Luku 15:6 - Bibeli do fee

⁶ Bii í baa kpasɛ̃ á kpe kpaasiɛ ŋa do inɛ ŋa iyi à waa má kɔkɔɛ ku sɔ̃ ŋa ku ni, i bam inɔ didɔ̃ ku kpɛ̃, domi angudãm iyi í nyɔu ǹ yɔɔ wa.

Luku 15:6 Iomraidhean Croise

Iri ku kɔ̃ 119:176

Ǹ wa n dabii bɛi angudã iyi í nyɔ. Naa i dɛdɛm amu woo ce icɛɛ, domi n kù gbɛjɛ woodaɛ ŋa.

Luku 1:58

Kpaasiɛ ŋa do nyaanzeɛ ŋa à gbɔ iyi Aɔ̃ Lafɛ̃ɛ í ce araareɛ ntɔ ntɔ, nɔ aŋaò ŋa à wɛɛò inɔ didɔ̃ ajɔ.

Luku 15:10

Bɛɛbɛ mɔi ǹ wa n sɔ̃ ŋɛ, amalekai Ilaaɔ̃ ŋa à ya wɛɛò inɔ didɔ̃ na ilu dulum akã iyi í kpaasi idɔ.

Luku 15:24

domi amam iyi í yɛ bɛi í ku wo, í baa si andunya má. Í nyɔ wo nɔ à yɔɔ má. Ŋɔi à wa si inɔ didɔ̃.

Luku 15:5

Hai í nɔ í yɔɔ gbakã á muu ku lesiɛ kɔngɔ wai do inɔ didɔ̃.

Luku 15:7

Ŋɔi Jesu í ni, bɛɛbɛ mɔi ǹ wa n sɔ̃ ŋɛ, inɔ didɔ̃i inɛi lele ŋa á la na ilu dulum akã iyi í kpaasi idɔ ku re inɛ dee dee cĩɔ fakã kù wa si iyi a kù nɛ bukaatai idɔ ku kpaasi.

Laabaau jiida iyi Zãa í kɔ 15:14

Bii ì waa ce iyi ǹ dasi ŋɛ ì jɛ kpaasim ŋai.

Laabaau jiida iyi Zãa í kɔ 3:29

Inɛ iyi í nɛ abo titɔ̃ nŋui í jɛ mɔkɔ titɔ̃, mà irei. Amma kpaasii mɔkɔ titɔ̃u, inɛ nŋu á leekĩi ku maa gbɔ. Nŋu mɔ í ya nɛ inɔ didɔ̃ ntɔ ntɔ waati iyi í gbɔ imui mɔkɔ titɔ̃u. Na ŋɔi í jɔ̀ nsɛi amu takam inɔ didɔ̃m í kɔ̃.

Woo bɛ ŋa 11:23

Iyi í to bɛ í yɛ bɛi Ilaaɔ̃ í cea inɛ ŋau didɔ̃ nɔ inɔɛ í dɔ̃. Ŋɔi í mu nŋa gbugbã ku ba a leekĩ dim dim si Lafɛ̃ɛ do idɔ nŋa fei.

Woo bɛ ŋa 15:3

Pɔlu ŋa à dasi kpãa à waa nɛ nɔ inɛi igbɛi Jesu ŋau à koo à leekĩ nŋa. Ŋɔi à ce isɛɛnɛ nŋa à koo à lɔ ilɛi Fenisi do ilɛi Samari nɔ à wasi ku sisia kpaasi woo dasi naanɛ ŋau bɛi hai jɛ Zuifu ŋa mɔ à sinda idɔ nŋa si Jesu. Ŋɔi laabaaui ideu í jɔ̀ inɔi aŋa fei í dɔ̃ ntɔ ntɔ.

Filipi 1:4

Si kutɔɔm ŋa fei iyi ǹ ya n maa n ce na irii iŋɛ fei, ǹ ya n cooi do inɔ didɔ̃,

Filipi 2:17

Naanɛ ku dasi nŋɛ í yɛi bɛi kuwee iyi ì waa cea Ilaaɔ̃ ŋa. Nɔ baa bii í jɛ à kpam nii, nɔ ǹ nikã njɛm bɛi kuweei atɛ̃ vɛ̃ɛ iyi à nikã si antaii kuwee nŋɛu, do nŋu fei inɔm á dɔ̃, nɔ awaɛ ŋa ka kpɛ̃ inɔ didɔ̃u.

Filipi 4:1

Na nŋu iŋɛ baakɔɔm ŋa, iŋɛ iyi ǹ wa n bi ku yɛ jiida jiida má, iŋɛ iyi ì ya jɔ̀ n nɛ inɔ didɔ̃, nɔ ǹ ya n tɔɔ fufu na iri nŋɛ, i jɔ̀ i leekĩ bɛɛbɛ ŋa dim dim si Lafɛ̃ɛ.

Tɛsalonika 1, 2:19

Ajɔ iyi Lafɛ̃ɛ nwa Jesu á nyi wa, yoomai á jɛ kpãa ku cɔ nwa do inɔ didɔ̃ nwa. Mii aa ka tɔɔò fufu má si wajuɛ bii kù jɛ iŋɛ.

Piɛɛ 1, 2:10

Tako wo i kù jɛ dimi ŋa iyi inɛ gɔ í mà, amma nsɛi ì jɛ inɛi Ilaaɔ̃ ŋa. Tako wo araarei Ilaaɔ̃ kù wa si nŋɛ, amma nsɛi ì ba í ce araare nŋɛ.

Piɛɛ 1, 2:25

Tako wo ì yɛ ŋai bɛi angudã ŋa iyi à nyɔ, amma nsɛi ì nyi wa bi woo degbeu ŋa, nŋu iyi wa degbe ŋɛ.