Luku 16:26 - Bibeli do fee

²⁶ Nɔ si antaiɛ, isa nla gɔi í fɛɛfɛ wa ku ba inɛ ŋa iyi à bi a kua a bɔ bi tu ŋɛ bɛ a maà yɔkɔ. Bɛɛbɛ mɔi inɛ gɔ kaa yɔkɔ ku naa ihɛ̃ hai bɛ.

Luku 16:26 Iomraidhean Croise

Iri ku kɔ̃ 49:14

Inɛ ŋa iyi à waa naanɛ ara nŋa do inɛ ŋa iyi à ya bi inɛ ŋa a maa desi aŋa itĩ, yaase bɛi kuwɛɛ nŋa í ya kpa iri mbɛ. Kusĩmi.

Iri ku kɔ̃ 50:22

I ce laakai nɔ i sotĩ i gbɔ ŋa, iŋɛ iyi ì gbɛjɛ idei amu Ilaaɔ̃ ŋa. Bii kù jɛ bɛɛbɛ an na n gagaga ŋɛ nɔ inɛ gɔ kaa gba ŋɛ.

Ezekiɛli 28:24

Ilɛ ŋa iyi à wa kɔkɔi Izirɛli ŋau a kaa maa mɔsi do kuyaakoɛ má. A kaa jɛa bɛi agũ ŋa iyi à ya maa gũu nɔ à maa gaa. Si yaase bɛɛbɛ inɛ ŋa aa mà iyi amui ǹ jɛ Aɔ̃ Lafɛ̃ɛ.

Malasi 3:18

Waati bɛɛbɛi aa nyi i yɛ mii iyi í nya inɛ jiida do inɛ laalɔ ikã ŋa do mii iyi í nya inɛ iyi wa jirima Ilaaɔ̃ do inɛ iyi kù waa jirimaɛ ikã má ŋa.

Matie 25:46

Na nŋu, aa yɛ ijuukpã ŋai si ina iyi ci ya ku. Amma inɛ dee dee ŋau aa lɔ si kuwɛɛ iyi ci ya tã.

Luku 12:59

Ǹ wa n sɔ̃ ŋɛi, bii à dasiɛ piisɔ̃ɔ, bii i kù sã gbeseɛ fei, i kaa fita. Nkãma kaa gaizia si.

Luku 16:25

Ŋɔi Aburahamu í ni, amam, ye gigi iyi ì ba mii jiidaɛ tã hai andunya, nɔ Lazaa mɔ í yɛ wahala. Wee ihɛ̃ nsɛi inɔɛ í tũ nɔ awɔ mɔ ì waa yɛ ijuukpã.

Luku 16:27

Ŋɔi ilu amaniu í ni, debɛi, ǹ wa n tɔɔɛi baaba, bɛ Lazaa kpasɛ̃i baam,

Laabaau jiida iyi Zãa í kɔ 3:36

Inɛ iyi í dasi Amau naanɛ fei í nɛ kuwɛɛ hai tã. Inɛ mɔ iyi í kɔ̀ ku dasiɛ naanɛ kaa ba kuwɛɛu, amma idɔɔkɔ̃i Ilaaɔ̃ í wa si irii lafɛ̃ɛ.

Kuyɛi Zãa 20:10

Aa so Seetam nŋu iyi í dĩ ijui inɛ ŋau, a sɔsi ina nla iyi wa jo do fainwitau, tengi bii à dasi mɛɛmuu do walii ilu ibou wo. Bɛi aa yɛ ijuukpã nla nla dasãò idũ hee do ajɔ fei.

Kuyɛi Zãa 22:11

Inɛ iyi wa ce laalɔ ku hanya ku maa ce laalɔɛ, inɛ mɔ iyi wa ce daa sãmi ku hanya ku maa ce daa sãmiɛ. Inɛ mɔ iyi wa ce jiida ku hanya ku maa ce jiidaɛ, inɛ mɔ iyi í jɛ inɛ kumá ku jɔ̀ ku má ku maa koo.

Samuɛli 1, 25:36

Waati iyi Abigali wa to wa inɔ kpasɛ̃, nɔ í ba wee Nabali wa jɛ jingau nla gɔ bɛi jingaui ilaalu ŋa. Í wɛɛò inɔ didɔ̃ nɔ atɛ̃ wa kpaa, nɔ Abigali kù sɔ̃ɔ ide kãma hee iju í koo í máò.