Luku 17:16 - Bibeli do fee

¹⁶ Waati iyi í to wa bi Jesu nɔ í sɛɛbata si wajuɛ wa saabuɛ. Wee mɔkɔu inɛi Samarii.

Luku 17:16 Iomraidhean Croise

Kusintii Andunya 17:3

Ŋɔi Aburamu í sɛɛbata í kɔmba iriɛ ilɛ ŋɔi Ilaaɔ̃ í baa ide ku fɔ í ni,

Matie 10:5

Jesu í bɛ amanɛ maateeji ŋau nɔ í sɔ̃ ŋa bɛi nŋu í bi a ce. Í ni, i maà bɔ bi dimi mmu ŋa, nɔ i maà lɔ si ilui inɛi Samari kãma ŋa.

Matie 2:11

Nɔ à lɔ ile bɛ ŋɔi à yɛ amau do Maari iyeɛ. Nɔ à gulɛ à tɔɔɛ. Nɔ à fũ bɔgɔi amani nŋa à nya wura à muaa, do tuae iyi à ya jo do ikpo ku dɔ̃ inunu iyi à ya kpe miru.

Maaku 5:33

Ŋɔi abou wa yaya do njo, domi í mà mii iyi nŋu í ce. Ŋɔi í naa í gulɛ si wajuɛ í sɔ̃ɔ ntɔ si mii iyi í ba nŋu fei.

Luku 17:17

Ŋɔi Jesu í ni, amanɛ mɛɛwa si ǹ jɔ̀ í ba iri ba. To, iwoi amanɛ mɛɛsã iyi à gbe ŋau à wa.

Luku 5:8

Iyi Simɔɔ Piɛɛ í yɛ mii nɔu í ce bɛɛbɛ ŋɔi í koo í gulɛ si wajui Jesu í ni, Lafɛ̃ɛ, tɛkɛɛ hai bi tom, domi amu ilu dulum nii.

Laabaau jiida iyi Zãa í kɔ 4:9

Ŋɔi abou í sɔ̃ Jesu í ni, awɔ Zuifu, bɛirei í ce ì waa tɔɔm inyi ku mɔ, amu inaaboi Samari. Abou í ni bɛɛbɛi si na iyi í jɔ̀ Zuifu ŋa do inɛi Samari ŋa a ci ya ce njɛ fɔɔ.

Laabaau jiida iyi Zãa í kɔ 5:23

ku ba inɛ fei ku saalu amu Amau si bɛi à waa saalu Ilaaɔ̃ Baaba. Inɛ iyi kù saalu amu Amau, Baaba iyi í bɛm wai kù saalu.

Laabaau jiida iyi Zãa í kɔ 8:48

Ŋɔi Zuifu ŋau à sɔ̃ Jesu à ni, debɛi awa à nɛ ntɔ si bɛi à ni awɔ inɛi Samarii, nɔ ì nɛ inɛi inɔɔko.

Woo bɛ ŋa 1:8

Amma aa ba gbugbã ŋa waati iyi Hundei Ilaaɔ̃ á naa si ŋɛ. Aa jɛa inɛ ŋa sɛɛdam ŋa si ilui Zeruzalɛmu, do si ilɛi Zudee fei, do si ilɛi Samari hee ku bɔ do kɔɔi andunya fei.

Kɔrɛnti 1, 14:25

Nɔ lasabuɛ á fita gbugbã, nɔ ku gulɛ ku tɔɔ Ilaaɔ̃ ku ni, ntɔi, Ilaaɔ̃ í wa si anini nŋɛ.

Kuyɛi Zãa 19:10

Ŋɔi ǹ sɛɛbata ku ba n tɔɔɛ, amma í ni, maà ce bɛɛbɛ. Amu mɔ woo ce icɛi bɛi awɔ do bɛi kpaasiɛ ŋa iyi à waa mu ide ntɔ iyi Jesu í nyisi wau. Tɔɔ Ilaaɔ̃. Ide ntɔ iyi Jesu í nyisi wau nŋui í jɛ icui idei walii fei.

Kuyɛi Zãa 4:10

Waati iyi à waa kɔ̃ iri bɛɛbɛ fei inɛ ngbo kɔnfia do mɛɛ ŋau à ya sɛɛbataa a maa tɔɔɛi. Nɔ à ya bɔ fula nŋa ŋai a jilɔɔ si wajui kitãi bommau a maa ni,

Kuyɛi Zãa 5:14

Nɔ ilu hunde mɛɛ ŋau à jɛ à ni, ami. Nɔ inɛ ngbo ŋau à sɛɛbata à ce kutɔɔ.