Luku 16:25 - Bibeli do fee

²⁵ Ŋɔi Aburahamu í ni, amam, ye gigi iyi ì ba mii jiidaɛ tã hai andunya, nɔ Lazaa mɔ í yɛ wahala. Wee ihɛ̃ nsɛi inɔɛ í tũ nɔ awɔ mɔ ì waa yɛ ijuukpã.

Luku 16:25 Iomraidhean Croise

Zɔɔbu 22:18

Nɔ wee Ilaaɔ̃i í jɔ̀ amani wa kɔ̃ inɔ kpasɛ̃ nŋa. Ntɔ ntɔ, lasabui inɛ laalɔ ŋau ku jĩim.

Iri ku kɔ̃ 17:14

Kpa ŋa do taakuba, nɔ i tambɔ ŋa do awɔɛ. Mii iyi í nɛ ku ba ŋai í jɛ a maà wɛɛ si hunde má. Jɔ̀ a mɔ inyi kuro iyi ì jilɛ nŋa. Jɔ̀ ama nŋa ŋa a mɔɔ hee ku kpa ŋa nɔ a jɔ̀a tɔku nŋa ŋa iyi í gbeu.

Iri ku kɔ̃ 49:11

Ntɔ ntɔ, à waa yɛ ilu bisi ŋa, do nnyɛi ŋa do hai nɛ yaase ŋa mɔ à waa ku, nɔ à waa jɔ̀a inɛ mmu ŋa amani nŋa ŋa.

Iri ku kɔ̃ 73:7

Iju nŋa fei si laalɔi í ya wa. Binɛi laalɔ ku cei í ya wa si idɔ nŋa.

Kukpata 1:7

Si waatii wahalau, Zeruzalɛmu kù mà bii á bɔ. Ŋɔi í ye gigii mii jiida ŋa iyi í tako í nɛ fei wo. Waati iyi inɛɛ ŋa à dasi awɔi mbɛɛ ŋa, inɛ gɔ kù naa ku sobi ŋa. Mbɛɛ nŋa ŋau à yɛ ŋa, nɔ à waa nyaanyi ŋa na nfe ku ce iyi à waa bɔ.

Daniɛli 5:30

Si idũ akãu bɛ mɔi à kpa Bɛlisasaa ilaalui inɛi Kaladee ŋau.

Matie 27:63

À ni, lafɛ̃ɛ, à ye gigii ide iyi ilu ibou í fɔ si waati iyi í wɛɛ si andunya í ni si ajɔ mɛɛtasia nŋu á jĩ hai si balɛ má.

Maaku 9:45

Bii í jɛ kutɛ akãɛi wa dasiɛ kurara, buu. Á tia i lɔ si kuwɛɛ iyi ci ya tã do kutɛ akã do iyi aa nɛ kutɛ minji fei nɔ i lɔ si inyai wahala. [

Luku 16:20

Ilu are gɔ mɔ í wɛɛ, í ya maa sũi andɛ koofai ilu fiau, à ya kpoo Lazaa. Konkoli wa kɔ̃ si araɛ fei.

Luku 16:23

Nɔ í koo wa yɛ ijuukpã bi kuwai iku ŋa, ŋɔi í wu iju lele, nɔ í hɔ̃nnɛ Aburahamu nɔ Lazaa í wa bi tɛɛ.

Luku 16:26

Nɔ si antaiɛ, isa nla gɔi í fɛɛfɛ wa ku ba inɛ ŋa iyi à bi a kua a bɔ bi tu ŋɛ bɛ a maà yɔkɔ. Bɛɛbɛ mɔi inɛ gɔ kaa yɔkɔ ku naa ihɛ̃ hai bɛ.

Luku 6:24

Amma inɔ kufɔi á jɛ ti iŋɛ ilu fia ŋa, domi ì ba inɔ nŋɛ í tũ tã ŋa.

Laabaau jiida iyi Zãa í kɔ 16:33

Ide ŋau ihɛ̃ ǹ wa n sɔ̃ ŋɛi ku ba i nɛ laakai ku sũ na anu akã iyi awaɛ ŋa à nɛ. Si andunyau ihɛ̃ aa yɛ ijuukpã ŋa, amma i maà mɔngɔ temua ŋa, domi ǹ kãmia andunya tã.

Woo bɛ ŋa 14:22

Nɔ à mua inɛ ŋa iyi à waa too kpãai Jesuu gbugbã ku ba a leekĩ si naanɛu dim dim. Nɔ à sɔ̃ ŋa à ni, wahala nkpɔ nkpɔi aa ka yɛ ka bɛi ka lɔ si bommai Ilaaɔ̃.

Romu 8:7

Inɛ ŋa mɔ iyi à waa too idɔɔbii ara, aŋai à jɛ mbɛɛi Ilaaɔ̃ ŋa. A kù waa jirima woodaɛ, nɔ a kaa yɔkɔ mɔm.

Wooda ku kɔsi 28:17

Kaa da nŋɛ si isoi jĩi ŋa si kɔlɔ nŋɛ ŋa, nɔ i kaa nɛ iyafũ si kaale nŋɛ ŋa.

Filipi 3:19

Nfe ku cei aa kpaò iriɛ, domi inɔ nŋai à ya maa cea icɛ si agbɛi Ilaaɔ̃. Iyi í jɔ̀ ku jɛ nŋa anyɔ nŋui à ya maa tɔɔò fufu. Mii ndii andunya ihɛ̃ nŋu akãi à waa lasabu si.

Tɛsalonika 1, 3:3

ku ba baa inɛ akã nŋɛ ku maà jɔ̀ ijuukpãu ku da zigiɛ. Iŋɛ taka nŋɛ ì waa mà si ŋa, inɛ nŋu kù nɛ bɛi á ce iyi kù ba wa.

Ebɛɛ 11:25

Í gbasi a kpã nŋu iju do inɛi Ilaaɔ̃ ŋa ajɔ do iyi nŋu á maa wɛɛò inɔ didɔ̃ si faayii dulum iyi kaa kpɛ.

Zãa 1, 2:15

I maà ti i bi andunya ŋa do mii ŋa iyi à wa si andunya. Inɛ iyi í bi andunya, kubii Ilaaɔ̃ Baaba kù wa siɛ,

Kuyɛi Zãa 7:14

Nɔ ǹ jɛaa ǹ ni, lafɛ̃ɛm, n kù mà, awɔi aa mà. Nɔ í sɔ̃m í ni, inɛ ŋau ihɛ̃ à fita wai hai si bɔ̃nɛ nla nla. À fɔ jĩnɛ nŋa ŋa à fũuta ŋa do njɛi ama angudãu.