Luku 15:24 - Bibeli do fee

²⁴ domi amam iyi í yɛ bɛi í ku wo, í baa si andunya má. Í nyɔ wo nɔ à yɔɔ má. Ŋɔi à wa si inɔ didɔ̃.

Luku 15:24 Iomraidhean Croise

Kusintii Andunya 45:28

nɔ í ni, í to bɛɛbɛ. Ǹ mà bɛbɛi iyi Zozɛfu amam nɔu í wɛɛ si hunde hee nsɛi. An koo n koo n yɔɔ hee n maa n ku.

Ezai 35:10

Inɛ ŋa mɔ iyi Aɔ̃ Lafɛ̃ɛ í jɔ̀ à nɛ ara nŋa ŋau, aa baa. Aa sinda a baa Siɔ̃ɔi do anu ku dɔ̃i inɔ didɔ̃. Inɔ didɔ̃ hai nɛ kɔɔu bɛi á jɔ̀ waju nŋa ku maa sĩa. Inɔ didɔ̃ nla nlai aa nɛ. Ara kuro do kukakaa ŋau fei, aa kpa irii.

Ezai 66:11

Do yaase bɛɛbɛ, Zeruzalɛmu á tũ idɔ nŋɛ do amboeɛ nɔ á jɔ̀ i yo ŋa bɛi iyei ama í ya jɔ̀ amaɛ ŋa a mɔmɔ hee a yo ku ba a gbɔ didɔ̃i amɔu.

Ezekiɛli 34:16

An ya n koo n dɛdɛ mɛɛmu iyi í nyɔ wai do iyi í ga araɛ í nɛ bii gɔ. Mɛɛmu iyi í ba kumɛɛ, an daa si iwɔi, iyi kù waa nɛ baani, an jɔ̀ ku ba irii. Amma iyi í la wa nɛ baani, nɔ í nɛ gbugbã, an kpaai. An maa n degbe mɛɛmu ŋaui si dee dee ku jɛ.

Ezekiɛli 34:4

Mɛɛmu ŋa iyi a kù nɛ gbugbã, i ci ya mu nŋa gbugbã ŋa. I ci ya gbɔa iyi a kù nɛ baani ŋa. Iyi à nɛ kumɛɛ ŋa, i ci ya da nŋa si iwɔ ŋa. Gɔgɔ ŋa iyi à ga ara nŋa à nyɔ, i ci ya dɛdɛ ŋa wa ŋa. Amma ì ya maa tɛɛsɛ ŋa ŋai nɔ ì ya maa ta nŋa gbugbã ŋai.

Matie 8:22

Amma Jesu í jɛaa í ni, awɔ de toom wa, nɔ i jɔ̀ iku ŋa a si iku nŋa ŋa.

Maaku 8:22

Ŋɔi à to ilu gɔ iyi à ya kpe Bɛsaida, nɔ inɛ gɔ ŋa à náaa Jesu fɛɛju gɔ wa, à tɔɔɛ ku luu.

Luku 10:19

Ntɔ ntɔ ǹ mu nŋɛ yiiko i tɛɛsɛò njo ŋa do cencee ŋa hee do gbugbã iyi Seetam mbɛɛu í nɛ fei, nɔ nkãma kaa yɔkɔ ku mɛɛ ŋɛ.

Luku 15:23

I naaò kɛtɛ kombo saasaabɔ iyi í la í reu bɛ wa, nɔ i kpaa ŋa. Ka jɛ ka ce jingau do inɔ didɔ̃,

Luku 15:25

Wee waati bɛɛbɛ igbãu í wa iko. Iyi wa baa í maai kpasɛ̃ wa ŋɔi wa gbɔ anui gãgã nɔ inɛ ŋa à waa jojo.

Luku 15:32

Amma í sĩa ka jɛ jingau do inɔ didɔ̃ nla nla si na iyi í jɔ̀ ifɔɛu ihɛ̃ í yɛ bɛi í kui wo nɔ í baa si andunya má. Í nyɔ wo nɔ à yɔɔ má.

Luku 15:4

bii inɛ gɔ nŋɛ í nɛ angudã cĩɔ iyi wa degbe si inɔ sako nɔ akã í nyɔ siɛ, lafɛ̃ɛ á jɔ̀ cinɛò fɛɛwa do mɛɛsã iyi í gbeu inɔ sako bɛi koo dɛdɛ akã iyi í nyɔu wa hee koo yɔɔ, mà irei.

Luku 19:10

Amu Amai Amanɛ ǹ naa ku dɛdɛ inɛ ŋa iyi à nyɔi n faaba ŋa.

Luku 9:60

Ŋɔi Jesu í sɔ̃ɔ í ni, jɔ̀ iku ŋa a si iku nŋa ŋa, amma awɔ, koo sisi laabaau jiidai bommai Ilaaɔ̃ bii fei.

