Luku 16:19 - Bibeli do fee

¹⁹ Ŋɔi Jesu í kpa nŋa mɔndau ihɛ̃ í ni, mɔkɔ ilu amani gɔ í wɛɛ. Mɔkɔu í ya maa dasi ibɔ caada ilu iju kusĩa gɔ. Kpasɛ̃ɛ ajɔ fei jingaui.

Luku 16:19 Iomraidhean Croise

Ɛsitɛɛ 8:15

Ŋɔi Maadosee í fita wa hai idei ilaaluu, wa dasi ibɔi amanlu. Ibɔu í yɛ boogu nɔ í nɛ fũfũ. Nɔ í dasi fulai wura nla nla gɔ do ibɔ kumboo nkpa gɔ. Ŋɔi si inɔ ilui Suze bii fei inɛ ŋa à wasi ku dɔ̃ anu do inɔ didɔ̃.

Mɔnda ŋa 14:24

Amanii í ya jɛ ribai ilu laakai ŋa, amma nnyɛi ŋa a ci ya jɔ̀ idei awɔ anyi ku ce nŋa.

Mɔnda ŋa 31:22

Í ya cea araɛ acɔ ku bii ŋa. Í ya nɛ jĩnɛi acɔ ku nɛ fia ŋa.

Ezai 3:23

do ibɔ ku nɛ sisima gɔ ŋa, do gɔgɔ ŋa iyi à yɛ fɛɛfɛlɛ, do dimii ibɔ mmu gɔ má, do bɔngɔtɔbɛɛ.

Ezekiɛli 16:13

Boodaɛ ŋau mɔ, à ce ŋai do wura do isɔ fũfũ. Jĩnɛɛ ŋau mɔ à ce ŋai do ikũ ku nɛ gbugbã, do acɔ ku nɛ sisima, do acɔ ku nɛ booda. Sɔndai iyafũ jiidai ì ya jɛ, do nyikɔ̃ do ikpoi olivi. Nɔ ì sĩa ntɔ ntɔ hee ì to i jɛ aboi ilaalu.

Ezekiɛli 16:49

Kurara ŋa iyi Sodomu ifɔɛ í nɛ wee. Í nɛ faau, í nɛ sɔnda wa kɔ̃aa, nɔ baa do iyi í nɛ laakai ku sũ, nŋu do ama inaaboɛ ŋa a ci ya sobi hai nɛ gbugbã ŋa do ilu are.

Ezekiɛli 27:7

Tuutaɛ ŋa iyi à ce do acɔ ku nɛ gbugbãi Ezibiti ŋa iyi à ce si booda ŋaui à ya jɔ̀ a màɛ hai jĩijĩ. Acɔ ku nɛ ila bulam bulam do nkpa, iyi wa naa hai gũngũm dii Kitimui í ya maa bii iwoɛ ŋa.

Maaku 15:17

Ŋɔi à daa Jesu si ibɔ nkpa sisɔ gɔ, nɔ à ba fulai agũ à daa si iriɛ.

Maaku 15:20

Iyi à yaakoɛ à tã, ŋɔi à nyaa ibɔ nkpau à bɛi à daa si ibɔɛ, nɔ à bɔòɛ waduude a koo a kpakpaɛ si jĩi ku gaau.

Luku 15:13

Iyi í ce ajɔ minji, ifɔu í ta mii iyi í nɛ fei nɔ í so fiau í nɛò hee ilɛ jĩijĩ gɔ. Bɛi í koo í ce kuwɛɛɛ si daa laalɔ í kpaò irii amaniɛu fei.

Luku 16:1

Ŋɔi Jesu í sɔ̃ mɔcɔɛ ŋa í ni, mɔkɔ ilu fia gɔi í wɛɛ. Mɔkɔu í nɛ amaacɛ gɔ nɔ í so amanii kpasɛ̃ɛ fei í daa si awɔ. Iyi í ce ajɔ minji ŋɔi inɛ ŋa à koo à kɔɔmɔtɔ amaacɛu bi lafɛ̃ɛ à ni, wa bɛjɛ amaniɛu fei.

Luku 16:18

Inɛ iyi í kɔ̀si aboɛ nɔ í so mmuɛ í ce sakarai. Inɛ iyi í so abo iyi mɔkɔɛ í kɔ̀si í ce sakarai.

Luku 16:20

Ilu are gɔ mɔ í wɛɛ, í ya maa sũi andɛ koofai ilu fiau, à ya kpoo Lazaa. Konkoli wa kɔ̃ si araɛ fei.

Kuyɛi Zãa 17:4

Abou wa dasi jĩnɛ nkpa jiida gɔ dimi iyi ilaalu ŋa à ya dasi, nɔ wa dasi booda ŋa iyi à ce do wura do kuta ku nɛ fia gɔ ŋa do lɛgɛ fũfũ bii fei. Wa mu kɔɔfui wura si awɔ si bii mii laalɔ do riisii sakara ku ceɛ wa kɔ̃.

Kuyɛi Zãa 18:16

aa maa ni, waiyooi, irei ì gbɔ bɔ̃nɛ iyi í ba ilu nlau ihɛ̃. Iluu í tako í yɛi bɛi abo iyi í ya we acɔ fũfũ ku nɛ fia gɔ, do acɔ nkpa jiida do acɔ iyi í jɛ ti ilaalu, nɔ í ya dasi wura si araɛ do kuta jiida ku nɛ fia ŋa, do lɛgɛ fũfũ ŋa.

Kuyɛi Zãa 18:7

Zaka bɛi í so araɛ lele í wɛɛ do inɔ didɔ̃ si amani nlaɛ, iŋɛ mɔ i nyisiɛ ijuukpã do inɔ kufɔ zaka bɛɛbɛ ŋa. Wa ni si idɔɛ, ǹ wa n buba bɛi inaabo ilaalu, n kù jɛ jaaɔ̃. Bɛɛbɛ mɔi n kaa n yɛ inɔ kufɔ pai.

Woo kiiti ŋa 8:26

Kuwoi lɛlɛawɔi wura ŋa iyi Zedeɔ̃ í tɔɔu í wɛɛi kiloo kɔnfia. Baka booda gɔ ŋa iyi à ce bɛi cukpa titɔ̃u bɛ má baasi do hanlaga ŋa do ibɔ ŋa iyi à nɛ ila nkpa iyi ilaalui inɛi Madiãa ŋau à ya maa dasi. Baka boodai saba gɔ ŋa mɔ iyi à ya daa kpookpo nŋa ŋa si kɔ̃ɔu baasi.