Luku 16:24 - Bibeli do fee

²⁴ Ŋɔi í dɔ̃ anu í ni, baaba Aburahamu, ce araarem. Bɛ Lazaa wa ku sɔsi amaawɔɛ si inyi ku na ku tũ amɛm, domi ǹ wa n yɛ ijuukpã nla nla si amɛi inau ihɛ̃.

Luku 16:24 Iomraidhean Croise

Zɔɔbu 20:21

Í ya maa kpã inɛ baa yooma fei ijui wo. Na ŋɔi í jɔ̀ inɔ didɔ̃ɛ kaa kpɛ.

Ezai 27:11

Waati iyi amaawɔi jĩi ŋau à gbɛ, à ya cɛi. Inaabo ŋa à ya naa a kooi a koo a koò ina. Ntɔ ntɔ inɛ ŋau a kù nɛ bisi kãma. Nɔ na ŋɔi í jɔ̀ inɛ iyi í taka ŋau kù nɛ araare nŋa má, nɔ kù bi ku ce nŋa didɔ̃ gɔ má.

Ezai 66:24

Nɔ waati iyi aa ya na a fita, aa ya yɛ ikui inɛ ŋa iyi a kù jɛ ku jirimam ŋaui, nɔ kokoo ŋa iyi aa lɔ si ara nŋa ŋa a maa ŋɔ ŋa ŋau a kaa ku, nɔ ina iyi á maa jo ŋa ŋau mɔ, kaa ku. Inɛ ŋau, mii laalɔi aa jɛ bi inɛ fei.

Zakari 14:12

Dimi ŋa iyi à koo si Zeruzalɛmu igũ, mii iyi Aɔ̃ Lafɛ̃ɛ á ce nŋa wee. Ara nŋa á sãmi baa bii à wɛɛ si hunde, iju nŋa mɔ á sãmi si tokoɛ. Bɛɛbɛ mɔi amɛ nŋa á sãmi si gɛlɛ nŋa ŋa.

Matie 25:41

Si anyii nŋu, n bɛi n sɔ̃ inɛi awɔ cangam ŋau mɔ n ni, i fa ara nŋɛ hai kɔkɔm, iŋɛ iyi Ilaaɔ̃ í ceekpe. I bɔ si ina iyi ci ya ku, iyi à koa Seetam do amalekaɛ ŋa.

Matie 3:9

I maà tamaa mà aa ba faaba ŋa si na iyi í jɔ̀ ì jɛ tɔkui Aburahamu ŋa. An sɔ̃ ŋɛ, Ilaaɔ̃ á yɔkɔ ku so kuta ŋau ihɛ̃ ku ce ŋa tɔkui Aburahamu ŋa.

Matie 5:22

Amma amu, an sɔ̃ ŋɛ, inɛ iyi wa ce idɔɔkɔ̃ do kpaasiɛ aa bɔòɛ si wajui woo kiiti ŋa a kpãa iju, nɔ inɛ iyi wa cɔ kpaasiɛ nfe aa kiitiɛ si wajui inɛ ngbo ŋau, inɛ mɔ iyi wa cɔ kpaasiɛ nnyɛi á lɔ si ina iyi ci ya kuu.

Luku 16:30

Nɔ í ni, baaba Aburahamu, iyi bɛ nŋu akã kù to. Bii hai bi iku ŋai inɛ gɔ í koo bi tu ŋa, aa kpaasi idɔ nŋa.

Luku 19:9

Nɔ Jesu í sɔ̃ɔ í ni, nnyi inɛi kpasɛ̃ ŋau ihɛ̃ à ba faaba, domi awɔ mɔ tɔkui Aburahamui.