Laabaau jiida iyi Zãa í kɔ 11:25

Ŋɔi Jesu í sɔ̃ɔ í ni, amui ǹ jɛ kujĩi iku ŋa nɔ ǹ jɛ kuwɛɛ. Inɛ iyi í dasim naanɛ á maa wɛɛi baa bii í ku.

Laabaau jiida iyi Zãa í kɔ 5:21

Ntɔ ntɔ, si bɛi Ilaaɔ̃ Baaba í ya jĩ iku ŋa nɔ ku ce ŋa ilu hunde, bɛɛbɛ mɔi amu Amaɛu an mua inɛ ŋa iyi ǹ cica kuwɛɛ.

Romu 11:15

Ilaaɔ̃ í jɔ̀ hai jɛ Zuifu ŋa à dɔ̃ do nŋu si waati iyi í jɔ̀ Zuifu ŋa titã. Debɛi, bɛirei á yɛ si waati iyi á gba ŋa má. Nŋu bɛi á jɔ̀ aŋa iyi à ku wo a baa si kuwɛɛ.

Romu 12:15

Inɛ ŋa iyi à wa si inɔ didɔ̃ i ba ŋa inɔ didɔ̃ ku kpɛ̃, inɛ ŋa mɔ iyi à waa kpata i ba ŋa ku kpata ŋa.

Romu 6:11

Bɛɛbɛ mɔi iŋɛ taka nŋɛ i doo ara nŋɛ bɛi iku si gãmɛi dulum, nɔ i doo ara nŋɛ ilu hunde má si wajui Ilaaɔ̃ na anu akã nŋɛ iyi ì nɛ do Jesu Kirisi ŋa.

Romu 6:13

I maà ti i jɔ̀ ikɔ̃ ikɔ̃i ara nŋɛ kãma kù wa si awɔi dulum má i maa ceò laalɔ ŋa. Amma i so ara nŋɛ i na Ilaaɔ̃ bɛi inɛ ŋa iyi à jĩ wa hai si balɛ, nɔ i so ikɔ̃ ikɔ̃i ara nŋɛ fei i daa Ilaaɔ̃ si awɔ ŋa i maa ceò jiida.

Romu 8:2

Hundei Ilaaɔ̃i í ya jɔ̀ inɛ ku ba kuwɛɛ na saabui Jesu Kirisi, nɔ gbugbãi Hundeɛui í nyam hai si gbugbãi dulum do ti iku.

Kɔrɛnti 1, 12:26

Bii ikɔ̃i ara gɔ í ba wahala, nŋu do iyi à gbe ŋau feii à ya gbɔ ara kurou ajɔ. Bɛɛbɛ mɔi bii à saabu gɔgɔ, nŋu do iyi à gbe ŋau fei à ya nɛ inɔ didɔ̃i ajɔ.

Efɛɛzu 2:1

Tako wo ì yɛ ŋai bɛi iku ŋa na irii kurara nŋɛ do dulum du ŋɛ.

Efɛɛzu 2:5

hai waati iyi kurara nwa í ce wa bɛi iku ŋa, Ilaaɔ̃ í mu nwa kuwɛɛ do Kirisi ajɔ. Na didɔ̃ɛi ì baò faaba ŋa.

Efɛɛzu 5:14

Nɔ mii iyi í fita gbugbãa fei í ya mái. Na ŋɔi í ce à ni, awɔ iyi ì waa sĩ njoo, jĩ. Dede hai si inɔi iku ŋa, nɔ Kirisi ku máɛ inya.

Kolosee 2:13

Tako wo, ì yɛi bɛi iku ŋa na irii kurara nŋɛ do si na iyi í jɔ̀ ì jɛ dimi mmu ŋa iyi a kù ce bango ŋa. Amma nsɛi Ilaaɔ̃ í ce ŋɛ ilu hunde do Kirisi ajɔ. Í kpa idei dulum du wa fei.

Timɔtee 1, 5:6

Amma jaaɔ̃ iyi wa jɛ andunyaɛ do faayi í yɛ bɛi iku baa bii í wɛɛ si hunde.

Zudu 1:12

Inɛ ŋaui à jɛ sankala si jingau nŋɛu, à waa ba ŋɛ ku jɛ do iju hai nɛ anyɔ, ara nŋai à waa wo ngbɛ ngbɛ. À yɛi bɛi ijĩ iyi í dũ nɔ kaa wɔ si na iyi í jɔ̀ fufu wa taleɛ. À yɛi bɛi jĩi iyi í da koko nɔ kù so, bɛi jĩi iyi à wuu do icãɛ í kú mam mam.

Kuyɛi Zãa 3:1

Kirisi í ni má, kɔa amalekai igbɛi inɛm ŋa iyi í wa Saadi. Kɔaa i ni, inɛ iyi í nɛ hunde mɛɛjei Ilaaɔ̃ ŋau do leleaɔ̃ mɛɛje ŋau í ni, ǹ mà kuce nŋɛ. Ǹ mà iyi à waa fɔ à ni ì jɛ ilu hunde ŋa baa do iyi ì jɛ iku ŋa.