Luku 16:1 - Bibeli do fee

¹ Ŋɔi Jesu í sɔ̃ mɔcɔɛ ŋa í ni, mɔkɔ ilu fia gɔi í wɛɛ. Mɔkɔu í nɛ amaacɛ gɔ nɔ í so amanii kpasɛ̃ɛ fei í daa si awɔ. Iyi í ce ajɔ minji ŋɔi inɛ ŋa à koo à kɔɔmɔtɔ amaacɛu bi lafɛ̃ɛ à ni, wa bɛjɛ amaniɛu fei.

Luku 16:1 Iomraidhean Croise

Kusintii Andunya 15:2

Aburamu í jɛ í ni, Lafɛ̃ɛ, mii aa muum. Wee ǹ wɛɛ hai nɛ ama, nɔ Eliezɛɛ woo ce icɛm inɛi Damasiui á jɛ tubum.

Kusintii Andunya 43:19

Waati iyi à to wa andɛ koofau, ŋɔi à tɛkɛɛ si inɛɛu à sɔ̃ɔ à ni,

Bomma 1, 28:1

Ŋɔi Davidi í tɔtɔɔ inɛ ngboi Izirɛli ŋau fei Zeruzalɛmu, hai inɛ ngboi dimi ikã ikã ŋau do ti inɛ ŋa iyi à kpɛ̃ si icɛi ilaalu ŋau do inɛ ngboi wuaai sooge dubu ŋau do ti cĩɔ ŋau, do inɛ ŋa iyi à jɛ woo ce wũaai amanii ilaaluu, do ti mɛɛmu gaaɛ ŋau fei do ti amaɛ ŋau fei do akaweɛ ŋa do woo ja igũ ŋau do inɛmɔkɔ kaasãanɛ ŋau.

Mɔnda ŋa 18:9

Inɛ iyi kù waa yesi icɛɛ do inɛ iyi wa bɛjɛ icɛu, aŋa fei nyaanze akãi.

Ozee 2:8

Na nŋu, amu Aɔ̃ Lafɛ̃ɛ, an cĩmbo kpãaɛi do agũ ŋa. An ce bindii n kaakoɛ ku ba ku maà yɛ kpãaɛ ŋau má.

Matie 20:8

Iyi í to alɛ zakai kulɔi inunu, ŋɔi ilu kpasɛ̃u í kpe inɛ ngboi amaacɛɛ ŋau í sɔ̃ɔ í ni, kpe gaanɔɔma ŋau wa, sã nŋa fia nŋa, sinti hai bi inɛi ankãanyi ŋau hee ku koo si inɛ sinte ŋau.

Luku 12:42

Ŋɔi Lafɛ̃ɛ í jɛ í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Luku 15:13

Iyi í ce ajɔ minji, ifɔu í ta mii iyi í nɛ fei nɔ í so fiau í nɛò hee ilɛ jĩijĩ gɔ. Bɛi í koo í ce kuwɛɛɛ si daa laalɔ í kpaò irii amaniɛu fei.

Luku 15:30

Amma iyi amaɛ í baa, nŋu iyi í koo í jɛ amaniɛ do abo à ta icu ŋa, na iriɛi ì kpa kɛtɛ saasaabɔu ihɛ̃.

Luku 16:19

Ŋɔi Jesu í kpa nŋa mɔndau ihɛ̃ í ni, mɔkɔ ilu amani gɔ í wɛɛ. Mɔkɔu í ya maa dasi ibɔ caada ilu iju kusĩa gɔ. Kpasɛ̃ɛ ajɔ fei jingaui.

Luku 16:2

Ŋɔi lafɛ̃ɛ í kpoo í beeɛ í ni, irei ǹ wa n gbɔ inɛ ŋa à wasi ku sɔ iriɛ ya. I kaa yɔkɔ i jɛ amaacɛm má. Koo so tiai icɛɛ wa si bii ì ya ce dooi fiam, i naa i nyisim.

Luku 19:20

Nɔ inɛ mmu í naa má í ni, Lafɛ̃ɛ, fiaɛ wee. Ǹ wooi si mango

Luku 8:3

do Zoana aboi Cuza, woo mu amanii ilaalu Herodu, do Suzani do inaabo nkpɔ gɔ ŋa má. Inaabo ŋau à waa sobi ŋa do amani nŋa.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Zaaki 4:3

Nɔ baa bii ì tɔɔ Ilaaɔ̃ i kaa ba ŋa domi do kurarai ì waa tɔɔu ŋa. Mii iyi ì waa tɔɔu na irii faayii ara nŋɛi.

Piɛɛ 1, 4:10

Inɛ baa yooma nŋɛ fei í ba amua hai bi Ilaaɔ̃. Na nŋu, i ceò amua ikã ikãi Ilaaɔ̃u icɛ ŋa i maa sobiò njɛ bɛi woo ce icɛ ilu naanɛ ŋa.