Luku 16:8 - Bibeli do fee

⁸ Ŋɔi lafɛ̃ɛi amaacɛ hai nɛ naanɛu í gbɔ ideu nɔ í saabuɛ si na iyi í jɔ̀ í yɔɔ iyi í nɛ bisi ntɔ ntɔ. Ŋɔi Jesu í ni, inɛi andunya ŋa à nɛ bisi aŋa duusɔ̃ɔ si kuwɛɛ nŋa à re inɛi inya kumá ŋau.

Luku 16:8 Iomraidhean Croise

Kusintii Andunya 3:1

Wee njò nŋui í nɛ bisi í re mɛɛmui sako iyi Aɔ̃ Lafɛ̃ɛ í taka fei. Nŋui í naa bi abou nɔ í beeɛ í ni, ntɔ ntɔi Ilaaɔ̃ í ni i maà jɛ isoi jĩi ŋa iyi à wa si lambou ihɛ̃ fei?

Samuɛli 2, 13:3

Amunɔɔ í nɛ kpaasi ilu bisi gɔ iyi à ya kpe Zonadabu amai Simea igbãi Davidi.

Ilaalu 2, 10:19

Bɛbɛi i tɔtɔɔ woo weea Baali ŋau wa fei bi tom ŋa do woo tɔɔɛ ŋau do waliiɛ ŋau fei baa akã nŋa gɔ ku maà gbe, domi ǹ wa n bi n cea Baaliu kuwee nla nla gɔi. Inɛ iyi í gbe kù naa fei á kui. Do bisi bɛɛbɛi Yehu wa ce ku ba ku ce nfei woo tɔɔ Baali ŋau.

Iri ku kɔ̃ 17:14

Kpa ŋa do taakuba, nɔ i tambɔ ŋa do awɔɛ. Mii iyi í nɛ ku ba ŋai í jɛ a maà wɛɛ si hunde má. Jɔ̀ a mɔ inyi kuro iyi ì jilɛ nŋa. Jɔ̀ ama nŋa ŋa a mɔɔ hee ku kpa ŋa nɔ a jɔ̀a tɔku nŋa ŋa iyi í gbeu.

Kufita 1:10

Na nŋu, ka ce lasabu jiida, nɔ ka dɛ kpãa gɔ iyi á jɔ̀ akpɔ nŋau ku kaye, domi bii igũ í na í dede aa na a ce anu akã do mbɛɛ nwa ŋa nɔ a jɛ wa igũ a bɛi a fita hai si ilɛu a nɛ.

Mɔnda ŋa 12:8

Ilu laakaii í ya ba kucĩ, amma à ya donda inɛ iyi lasabuɛ kù jɛ dee deei.

Matie 12:32

Bii amanɛ wa fɔ laalɔi Amai Amanɛ Ilaaɔ̃ á yɔkɔ ku kpa idei dulum dɛɛ. Amma inɛ iyi wa fɔ taalei Hundei Ilaaɔ̃ kaa ba a kpa idei dulum dɛɛ hai nnyi hee do ala fei.

Matie 17:26

Nɔ Piɛɛ í jɛ í ni, hai bi inɛ njoo ŋai. Ŋɔi Jesu í ni, na nŋu, amai ilɛ ŋa a kaa sã.

Luku 16:10

Inɛ iyi í nɛ naanɛ si mii keeke á nɛ naanɛ si mii nla. Inɛ iyi wa ce laalɔ si mii keeke á ce laalɔ si mii nla.

Luku 16:4

Ǹ mà bɛi an ce ku ba inɛ ŋa a gbam si kpasɛ̃ nŋa waati iyi aa nyam hai si icɛm.

Luku 16:7

Ŋɔi í bee inɛ gɔ má í ni, awɔ mɔ, fɛloi ì waa mu. Ŋɔi í sɔ̃ɔ í ni, iya saaki cĩɔ. Ŋɔi í sɔ̃ nŋu mɔ í ni, so tiaɛ i kɔ cinɛ.

Luku 18:6

Ŋɔi Lafɛ̃ɛ í ni, to, i gbɔ bɛi woo kiiti laalɔu í fɔ bɛ ŋa de.

Luku 20:34

Ŋɔi Jesu í jɛ nŋa í ni, si andunyau ihɛ̃ inɛmɔkɔ do inaabo ŋa à ya so njɛ.

Luku 20:35

Amma inɛ ŋa iyi Ilaaɔ̃ í jɔ̀ à jĩ hai si balɛ à ba kuwɛɛi ala, abo do mɔkɔ ŋa a kaa ya so njɛ má.

Laabaau jiida iyi Zãa í kɔ 12:36

Na nŋu, i dasi inya kumáu naanɛ waati iyi ì nɔɔ ŋa ku ba i jɛ amai inya kumá ŋa. Iyi Jesu í fɔ bɛɛbɛ í tã ŋɔi í dede hai inɔ nŋa í nɛ í koo í manji.

Kɔrɛnti 1, 3:18

Inɛ gɔ ku maà lɛlɛ araɛ. Inɛ gɔ nŋɛ iyi í tamaa nŋu í nɛ bisi si andunyau ihɛ̃ ku jɔ̀ ku jɛ nnyɛi ku ba ku yɔkɔ ku jɛ ilu bisi ntɔ ntɔ.

Efɛɛzu 5:8

Iŋɛ taka nŋɛ, si ilu kukui ì wa ŋa wo, amma nsɛi, ì wa si inya kumá ŋa na anu akã nŋɛ do Lafɛ̃ɛ. Na nŋu, i jɔ̀ isɛɛnɛ nŋɛ ku jɔ ti inɛ ŋa iyi à waa nɛ si inya kumá,

Filipi 3:19

Nfe ku cei aa kpaò iriɛ, domi inɔ nŋai à ya maa cea icɛ si agbɛi Ilaaɔ̃. Iyi í jɔ̀ ku jɛ nŋa anyɔ nŋui à ya maa tɔɔò fufu. Mii ndii andunya ihɛ̃ nŋu akãi à waa lasabu si.

Tɛsalonika 1, 5:5

Iŋɛ fei ì jɛ inɛi inya kumá ŋa do inɛi dasã ŋa. Ntɔ ntɔ awa woo dasi naanɛ ŋa a kù jɛ inɛi idũ ŋa iyi à wa si ilu kuku.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.

Zãa 1, 3:10

Nsɛi, aa ka yɔkɔ ka mà inɛ ŋa iyi à jɛ amai Ilaaɔ̃ ŋa do inɛ ŋa iyi à jɛ ti Seetam. Inɛ iyi kù waa ce mii iyi í jɛ dee dee fei, do inɛ iyi kù bi kpaasiɛ, kù jɛ ti Ilaaɔ̃.