Luku 15:32 - Bibeli do fee

³² Amma í sĩa ka jɛ jingau do inɔ didɔ̃ nla nla si na iyi í jɔ̀ ifɔɛu ihɛ̃ í yɛ bɛi í kui wo nɔ í baa si andunya má. Í nyɔ wo nɔ à yɔɔ má.

Luku 15:32 Iomraidhean Croise

Iri ku kɔ̃ 51:8

Amma iyi ì bii í jɛ ntɔ iyi í wa hee si lɛlɛi idɔ. Si lɛlɛi idɔm, jɔ̀ n mà bisiɛ.

Ezai 35:10

Inɛ ŋa mɔ iyi Aɔ̃ Lafɛ̃ɛ í jɔ̀ à nɛ ara nŋa ŋau, aa baa. Aa sinda a baa Siɔ̃ɔi do anu ku dɔ̃i inɔ didɔ̃. Inɔ didɔ̃ hai nɛ kɔɔu bɛi á jɔ̀ waju nŋa ku maa sĩa. Inɔ didɔ̃ nla nlai aa nɛ. Ara kuro do kukakaa ŋau fei, aa kpa irii.

Ozee 14:9

Efaraimu, anu akã yoomai í wa si gãmɛi amu do iwɛ̃ ŋa. Amui ǹ ya n jɛɛ si kutɔɔɛ, nɔ amui ǹ wa n wɔ njoo siɛ. Amui ǹ jɛ bɛi jĩi ndii sipɛrɛɛsi iyi í ya maa tũ waati kãma fei. Amui ǹ ya n jɔ̀ i ba amaajɛ ŋa i da.

Matie 18:11

Amu Amai Amanɛ ǹ naa ku faaba inɛ ŋa iyi à nyɔi.]

Luku 15:24

domi amam iyi í yɛ bɛi í ku wo, í baa si andunya má. Í nyɔ wo nɔ à yɔɔ má. Ŋɔi à wa si inɔ didɔ̃.

Luku 15:31

Ŋɔi baau í ni, awɔ amam nii, awaɛi à wɛɛ do ajɔ fei, nɔ mii iyi ǹ nɛ fei í jɛ tɛɛ.

Luku 7:34

Nɔ iyi amu Amai Amanɛ ǹ naa, ǹ ya n jɛ nɔ n maa n mɔ, nɔ ì ni ŋa ǹ bi ijɛ nɔ ǹ jɛ woo mɔ atɛ̃ nɔ ǹ jɛ kpaasii woo gba fiai lɛmpoo ŋa do ilu dulum ŋa.

Romu 11:15

Ilaaɔ̃ í jɔ̀ hai jɛ Zuifu ŋa à dɔ̃ do nŋu si waati iyi í jɔ̀ Zuifu ŋa titã. Debɛi, bɛirei á yɛ si waati iyi á gba ŋa má. Nŋu bɛi á jɔ̀ aŋa iyi à ku wo a baa si kuwɛɛ.

Romu 3:19

Amma awa à mà iyi mii iyi wooda wa fɔ fei, inɛ ŋa iyi woodau í kãi wa fãa. Wooda í wɛɛi ku ba gɛlɛ kãma ku maà nɛ iyi á fɔ, nɔ inɛ fei ku mà iyi Ilaaɔ̃ wa yɛ taaleɛ.

Romu 3:4

Aawo, kù jɛ bɛɛbɛ. Baa bii inɛ fei í jɛ ilu ibo ka mà iyi Ilaaɔ̃ í jɛ ntɔ. Si bɛi kukɔi ideɛ wa fɔ na iriɛ í ni, amanɛ ŋa à nɛ a mà iyi ì jɛ dee dee si ide ku fɔɛ, nɔ ì ya ba ntɔ bii à kiitiɛ.