Luku 15:7 - Bibeli do fee

⁷ Ŋɔi Jesu í ni, bɛɛbɛ mɔi ǹ wa n sɔ̃ ŋɛ, inɔ didɔ̃i inɛi lele ŋa á la na ilu dulum akã iyi í kpaasi idɔ ku re inɛ dee dee cĩɔ fakã kù wa si iyi a kù nɛ bukaatai idɔ ku kpaasi.

Luku 15:7 Iomraidhean Croise

Mɔnda ŋa 30:12

Inɛ gɔ ŋa mɔ à waa cɔ ara nŋa hai nɛ taale kãma, baa do iyi a kù jɔ̀ kurara ŋa ku ce.

Matie 18:13

Ntɔ ntɔ ǹ wa n sɔ ŋɛi, bii í yɔɔ, á nɛ inɔ didɔ̃ nla nla na iriɛ ku re baa cĩɔ fakã kù wa si iyi kù nyɔu.

Matie 3:8

Na nŋu, i ce kookoosu jiida i nyisiò iyi ì kpaasi idɔ ŋa.

Luku 15:10

Bɛɛbɛ mɔi ǹ wa n sɔ̃ ŋɛ, amalekai Ilaaɔ̃ ŋa à ya wɛɛò inɔ didɔ̃ na ilu dulum akã iyi í kpaasi idɔ.

Luku 15:29

Amma í sɔ̃ baau í ni, cɔ hai adɔ̃ nkpɔ nkpɔ iyi ǹ wa n ceɛ icɛ wa. Nɔ n kù donda ideɛ kãma, nɔ baa ama iwo i kù muum n ceò jingau do inɔ didɔ̃ amu do kpaasim ŋa.

Luku 15:32

Amma í sĩa ka jɛ jingau do inɔ didɔ̃ nla nla si na iyi í jɔ̀ ifɔɛu ihɛ̃ í yɛ bɛi í kui wo nɔ í baa si andunya má. Í nyɔ wo nɔ à yɔɔ má.

Luku 15:6

Bii í baa kpasɛ̃ á kpe kpaasiɛ ŋa do inɛ ŋa iyi à waa má kɔkɔɛ ku sɔ̃ ŋa ku ni, i bam inɔ didɔ̃ ku kpɛ̃, domi angudãm iyi í nyɔu ǹ yɔɔ wa.

Luku 15:8

Nɔ Jesu í kpa nŋa mɔnda mmuɛ má í ni, bii inaabo gɔ í nɛ kpɛkɛlɛ mɛɛwa nɔ akãɛ í nyɔ, á má fitilai nɔ ku kpã ileu ku dɛdɛɛ do laakai hee koo yɔɔ.

Luku 16:15

Nɔ Jesu í sɔ̃ ŋa í ni, iŋɛ ì waa dɛ i jɛ inɛ dee dee ŋa si wajui amanɛ ŋa, amma Ilaaɔ̃ í mà idɔ nŋɛ. Ǹ wa n sɔ̃ ŋɛi, mii iyi amanɛ ŋa à waa cɔ mii jiida, bi Ilaaɔ̃ mii sãmii.

Luku 5:32

Bɛɛbɛ mɔi n kù naa ku kpe inɛ dee dee ŋa, amma ilu dulum ŋai ǹ naa ku kpe a kpaasi idɔ nŋa.

Romu 7:9

Tako waati iyi n kù mà wooda, ǹ wɛɛ wo, amma waati iyi ǹ na ǹ mà wooda, dulum í dedei