Luku 16:9 - Bibeli do fee

⁹ Ŋɔi Jesu í sɔ̃ ŋa í ni, amanii andunya iyi ì nɛ, i ya dɛdɛò kpaasi ŋa ku ba bii í na í tã Ilaaɔ̃ ku gba ŋɛ si andunya titɔ̃ɛ.

Luku 16:9 Iomraidhean Croise

Iri ku kɔ̃ 73:26

Aram do lasabum fei á yɔkɔ ku gbɛɛji, amma Ilaaɔ̃i á maa sobim. Nŋui í jɛ ikpɛ̃m hee do ajɔ fei.

Mɔnda ŋa 14:24

Amanii í ya jɛ ribai ilu laakai ŋa, amma nnyɛi ŋa a ci ya jɔ̀ idei awɔ anyi ku ce nŋa.

Mɔnda ŋa 19:17

Inɛ iyi wa cea ilu are ŋa amua, wa wɛ̃a Aɔ̃ Lafɛ̃ɛi. Nŋui á na ku sãa.

Mɔnda ŋa 23:5

Hai ì yɔsi amani iju gbakã ì ya ba wee í fangaa í tã tãi. Í yɛi bɛi amaniu í ce ikpa ŋai nɔ í fo hee lele bɛi kungbã.

Woo lasabu 11:1

Bii i kù nyɔɔ do waju, i ci ya tasiɛ.

Ezai 57:16

Ntɔ ntɔ, kù jɛ a ni hee do ajɔ feii an maa n yɛ taalei inɛ ŋa, kù nɔ kù jɛ a ni hee do ajɔ feii idɔm á maa kɔ̃, domi bii bɛɛbɛi, inɛ feii á kua hunde.

Daniɛli 4:27

Nɔ í fɔ wa ni, iluu ihɛ̃ ilu nla iyi ǹ ma si ilɛi Babilɔnii kú jɛ bi kuwai kabai bommam. Ǹ maai na saabui gbugbã nlam ku ba n nyisi zaka bɛi kulai bɛɛrɛm í to.

Matie 19:21

Ŋɔi Jesu í sɔ̃ɔ í ni, bii ì bi i kɔ̃ dee dee, koo ta mii iyi ì nɛ fei, nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.

Matie 6:19

Í sɔ̃ ŋa má í ni, i maà ti i dɛdɛ amani si andunyau ihɛ̃, bii tũtũ ŋa aa jɔɔ, do bii á mu atɛ, do bii ile ŋa aa lɔ do gbugbã a koo a ce ileɛ.

Matie 6:24

Jesu í sɔ̃ ŋa má í ni, inɛ gɔ kaa yɔkɔ ku cea lafɛ̃ɛ minji icɛ ajɔ. Ntɔ ntɔ, á cé inɛ akã nɔ ku bi inɛ akã, walakɔ á jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.

Luku 11:41

Í sĩa i na ilu are ŋa mii iyi í wa si inɔ jɛɛ do kɔɔfu, nɔ mii fei á má nŋɛ.

Luku 12:33

I ta mii iyi ì nɛ ŋa nɔ i mua ilu are ŋa fiau. I cea ara nŋɛ taalili iyi kaa gbo ikpa lele si bii aa dasi amani nŋɛ iyi kaa tã. Tengi bɛ ile kaa tosi, nɔ tũtũ ŋa mɔ a kaa bɛjɛɛ.

Luku 14:14

Bii ì ce bɛɛbɛ aa jɛ ilu inɔ didɔ̃ si na iyi í jɔ̀ inɛ nŋu ŋau a kaa ba ngɔgɔ iyi aa sãɛò gbese. Ilaaɔ̃i á sãɛ gbese si waati iyi inɛ dee dee ŋa aa jĩ hai si balɛ.

Luku 16:11

Na nŋu, bii i kù nɛ naanɛ si amanii andunya ŋa, yooi á da nŋɛ si amani ntɔ si awɔ.

Luku 16:13

Amaacɛ kãma kaa yɔkɔ ku cea lafɛ̃ɛ minji icɛ ajɔ. Ntɔ ntɔ á cé inɛ akã nɔ ku bi inɛ akã, walakɔ ku jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.

Luku 16:4

Ǹ mà bɛi an ce ku ba inɛ ŋa a gbam si kpasɛ̃ nŋa waati iyi aa nyam hai si icɛm.

Woo bɛ ŋa 10:31

Nɔ í sɔ̃m í ni, Kɔɔnɛi, Ilaaɔ̃ í gbɔ kutɔɔɛ nɔ kù gbɛjɛ jiida ku ceɛ do bɛi ì ya maa sobi ilu are ŋa.

Woo bɛ ŋa 10:4

Ŋɔi í cɔ amalekau í kãsiɛ iju ŋɔi njo í muu nɔ í beeɛ í ni, Lafɛ̃ɛ, mii í ce. Ŋɔi amalekau í jɛaa í ni, Ilaaɔ̃ í gbɔ kutɔɔɛ, nɔ kù gbɛjɛ yaase bɛi ì sobi ilu are ŋau.

Kɔrɛnti 2, 4:17

Ijuukpã keeke iyi à waa yɛ si nsɛiu ihɛ̃ wa ce nwa sɔɔlui amboe iyi ci ya tãi iyi í la í re ijuukpãu.

Zudu 1:21

Nɔ i leekĩ si kubii Ilaaɔ̃ ŋa, i maa degbeò ajɔ iyi Lafɛ̃ɛ nwa Jesu Kirisi á mu nŋɛ kuwɛɛ hai tã na araare nŋɛ iyi wa ce.