Luku 17:30 - Bibeli do fee

³⁰ Nɔ bɛɛbɛ mɔi á yɛ ajɔ iyi amu Amai Amanɛ an faata wa.

Luku 17:30 Iomraidhean Croise

Matie 16:27

Amu Amai Amanɛ an nyi wa má do amboei Baam do amalekam ŋa ajɔ. Si waati bɛɛbɛi an sãa inɛ fei si yaase bɛi í jɛò kuwɛɛɛ.

Matie 24:3

Jesu í koo í buba geetei Olivie. Ŋɔi mɔcɔɛ ŋa à bɔ bi tɛɛ aŋa duusɔ̃ɔ à beeɛ à ni, sɔ̃ wa waati iyi mii nɔu bɛ á ce. Nyinda yoomai á nyisi kunyiɛ wa do waatii ankãanyi.

Matie 24:37

Si bɛi í ce si waatii Noweeu, bɛɛbɛ mɔi á ce si waati iyi amu Amai Amanɛ an nyi wa.

Matie 24:39

A kù waa lasabu do wahala dimi bɛɛbɛ hee í to kukɔ̃i inyi nlau í jɛ ŋa fei. Bɛɛbɛ mɔi á jɛ si waati iyi amu Amai Amanɛ an nyi wa.

Matie 26:64

Ŋɔi Jesu í jɛaa í ni, awɔi ì fɔɔ. Amma ǹ wa n sɔ̃ ŋɛi, aa yɛ amu Amai Amanɛ ǹ wa n buba awɔ njɛi Ilaaɔ̃ ilu gbugbã fei. Bɛɛbɛ mɔi aa na i yɛm ŋa ajɔ akã ǹ wa n naa si kudũi ijĩ má.

Maaku 13:26

Waati bɛɛbɛ inɛ ŋa aa yɛ amu Amai Amanɛ, ǹ wa n naa si kudũi ijĩ do gbugbã nla nla gɔ do amboe.

Luku 17:24

Ǹ wa n sɔ̃ ŋɛi, bɛi kuŋɔi ijĩ í ya má inya hai nunui daakɔ hee koo kã nunui alɛ anu akãu bɛ, bɛɛbɛ mɔi kubaai amu Amai Amanɛ á yɛ.

Luku 17:29

Amma si ajɔ iyi Lɔtu í fita hai Sodomu, ina do fainwita wa wɔ wai hai lele nɔ aŋa fei à ce nfe.

Luku 21:22

Ntɔ ntɔ, waatiu á jɛ waati iyi Ilaaɔ̃ á kpã inɛ ŋa iju ku sã gbese ku ba mii iyi à fɔ si kukɔi ideɛ ku kɔ̃.

Luku 21:27

Waati bɛɛbɛi inɛ ŋa aa yɛ amu Amai Amanɛ n faata wa si kudũi ijĩ do gbugbã nla nla do amboe.

Kɔrɛnti 1, 1:7

amuai Hundei Ilaaɔ̃ baa akã kù gaizia ŋɛ, iŋɛ iyi ì waa degbe waati iyi Lafɛ̃ɛ nwa Jesu Kirisi á faata wa.

Kɔrɛnti 1, 1:8

Jesu Kirisii á jɔ̀ i ya maa leekĩ dim dim ŋa hee kɔɔ ku ba i jɛ hai nɛ taale ŋa si ajɔ iyi á nyi wa má.

Kolosee 3:4

Kirisii í jɛ kuwɛɛ nŋɛ do ntɔ, nɔ ajɔ iyi á faata wa, do iŋɛi ajɔ, nɔ aa ba ikpɛ̃ nŋɛ si amboeɛ.

Tɛsalonika 2, 1:7

Nɔ iŋɛ iyi ì waa yɛ ijuukpã ŋau á mu nŋɛ kusĩmi do awa taka nwa. Iyi bɛ á cei si waati iyi Lafɛ̃ɛ Jesu á faata wa hai lele do amaleka ilu gbugbãɛ ŋa.

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Piɛɛ 1, 1:7

Naanɛ ku dasi nŋɛ í nɛ bɛɛrɛ ntɔ ntɔ í re wura, domi wura á na ku tã. Do nŋu fei, do inai à yɔɔ à nya riisiɛ. Bɛɛbɛ mɔi, Ilaaɔ̃ wa cɔ laakaii naanɛ ku dasi nŋɛ ku ba ku mà gbugbãɛ. Nɔ aa ba saabu do amboe do bɛɛrɛ ŋa waati iyi Jesu Kirisi á faata wa.

Piɛɛ 1, 4:13

Amma i jɔ̀ inɔ nŋɛ ku dɔ̃ bii ì waa ba ikpɛ̃ si wahalai Kirisi ŋa, ku ba i nɛ inɔ didɔ̃ nla nla ŋa si ajɔ iyi á nyisi amboeɛ.

Zãa 1, 2:28

Nsɛi, iŋɛ amam ŋa, i jɔ̀ i nɛ anu akã do Kirisi ŋa, ku ba ajɔ iyi á faata wa ka nɛ idɔ ku buba, nɔ anyɔ ku maà mu wa si wajuɛ si ajɔ iyi á nyi wau.

Zãa 1, 3:2

Iŋɛ baakɔɔm ŋa, si nsɛi à jɛ amai Ilaaɔ̃ ŋa, amma a kù mà bɛirei aa ka na ka yɛ ala. Do nŋu fei, à mà waati iyi Kirisi á na ku faata wa aa ka jɔɔ, domi aa ka yɔɔ bɛi í yɛ.

Kuyɛi Zãa 1:7

Wee wa naa si kudũi ijĩ. Nɔ ijui inɛ fei á yɔɔ, baa inɛ ŋa iyi à gũu à kpaa. Dimi ikã ikãi andunya fei á kpata na iriɛ. Bɛɛbɛi á ce. Ami.