Luku 17:26 - Bibeli do fee

²⁶ Mii iyi í ce si waatii Noweeu, bɛɛbɛ mɔi á ce si waati iyi amu Amai Amanɛ an nyi wa.

Luku 17:26 Iomraidhean Croise

Kusintii Andunya 6:5

Aɔ̃ Lafɛ̃ɛ í yɛ inɔ kukãi amanɛ ŋa í la í caa si ilɛ, lasabui idɔ nŋa ajɔ fei si laalɔ nŋu akãi í ya wa.

Kusintii Andunya 6:7

Nɔ í ni, an kpa irii mii iyi ǹ taka fei si andunyau ihɛ̃i. Hai amanɛ do mɛɛmu ŋa do iŋa hai nɛ nto ŋa hee do yɛi ŋa fei an kpa ŋai domi inɔm í ya maa fɔi do iyi ǹ takaò mii ŋau bɛ fei.

Kusintii Andunya 6:8

Amma Aɔ̃ Lafɛ̃ɛ í cea Nowee didɔ̃.

Ezai 22:13

Amma iŋɛ, inɔ didɔ̃ nla nlai ì wɛɛò ŋa. Kɛtɛ ŋa do angudã ŋai ì kpa ì waa ŋɔ ŋa. nɔ ì waa mɔ atɛ̃ vɛ̃ɛ ŋa. Ì fɔ ì waa ni ŋa, ka jɛ ka mɔ, domi ala aa ka kui.

Luku 17:22

Nɔ í sɔ̃ mɔcɔ ŋau í ni, awaati wa naa iyi amu Amai Amanɛ an nyi wa do amboem. Hee ajɔu ku maa to wa awaati wa naa iyi aa bi i yɛm ŋa baa ajɔ akã, amma i kaa yɛm ŋa.

Luku 17:24

Ǹ wa n sɔ̃ ŋɛi, bɛi kuŋɔi ijĩ í ya má inya hai nunui daakɔ hee koo kã nunui alɛ anu akãu bɛ, bɛɛbɛ mɔi kubaai amu Amai Amanɛ á yɛ.

Luku 17:27

Inɛ ŋa à jɛ à waa mɔ, à waa ce abɔdɔ̃ ŋa, à ya maa mua ama nŋa ŋa mɔkɔ hee í koo í to ajɔ iyi Nowee í lɔ akɔi inyiu. Nɔ ijĩ nlau í naa í jɛ aŋa fei.

Luku 17:7

Jesu í ni má, inɛ kãma nŋɛ bii í nɛ aru iyi wa logoo walakɔ wa degbea kɛtɛ ŋa, bii í baa kpasɛ̃ kaa sɔ̃ɔ ku ni, naa i buba nsɛi i jɛ.

Luku 18:8

Ǹ wa n sɔ̃ ŋɛi, á jɔ̀ a ba ntɔi gbãa gbãa. Amma waati iyi amu Amai Amanɛ an nyi wa má an na n ba naanɛ ku dasi si ilɛu ihɛ̃?

Ebɛɛ 11:7

Na naanɛ ku dasii, Nowee í gbɔ idei Ilaaɔ̃ waati iyi í ni ku ce laakai si mii iyi á na ku naa iyi kù yɛ titã. Í jirima idei Ilaaɔ̃ nɔ í gbe akɔi inyi si bii nŋu do inɛi kpasɛ̃ɛ ŋa fei aa ba faaba. Do yaase bɛɛbɛi í yɛò taalei inɛi andunya ŋa nɔ Ilaaɔ̃ í ni í jɛ amanɛ dee dee.

Piɛɛ 2, 2:5

Ilaaɔ̃ kù nɔ kù jɔ̀ inɛi tako ŋau mɔ waati iyi í jɔ̀ ijĩ nlau í jɛ inɛi andunya ŋa iyi a kù mà bɛɛrɛɛ, amma í faaba Nowee, nŋu iyi í ce waazoi ide ntɔu do amanɛ mɛɛje gɔ ŋa.

Piɛɛ 2, 3:6

Nɔ si anyiɛ, do ide ku fɔɛui í kpaò irii andunyai tako si waati iyi í jɔ̀ inyi í jɛ mii fei.