Luku 15:4 - Bibeli do fee

⁴ bii inɛ gɔ nŋɛ í nɛ angudã cĩɔ iyi wa degbe si inɔ sako nɔ akã í nyɔ siɛ, lafɛ̃ɛ á jɔ̀ cinɛò fɛɛwa do mɛɛsã iyi í gbeu inɔ sako bɛi koo dɛdɛ akã iyi í nyɔu wa hee koo yɔɔ, mà irei.

Luku 15:4 Iomraidhean Croise

Iri ku kɔ̃ 119:176

Ǹ wa n dabii bɛi angudã iyi í nyɔ. Naa i dɛdɛm amu woo ce icɛɛ, domi n kù gbɛjɛ woodaɛ ŋa.

Ezai 53:6

Awa fei à nyɔi wo à waa dabii bɛi mɛɛmu gaa ŋa. Waati bɛɛbɛ, inɛ fei í mu kpãaɛi, nɔ Aɔ̃ Lafɛ̃ɛ í jɔ̀ kurarai awa fei í baa siɛ.

Zeremi 33:13

Si ilui iri kuta ŋau, do si ilu ŋa iyi à wa ikpa ilɛ ilɛu do si ilui Negɛbu ŋau do si ilɛi Bɛnzamɛɛ do ilu ŋa iyi à kaako Zeruzalɛmu do si ilui Zudaa ŋa, iwo ŋa do angudã ŋa aa nyi wa si awɔi inɛ iyi á maa ce doa nŋa má. Amu Aɔ̃ Lafɛ̃ɛi ǹ fɔ bɛɛbɛ.

Zeremi 50:6

Inɛm ŋau à yɛi bɛi angudã ŋa iyi à nyɔ. Woo degbe nŋa ŋaui à jɔ̀ à waa nyɔ, domi aŋai à waa nɛò ŋa do ikpa iri kuta ŋau. À ya maa dabiii si iri kuta ŋa do si geete ŋa, nɔ à ya gbɛjɛ kolo nŋaui.

Ezekiɛli 34:16

An ya n koo n dɛdɛ mɛɛmu iyi í nyɔ wai do iyi í ga araɛ í nɛ bii gɔ. Mɛɛmu iyi í ba kumɛɛ, an daa si iwɔi, iyi kù waa nɛ baani, an jɔ̀ ku ba irii. Amma iyi í la wa nɛ baani, nɔ í nɛ gbugbã, an kpaai. An maa n degbe mɛɛmu ŋaui si dee dee ku jɛ.

Ezekiɛli 34:31

Ntɔ ntɔ, iŋɛ amanɛ ŋa, iŋɛi ì jɛ bɛi mɛɛmu gaam ŋa iyi ǹ wa n gbɔa. Amui ǹ jɛ Aɔ̃ Lafɛ̃ɛ nŋɛ. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 34:4

Mɛɛmu ŋa iyi a kù nɛ gbugbã, i ci ya mu nŋa gbugbã ŋa. I ci ya gbɔa iyi a kù nɛ baani ŋa. Iyi à nɛ kumɛɛ ŋa, i ci ya da nŋa si iwɔ ŋa. Gɔgɔ ŋa iyi à ga ara nŋa à nyɔ, i ci ya dɛdɛ ŋa wa ŋa. Amma ì ya maa tɛɛsɛ ŋa ŋai nɔ ì ya maa ta nŋa gbugbã ŋai.

Ezekiɛli 34:8

Ǹ ni, ntɔ ntɔ hee do kuwɛɛm fei, amu Aɔ̃ Lafɛ̃ɛ ǹ wa n fɔi iyi i kù waa gbɔa mɛɛmu ŋau ŋa. Idei iri nŋɛ ŋai ì waa ce ŋa, si na iyi í jɔ̀ ì jɔ̀ mɛɛmu ŋau à fangaa à koo à dasi awɔi ile ŋa, nɔ i kù bɔ ku dɛdɛ ŋa ŋa, nɔ gɔgɔ ŋa à jɛ sɔndai mɛɛmui sako ŋa.

Matie 12:11

Nɔ Jesu í jɛ nŋa í ni, bii inɛ gɔ nŋɛ í nɛ angudã akã nɔ angudãu í koo í dasi inɔ isa baa bii ajɔi kusĩmii, lafɛ̃ɛ kaa nyaa?

Luku 13:15

Ŋɔi Lafɛ̃ɛ í jɛaa í ni, iŋɛ ilu muafiti ŋai, iŋɛ fei i ci ya fũ kɛtɛ nŋɛ ŋa do gbankɛlɛ nŋɛ ŋa a koo a mɔ inyi si ajɔi kusĩmi?

Luku 15:3

Ŋɔi Jesu í kpa nŋa mɔnda gɔ í ni,

Luku 19:10

Amu Amai Amanɛ ǹ naa ku dɛdɛ inɛ ŋa iyi à nyɔi n faaba ŋa.

Romu 2:1

Na nŋu, awɔ iyi ì waa yɛ taalei inɛ ŋa, baa bii yooi ì jɛ, i kù nɛ iyi aa fɔ, domi waati iyi ì waa yɛ taalei inɛ ŋa nɔ awɔ takaɛ ì waa ce mii laalɔ ŋau bɛ, awɔ takaɛ ì waa so taalei.

Piɛɛ 1, 2:25

Tako wo ì yɛ ŋai bɛi angudã ŋa iyi à nyɔ, amma nsɛi ì nyi wa bi woo degbeu ŋa, nŋu iyi wa degbe ŋɛ.