Luku 17:3 - Bibeli do fee

³ I ya ce laakaii njɛ ŋa. Bii kpaasiɛ gɔ í na í ce kurara bi tɛɛ, sɔ̃ɔ ide do laakai i nyisiɛ taaleɛ. Bii í kpaasi idɔ, kpa idei kuraraɛ.

Luku 17:3 Iomraidhean Croise

Iri ku kɔ̃ 141:5

Bii inɛ dee dee wa cãm wa nyisim kubii. Bii wa niim kai, í yɛ bɛi ikpo jiidai wa tontoom si iri, nɔ n kaa n kɔ̀. Amma an maa n mɔsi do kutɔɔm nii si gãmɛi laalɔ ku cei ilu inɔ kukã ŋa.

Kufita 34:12

Ce laakai i maà ti i ce anu akã do inɛi ilɛ bii aa lɔ ŋau ku ba a maà ti a na a jɛ nŋɛ bɛi cɛkũm.

Mɔnda ŋa 17:10

Kugbagba si í ya to si ilu laakai ku re baa golo anu cĩɔ iyi aa cã nnyɛi.

Mɔnda ŋa 27:5

Á sĩa i sɔ̃ inɛ kuraraɛ, do iyi aa buu nɔ inɛ gɔ kù waa yɔɔ.

Mɔnda ŋa 9:8

Bii ì waa fɔ si woo yaako inɛ ide, á céɛ. Amma bii ì waa fɔ si ilu laakai ide, á biɛ.

Kuwee 19:17

I maà ya cé inɛ mmu ŋa si idɔ nŋɛ. I ya sisi nŋa kurara nŋa iyi à ce ku ba i maà kãa ara nŋɛ dulum na iri nŋa.

Matie 18:21

Ŋɔi Piɛɛ í bɔ bi Jesu í beeɛ í ni, Lafɛ̃ɛ, bii kpaasim í ceem kurara isɛ fɛloi an ceaa suuru. Hee isɛ gbɛɛje?

Luku 21:34

I ce laakaii ara nŋɛ ŋa ku ba i maà na i jɛ hai nɛ laakai ŋa na atɛ̃ ku mɔ do ijɛ ku bi do lasabui mii ndii andunya ŋa. Bii kù jɛ bɛɛbɛ ajɔu á na ku boe ŋɛi bɛi cɛkũm,

Efɛɛzu 5:15

Na nŋu, i ce laakaii isɛɛnɛ nŋɛ. I maà jɔ̀ i maa nɛ bɛi inɛ ŋa iyi a ci ya lasabu, amma i maa nɛ do laakai ŋa.

Wooda ku kɔsi 4:15

Ŋɔi Moizi í sɔ̃ zamaau í ni, i ce laakai ntɔ ntɔ i maà gbɛjɛ ŋa. Ajɔ iyi Aɔ̃ Lafɛ̃ɛ í ba ŋɛ ide ku fɔ si iri kutai Ɔrɛbu hai si aninii inau, i kù yɛ nŋu takaɛ do iju ŋa.

Wooda ku kɔsi 4:23

Na nŋu, i ce laakai ŋa ku ba i maà ti i gbɛjɛ akabuu iyi Aɔ̃ Lafɛ̃ɛ nŋɛ í dĩ do iŋɛ, nɔ i maà gbea ara nŋɛ nkãma ku jɔ ngɔgɔ iyi Aɔ̃ Lafɛ̃ɛ í ganji i ce ŋau,

Wooda ku kɔsi 4:9

Moizi í fɔ má í ni, iŋɛ de i ce laakai ŋa. I ce laakai ntɔ ntɔ i maà ti i gbɛjɛ mii ŋa iyi Aɔ̃ Lafɛ̃ɛ í ce iyi iŋɛ taka nŋɛ ì jɛ sɛɛdaɛ ŋa ku ba ajɔ kãma si kuwɛɛ nŋɛ mii ŋau bɛ a maà fita hai si idɔ nŋɛ. Ì nɛ i sisia ama nŋɛ ŋa mɔm nii do tɔku nŋɛ ŋa.

Ebɛɛ 12:15

I ce laakai ŋa kãma nŋɛ ku maà na ku toa didɔ̃i Ilaaɔ̃ anyi, nɔ i maà jɛ ilu inɔ kuro ŋa, domi inɔ kurou á na ku la nɔ ku tosi inɛ nkpɔ bɛi icãi jĩi í ya yɔ.

Zaaki 5:19

Iŋɛ kpaasim ŋa, bii inɛ gɔ nŋɛ í jĩò ntɔ nɔ kpaasi gɔ í baaɛ wa si kpãai ntɔ,

Zãa 2, 1:8

Na nŋu, i ce laakai ŋa i maà ti i nyɔ ribai icɛ nwa ŋa, i jɔ̀ i jɛ baakaɛ ŋa.