Luku 16:3 - Bibeli do fee

³ Ŋɔi amaacɛu wa bee araɛ ide wa ni, bɛirei an ce, si bɛi lafɛ̃ɛm wa nyam hai si icɛi kpasɛ̃ɛ. Wee n kù nɛ gbugbã iyi an yɔkɔ n logooò, nɔ wee anyɔ kaa jɔ̀ n bara.

Luku 16:3 Iomraidhean Croise

Ɛsitɛɛ 6:6

Iyi Hamaa í lɔ wa ŋɔi ilaaluu í beeɛ í ni, bɛirei an cea inɛ iyi ǹ bi ku jɛ ilu bɛɛrɛ. Ŋɔi Hamaa wa lasabu si idɔɛ í ni, inɛ mmu yoomai ilaaluu wa bi ku jɔ̀ ku jɛ ilu bɛɛrɛ bii kù jɛ amu má.

Mɔnda ŋa 13:4

Ilu ika í ya bi mii nkpɔ amma ci ya ba nkãma, amma ilu himma í ya ba mii iyi í bi feii.

Mɔnda ŋa 15:19

Kpãai ilu ika í ya nɛ agũ ŋai, amma ti inɛ dee dee ŋa í ya maa sĩai.

Mɔnda ŋa 18:9

Inɛ iyi kù waa yesi icɛɛ do inɛ iyi wa bɛjɛ icɛu, aŋa fei nyaanze akãi.

Mɔnda ŋa 19:15

Ika í ya tale si inɛ njoo ku sũi, nɔ inɛ iyi kù bi ngɔgɔ ku ce, ari á kpaa.

Mɔnda ŋa 20:4

Ilɛ ku fa ci ya bindii ilu ika jɛadɔ̃. Sukui ku da nŋu mɔ í ya dɛdɛ mii iyi á da amma ci ya ba nkãma.

Mɔnda ŋa 29:21

Woo ce icɛ iyi à jɔ̀ í bɛjɛ hai keekeɛ, á na ku jɛ ilu itĩ ku yika.

Ezai 10:3

Bɛirei aa ce ŋa waati iyi Aɔ̃ Lafɛ̃ɛ á naaò ijuukpã wa si ŋɛ hai jĩijĩ. Bi yooi aa sa i bɔ ŋa ku ba ku faaba ŋɛ. Nɔ bi yooi aa koo i singa amani nŋɛ ŋa.

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Ozee 9:5

Bɛirei aa ce ŋa si ajɔi jingaui Aɔ̃ Lafɛ̃ɛ.

Matie 20:8

Iyi í to alɛ zakai kulɔi inunu, ŋɔi ilu kpasɛ̃u í kpe inɛ ngboi amaacɛɛ ŋau í sɔ̃ɔ í ni, kpe gaanɔɔma ŋau wa, sã nŋa fia nŋa, sinti hai bi inɛi ankãanyi ŋau hee ku koo si inɛ sinte ŋau.

Maaku 10:46

Si isɛɛnɛu Jesu do mɔcɔɛ ŋa à to Zeriko nɔ à waa fita hai bɛ. Waati iyi à waa fitau zamaa nla gɔ wa too ŋa. Wee fɛɛju woo bara gɔ iyi à ya kpe Baatimee, amai Timee, wa buba itĩ kpãa.

Luku 12:17

Ŋɔi mɔkɔu í lasabu í ni, bɛirei an ce. Wee n kù nɛ bii an dasi ijɛu.

Luku 16:2

Ŋɔi lafɛ̃ɛ í kpoo í beeɛ í ni, irei ǹ wa n gbɔ inɛ ŋa à wasi ku sɔ iriɛ ya. I kaa yɔkɔ i jɛ amaacɛm má. Koo so tiai icɛɛ wa si bii ì ya ce dooi fiam, i naa i nyisim.

Luku 16:20

Ilu are gɔ mɔ í wɛɛ, í ya maa sũi andɛ koofai ilu fiau, à ya kpoo Lazaa. Konkoli wa kɔ̃ si araɛ fei.

Luku 16:22

Ŋɔi mɔkɔu í na í ku nɔ amaleka ŋa à soo à bɔòɛ bi Aburahamu. Nɔ ilu fiau mɔ í na í ku à suu.

Luku 16:4

Ǹ mà bɛi an ce ku ba inɛ ŋa a gbam si kpasɛ̃ nŋa waati iyi aa nyam hai si icɛm.

Luku 18:4

Ŋɔi í kɔ̀ hee í kpɛ. Amma si anyiɛ í lasabu si idɔɛ í ni, baa bii n kù mà Ilaaɔ̃, nɔ n kù wa n jirima inɛ gɔ,

Laabaau jiida iyi Zãa í kɔ 9:8

Kpaasiɛ ŋa do inɛ ŋa iyi à yɔɔ í ya maa bara wo à ni, kù jɛ mɔkɔ iyi í ya buba ku maa barau mbɛ ya.

Woo bɛ ŋa 3:2

Ŋɔi à yɛ mɔkɔ gɔ bɛ iyi à bí do wɛɛgɛ. Ajɔ fei à ya na a jilɔɔi andɛi bantumai kpasɛ̃i Ilaaɔ̃ iyi à ya kpe andɛ Kusĩau, ku maa bara waati iyi inɛ ŋa à waa lɔ.

Woo bɛ ŋa 9:6

Dede i bɔ inɔ iluu, bɛi aa sɔ̃ɛ mii iyi aa ce.

Tɛsalonika 2, 3:11

Wee à gbɔ iyi inɛ gɔ nŋɛ ŋa ilu ika ŋai iyi a kù waa ce ngɔgɔ í gbe wɔbia ku gũ.