãi à ce.

Romu 3:27

Debɛi, à nɛ kpãa iyi aa ka tɔɔ fufu má? Aawo, kaa ce. Na mii. Si na iyi í jɔ̀ kù jɛ wooda ku jirimai à waa ka, bii kù jɛ naanɛ ku dasi.

Kɔrɛnti 1, 1:29

Í ce bɛɛbɛi ku ba inɛ kãma ku maà yɔkɔ ku tɔɔ fufu si wajuɛ.

Galati 1:14

Si kpãai Zuifu ŋa ku too ǹ wa si inɔi inɛ ŋa iyi à waa jɛ waju si inɔi saam ŋa, domi ǹ nɛ himma ntɔ ntɔ ǹ re ŋa si gãmɛi kucei dedembai bala nwa ŋa.

Efɛɛzu 2:9

Kù jɛ ribai icɛ nŋɛ. Na nŋu, inɛ gɔ kaa yɔkɔ ku tɔɔ fufu.

Timɔtee 1, 4:8

Ntɔi, icɛi ara aranfãaniɛ kù la, amma idei Ilaaɔ̃ ku leekĩ si í nɛ aranfãani si mii fei, domi si bɛi à nɛ kuwɛɛi nsɛi do ti ala.

Samuɛli 1, 15:13

Iyi Samuɛli í to bi Saulu ŋɔi Saulu í sɔ̃ɔ í ni, Aɔ̃ Lafɛ̃ɛ ku weeɛ. Ǹ jirima idei Aɔ̃ Lafɛ̃ɛ.