Luku 16:22 - Bibeli do fee

²² Ŋɔi mɔkɔu í na í ku nɔ amaleka ŋa à soo à bɔòɛ bi Aburahamu. Nɔ ilu fiau mɔ í na í ku à suu.

Luku 16:22 Iomraidhean Croise

Zɔɔbu 21:13

Waati iyi à jɛ kuwɛɛ nŋa si inɔ didɔ̃ à tã, nɔ gbakã a ku a si ŋa inɔ balɛ.

Mɔnda ŋa 14:32

Wahala í ya kɛkɛɛ inɛ laalɔ ŋa, amma inɛ jiida ŋa à ya maa leekĩi dim dim baa si iku.

Woo lasabu 8:10

Nɔ ǹ yɛ à si inɛ laalɔ ŋa do jirima. Inɛ ŋau à ya tako a bɔ kpasɛ̃i Ilaaɔ̃, nɔ inɛ ŋa à waa saabu ŋa si ilui Zeruzalɛmu, tengi bii à ce laalɔ nŋa wo. Iyi bɛ mɔ ngbɛi.

Ezai 14:18

Ilaalui ilɛ ŋau fei à sũi à waa sĩmi do bɛɛrɛ, inɛ fei si inɔ balɛɛ.

Ezai 22:16

baa yoomai í jɛ titɛɛ si afeu ihɛ̃, mà yooi ì nɛ ihɛ̃ iyi í jɛ nyaanzeɛ ì bɛi ì waa tu balɛ ihɛ̃. Ì waa tuaa araɛ balɛ si antaii kutau. Ì waa tuaa araɛ bi kuwa si kutau.

Matie 18:10

Jesu í sɔ̃ ŋa má í ni, i ce laakai i maà donda baa inɛ akãi amu ŋau ŋa. Ntɔ ntɔ ǹ wa n sɔ̃ ŋɛi, amaleka woo degbe nŋa ŋa à ya maa leekĩi ajɔ fei si wajui Baam iyi í wa lele. [

Matie 24:31

Kãakãakĩ nla nla á dɔ̃ anu nɔ n bɛ amalekam ŋa wa si andunya gonta mɛɛu. Aŋai aa tɔtɔɔ inɛ ŋa iyi ǹ cica si andunyau fei.

Matie 8:11

An sɔ̃ ŋɛ, hai jɛ Zuifu nkpɔ á na ku naa hai do bii fei a buba si bommai Ilaaɔ̃. Aŋai aa jɛ do Aburahamu do Izaaki do Zakɔbu bala nŋɛ ŋa ajɔ.

Maaku 8:36

Aranfãani yoomai amanɛ í nɛ bii í ba amanii andunya fei nɔ í kua kuwɛɛɛ.

Luku 12:20

Amma Ilaaɔ̃ í sɔ̃ɔ í ni, awɔ nnyɛi, idũuyi mɔm aa nya hundeɛ. Sɔɔlui mii ŋa iyi ì ceu bɛ, ti yooi á jɛ.

Luku 16:21

Nɔ aja ŋa à ya naa a maa fa konkoliɛ ŋau. Mɔkɔu í bi ku wo araɛ baa do bubui sɔndai ilu fiau iyi í ya gbe, amma ci ya baa.

Laabaau jiida iyi Zãa í kɔ 1:18

Inɛ kãma kù yɛ Ilaaɔ̃ Baaba ajɔ kãma. Ama akãɛ iyi í wa bi tɛɛu nŋu takaɛ Ilaaɔ̃i. Nŋui í jɔ̀ à màa.

Laabaau jiida iyi Zãa í kɔ 13:23

Wee inɛ akã nŋa, inɛ iyi Jesu í bi jiida jiidau, í wa kɔkɔi Jesu bɛ.

Laabaau jiida iyi Zãa í kɔ 21:20

Ŋɔi Piɛɛ í sinda, nɔ í yɛ mɔcɔ iyi Jesu í bi jiidau wa naa do anyi nŋa. Mɔcɔu nŋui í tako í wa kɔkɔi Jesu waati iyi à waa jɛ í beeɛ í ni, Lafɛ̃ɛ, yooi á zambaɛu.

Ebɛɛ 1:14

Debɛi, mii amaleka ŋa à jɛ. Aŋa fei à jɛ hunde ŋa iyi à waa cea Ilaaɔ̃ icɛ. Aŋai í ya bɛ a koo a sobi inɛ ŋa iyi aa ba faaba.

Ebɛɛ 2:14

Si bɛi amu ŋau à nɛ ara do njɛ, Jesu takaɛ í na í so ara bɛi aŋa mɔ. Í ce bɛɛbɛi ku ba na saabui ikuɛ ku kpa gbugbãi Seetam, nŋu iyi í nɛ gbugbãi iku wo,

Zaaki 1:11

Bɛi inunu í ya dede do inya gbãa nɔ ku jo wua ku gbɛ, nɔ kokou ku cuku kusĩaɛ ku tã, bɛɛbɛ mɔi ilu fia á na ku wɔ́ bɛi kokoi jĩi si aninii icɛɛ.

Piɛɛ 1, 2:24

Kirisi takaɛ í so dulum du wa si araɛ si jĩi ku gaauu ku ba ka jɛ bɛi iku si wajui dulum, nɔ ka ce kuwɛɛ nwa dee dee. Do saabui kumɛɛɛ ŋai à baò iri.

Kuyɛi Zãa 14:13

Si anyii nŋu, ǹ gbɔ ide ku fɔ gɔ má hai lele í ni, kɔ iyi ihɛ̃, ilu inɔ didɔ̃ ŋai inɛ ŋa iyi aa na a ku hai nsɛi na naanɛ iyi à dasi Lafɛ̃ɛ. Ŋɔi Hundei Ilaaɔ̃ í ni, ntɔi, bɛɛbɛi. Aa sĩmi, domi ribai icɛ jiida nŋa á too ŋa.