Luku 18:1 - Bibeli do fee

¹ Jesu í kpa nŋa mɔndau ihɛ̃ ku nyisi ŋa iyi í sĩa a maa ce kutɔɔ waati kãma fei, gbɛɛji ku maà wa si.

Luku 18:1 Iomraidhean Croise

Iri ku kɔ̃ 102:17

Ntɔ ntɔ, Aɔ̃ Lafɛ̃ɛ á teese ku ma Siɔ̃ɔ, nɔ aa yɔɔi si amboeɛ.

Iri ku kɔ̃ 27:13

Ǹ nɛ naanɛ kãm kãm iyi an yɛ jiida ku jɛi Aɔ̃ Lafɛ̃ɛ si kuwɛɛm.

Iri ku kɔ̃ 65:2

Ilaaɔ̃, awɔ iyi ì wa Siɔ̃ɔ, ntɔ ntɔ ì to inɛ fei ku cĩɛ, nɔ inɛ fei ku kɔ̃ kuwã ŋa iyi í ceɛ.

Iri ku kɔ̃ 86:3

Ceem didɔ̃ Lafɛ̃ɛ, domi ajɔ fei ǹ ya n maa n dɔ̃ siɛ anui.

Ezai 40:31

Amma inɛ ŋa iyi kpãa ku cɔ nŋa í wa si Aɔ̃ Lafɛ̃ɛ, aa maa ba gbugbã titɔ̃ ŋai. Aa ya maa yɔi bɛi kungbã ŋa. Aa ya maa sɛii, nɔ a kaa ya gbɛɛji. Aa ya maa nɛi, nɔ gbugbã nŋa kaa nɛ kɔɔ.

Ezai 62:7

I maà ya jɔ̀ ku sĩmi ŋa hee koo teese ku ma Zeruzalɛmu, nɔ ku jɛ nŋui inɛ ŋa aa ya kɔ̃ iri a maa saabu si ilɛ.

Zeremi 29:12

Waati bɛɛbɛ, aa kpem nɔ aa tɔɔm ŋa, nɔ an jɛ nŋɛ.

Zonasi 2:7

Ǹ kita hee lɛlɛi kɔɔi tenku hai bii iri kuta ŋa à sinti, nɔ gamboɛ ŋa à sɔkɔ sim dim dim, amma Aɔ̃ Lafɛ̃ɛm, awɔi ì nyam hai bɛ do ami.

Luku 11:10

Ntɔ ntɔ, inɛ iyi wa tɔɔ fei, Ilaaɔ̃ á muaa. Inɛ mɔ iyi wa dɛdɛ, Ilaaɔ̃ á jɔ̀ ku ba. Inɛ mɔ iyi í nɔ wa cã gambo, Ilaaɔ̃ á cĩaa.

Luku 21:36

Na nŋu, i cɔ kpãa i maa ceò kutɔɔ ŋa waati kãma fei ku ba i ba gbugbã i gbã si mii iyi wa naa fei ŋa, nɔ i yɔkɔ i leekĩ si wajui amu Amai Amanɛ ŋa.

Romu 12:12

I wɛɛò inɔ didɔ̃ ŋa na kpãa ku cɔu. I temua si wahala ŋa. I maà ya gbɛɛji do kutɔɔ ŋa.

Kɔrɛnti 2, 4:1

Ilaaɔ̃i í da nwa icɛu si awɔ na jiida ku jɛɛ. Nŋui í jɔ̀ a kù mɔngɔ munya.

Galati 6:9

Na nŋu, ka maà gbɛɛji do jiida ku ce, domi bii a kù mɔngɔ aa ka da si awaati iyi í jɔ.

Efɛɛzu 6:18

Waati kãma fei i ya ce kutɔɔ ŋa nɔ i ya maa tɔɔ sobii Ilaaɔ̃ ŋa. I wɔ njoo nɔ i na ara nŋɛ si idei kutɔɔu do gbugbãi Hundei Ilaaɔ̃ ŋa, nɔ i ya ce kutɔɔ na irii woo dasi naanɛ fei ŋa.

Filipi 4:6

I maà ya jɔ̀ zigi nŋɛ ku da do ngɔgɔ. Amma si mii fei i ya tɔɔ Ilaaɔ̃ do saabu nɔ i beeɛ bukaatai mii iyi ì bi ŋa.

Kolosee 4:12

Epafaasi, inɛi ide nŋɛ woo ce icɛi Jesu Kirisi, nŋu mɔ í ce ŋɛ fɔɔ. Waati kãma fei í ya maa jabui ku maa ce kutɔɔ na iri nŋɛ ku ba i jĩa si idei Ilaaɔ̃ nɔ i yɔkɔ i leekĩ si dim dim ŋa nɔ i tã sɔɔlu i maa ceò idɔɔbii Ilaaɔ̃ fei ŋa.

Kolosee 4:2

I temua si kutɔɔ ŋa, i ya maa tɔɔ Ilaaɔ̃ waati kãma fei nɔ i maa saabuɛ ŋa.

Tɛsalonika 1, 5:17

I ce kutɔɔ hai nɛ kɔɔ ŋa.

Samuɛli 1, 1:12

Si bɛi kutɔɔi Ana í kpɛ, ŋɔi Elii wa cɔɔ.