Luku 15:22 - Bibeli do fee

²² Amma baaɛu í sɔ̃ woo ce icɛɛ ŋa í ni, i naaò ibɔ kumboo wa ńya ńya iyi í sĩa, i daa si ŋa. Nɔ i naa lɛlɛawɔ do baata ku dasi.

Luku 15:22 Iomraidhean Croise

Kusintii Andunya 41:42

Ŋɔi í bɔ lɛlɛawɔɛ í daa Zozɛfu si awɔ. Nɔ í daa si jĩnɛ jiida. Si anyii nŋu nɔ í daa si sabai wura si kɔ̃ɔ.

Ɛsitɛɛ 3:10

Ŋɔi ilaaluu í nya lɛlɛawɔɛ iyi í jɛ sɛɛdai nŋu takaɛ í na Hamaa mbɛɛi Zuifu ŋau. Hamaau amai Hamedatai nɔ wa jɛ tɔkui Agagi.

Ɛsitɛɛ 8:2

Iyi Maadosee í koo ŋɔi ilaaluu í nya lɛlɛawɔɛ iyi í tako í na Hamaau í so í naa. Si anyiɛ nɔ Ɛsitɛɛ í jilɛ Maadosee si kpasɛ̃i Hamaa ku maa cɔɔa.

Iri ku kɔ̃ 132:16

Jɔ̀ faabau ku jɛ bɛi ibɔ iyi woo weeɛ ŋa aa dasi, nɔ inɛ ŋa iyi naanɛ nŋa í wa siɛ, a maa dɔ̃ anu do inɔ didɔ̃.

Iri ku kɔ̃ 132:9

Jɔ̀ faabau ku jɛ bɛi ibɔ iyi woo weeɛ ŋa aa dasi, nɔ inɛ ŋa iyi naanɛ nŋa í wa siɛ, a maa dɔ̃ anu do inɔ didɔ̃.

Iri ku kɔ̃ 18:33

Nŋui í ya muum gbugbã nɔ nŋui í ya jɔ̀ mii iyi ǹ wa ce fei ku nɛ dee dee.

Iri ku kɔ̃ 45:13

Ilu amani nlai Tii ŋa aa dɛdɛ a ceɛ amua ŋa ku ba a ba didɔ̃ɛ.

Iri ku kɔ̃ iyi í dɔ̃ í re 7:1

sinda wa, sinda wa, inaaboi Sulami sinda wa ku ba ka cɔɛ. Na mii í ce ì waa cɔ inaaboi Sulami bɛi inɛ iyi wa jojo si bubaa minji.

Ezai 61:10

Aɔ̃ Lafɛ̃ɛi í jɛ icui inɔ didɔ̃ nla nla bi titom. Aɔ̃ Lafɛ̃ɛm nii í jɔ̀ ǹ wa si ididɔ̃ nla nla, domi faaba iyi í jɔ̀ ǹ ba, í yɛi bɛi ibɔ ŋa iyi í daam si. Í biim nii do ibɔi dee dee ku jɛ bɛi mɔkɔ titɔ̃ iyi í dasi booda kusĩa gɔ si iriɛ bɛi woo wee, do bɛi abo titɔ̃ iyi í ce boodai saba kusĩa ŋa.

Luku 15:21

Ŋɔi amau í ni, baaba, ǹ ce dulum bi Ilaaɔ̃ nɔ ǹ ce kurara bi tɛɛ. Na nŋu, n kù to a kpem amaɛ má.

Luku 15:23

I naaò kɛtɛ kombo saasaabɔ iyi í la í reu bɛ wa, nɔ i kpaa ŋa. Ka jɛ ka ce jingau do inɔ didɔ̃,

Romu 13:14

Amma i so daa titɔ̃i Jesu Kirisi Lafɛ̃ɛ nwa, nɔ i maà jɔ̀ daai iŋɛ taka nŋɛ ku maa nɛò ŋɛ i maa ceò binɛ má ŋa.

Romu 3:22

Inɛ ŋa iyi à dasi Jesu Kirisi naanɛ fei, Ilaaɔ̃ í ce ŋa dee dee na naanɛ iyi à dasiu. Inɛ gɔ kù jɛ ikã,

Romu 8:15

Hunde iyi Ilaaɔ̃ í mu nŋɛ kaa ce ŋɛ aru, kaa nɔ ku jɔ̀ njo ku mu ŋɛ má, amma Hundeu í ce ŋɛ amai Ilaaɔ̃ ŋa, nɔ do saabuɛi aa ka yɔkɔ ka kpe Ilaaɔ̃, ka ni Baaba.

Galati 3:27

Ntɔ ntɔ, iŋɛ iyi ì ce inyi ku dasi ì ceò anu akã do Kirisi ŋa fei, ì baa ì yɛ bɛi Kirisi ŋai.

Efɛɛzu 6:15

I jɔ̀ himmai laabaau jiida ku sisi ku wɛɛ nŋɛ bɛi baata nŋɛ. Laabaau jiidaui á jɔ̀ inɛ ŋa a dɔ̃ do Ilaaɔ̃.

Wooda ku kɔsi 33:25

Á ya ba ku manjii si anyii gamboɛ ŋa iyi à nɛ sɔkɔi isɔ walakɔ ti isɔ danya ŋa. Gbugbã kú maa wɛɛa zaka bɛi hundeɛ í sɔ wa to fei.

Kuyɛi Zãa 19:8

À jɔ̀ í dasi jĩnɛ fũfũ pai pai ku nɛ bɛɛrɛ iyi í má. Jĩnɛ ku nɛ bɛɛrɛui í jɛ kookoosu jiidai woo dasi naanɛ ŋa.

Kuyɛi Zãa 2:17

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, nŋui an mua mana iyi wa manji wo. Nɔ n muaa kuta fũfũ si bii à kɔ iri titɔ̃ɛ iyi inɛ gɔ kù mà bii kù jɛ nŋu iyi ǹ mua.

Kuyɛi Zãa 3:18

Na ŋɔi í ce ǹ wa n mu nŋɛ bisi, i jɔ̀ i ra wura iyi à yɔ si ina à wiɛ bi tom ŋa ku ba i jɛ ilu amani do ntɔ ŋa. Nɔ i ra jĩnɛ fũfũ i biiò anyii ara nŋɛ ŋa ku ba i maà maa nɛ bũmbũm ŋa nɔ anyɔ ku maà maa mu ŋɛ. I ra iwɔi iju i dasi iju nŋɛ ku ba i yɛ ilu ŋa.

Kuyɛi Zãa 6:11

Iyi à dɔ̃ bɛɛbɛ à tã ŋɔi à daa aŋa fei si jĩnɛ fũfũ, nɔ à sɔ̃ ŋa à ni a temua keeke titã hee jiai woo ce icɛ kpaasi nŋa ŋa ku kɔ̃, aŋa iyi aa na a kpa bɛi à tako à kpa aŋa mɔ.

Kuyɛi Zãa 7:9

Si anyii nŋu, nɔ ǹ cɔ ilu má nɔ ǹ yɛ zamaa nla nla iyi inɛ gɔ kaa yɔkɔ ku ka. À fita wa hai ilɛ fei do si dimi fei do si fee ikã ikã fei. Aŋa fei à waa leekĩ si wajui kitãu do ama angudãu, à waa dasi jĩnɛ fũfũ nɔ à waa mu wuai kpakpa si awɔ nŋa.