Luku 3:8

Na nŋu, i ce kookoosu jiida i nyisiò iyi ì kpaasi idɔ ŋa, nɔ i maà tamaa mà aa ba faaba ŋa si na iyi í jɔ̀ ì ya maa ni iŋɛ ì jɛ dimii Aburahamu ŋa. Ǹ wa n sɔ̃ ŋɛi, Ilaaɔ̃ á yɔkɔ ku so kuta ŋau ihɛ̃ ku ce ŋa dimii Aburahamu ŋa.

Laabaau jiida iyi Zãa í kɔ 4:10

Ŋɔi Jesu í jɛaa í ni, bii ì mà amuai Ilaaɔ̃ wo, nɔ bii ì mà inɛ iyi wa tɔɔɛ inyi ku mɔ, aa tɔɔm nii wo nɔ n muuɛ inyii kuwɛɛ.

Laabaau jiida iyi Zãa í kɔ 4:14

Amma inɛ iyi an mua inyi ku mɔ, agbɛ kaa kpa lafɛ̃ɛ má, domi inyi iyi an mua lafɛ̃ɛ á maa sɔ̃i bɛi inyii isɔ̃ nɔ á na inɛ kuwɛɛ hai tã.

Laabaau jiida iyi Zãa í kɔ 7:37

Ajɔi ankãanyii jingaui í ya nɛ bɛɛrɛ ku re. Ajɔ nŋuu, ŋɔi Jesu í dede í leekĩ wa fɔ ide hee lele wa ni, inɛ iyi agbɛ wa kpa ku naa ku mɔ inyi bi tom.

Romu 4:12

Nɔ wa jɛ balai woo ce bango ŋa mɔ, aŋa iyi kù jɛ bango nŋu akãi à ce, amma tuubai naanɛ ku dasi iyi bala nwa Aburahamu í jɔ̀ si waati iyi kù ce bango, nŋui aŋa mɔ à waa too si.

Tɛsalonika 2, 1:8

Á naai do ina sasa ku ba ku kpã inɛ ŋa iyi a kù mà Ilaaɔ̃ iju, aŋa iyi a kù waa jirima laabaau jiidai Lafɛ̃ɛ nwa Jesu.

Zaaki 2:13

Inɛ iyi kù nɛ araarei kpaasi, Ilaaɔ̃ á kiiti nŋu mɔi kaa ce araareɛ. Amma inɛ iyi í nɛ araarei kpaasi ŋa á jɛ igũ si ajɔi kiitiu.

Zaaki 3:6

Bɛɛbɛ mɔi amɛ í yɛ bɛi ina. Nŋui í jɛ laalɔ nla nla. Nŋu mɔ ikɔ̃ akãi ara nwai, nɔ í ya bɛjɛ ara nwa fei bɛi ina, domi laalɔ iyi í ya ce í yɛi bɛi inai ala.

Kuyɛi Zãa 19:20

Ŋɔi masau do woo ce igũɛ ŋa à mu mɛɛmuu do walii ilu ibou ajɔ, nŋu iyi wa ce dobu dobu si wajui mɛɛmuu wo. Do dobu dobuui í dĩ ijui inɛ ŋa iyi à tako à nɛ nyindai mɛɛmuu nɔ à tɔɔ mii iyi à gbeu. À sɔsi aŋa minji fei si ina nla iyi wa jo do fainwitau njaawɛ.

Kuyɛi Zãa 20:15

À so inɛ baa yooma iyi a kù kɔ iriɛ si tiai kuwɛɛu à dasi ina nlau.

Kuyɛi Zãa 22:1

Si anyii nŋu, amalekau í nyisim inyii ido iyi í ya na inɛ ŋa kuwɛɛ. Inyiu wa daana bɛi digi nɔ wa cã wa hai bi kitãi bommai Ilaaɔ̃ do ama angudãu.

Samuɛli 1, 28:16

Ŋɔi Samuɛli í ni, bɛirei í ce ì naa ì waa beem ide si bɛi ì mà tã iyi Aɔ̃ Lafɛ̃ɛ í sɛkɛɛ hai bi titɛɛ nɔ wa jɛ mbɛɛɛ.