Luku 15:20 - Bibeli do fee

²⁰ Ŋɔi í dede wa nyi ikpa bi baaɛu. Hai waati iyi wa jĩ, ŋɔi baaɛ í hɔ̃nnɛɛ nɔ araare fei í muu. Í sɛi í koo í yaa do inɔ didɔ̃ nɔ í coo fɔɔ do kubi.

Luku 15:20 Iomraidhean Croise

Kusintii Andunya 33:4

Nɔ Esau í sɛi í koo í kòo, nɔ í muu wa baabaaɛ nɔ í cɔ̃ɔcɔ̃ɔɛ. Nɔ aŋa minji fei à waa kpata.

Kusintii Andunya 45:14

Nɔ í fo í bata Bɛnzamɛɛ ifɔɛu wa baabaaɛ wa kpataò, nɔ Bɛnzamɛɛ mɔ wa kpata.

Kusintii Andunya 46:29

nɔ Zozɛfu í dĩ sarɛtiɛ í bɔ baaɛ ku ko. Iyi í hɔ̃nnɛɛ gbakã í kitai hai si antaii sarɛtiu í sɛi í koo í yaa wa kpataò.

Samuɛli 2, 14:33

Ŋɔi Zoabu í koo í sɔ̃ ilaaluu ideu. Nɔ ilaaluu í kpe Abusalɔmu. Ŋɔi Abusalɔmu í koo nɔ í sɛɛbataa. Ŋɔi ilaaluu í sakooɛ.

Iri ku kɔ̃ 86:15

Aɔ̃ Lafɛ̃ɛ, awɔi ì jɛ ilu araare nɔ ì ya cea inɛ didɔ̃. Idɔɛ ci ya saasa ku kɔ̃ amma jiida ku jɛɛ do dee dee ku jɛɛ í la.

Iri ku kɔ̃ 86:5

Awɔ Aɔ̃ Lafɛ̃ɛ ì jɛ inɛ jiida do ilu suuru. Jiida ku jɛɛ í la í caa bi inɛ ŋa iyi à waa kpeɛ.

Ezai 49:15

Amma Aɔ̃ Lafɛ̃ɛ í jɛaa í ni, inaabo í ya gbɛjɛ idei ama ku mɔmɔɛi? Ci ya nɛ araarei amaɛ iyi í bí? Baa bii í jɛ á ce inaabo ku gbɛjɛɛi, amu n kaa n gbɛjɛɛ pai.

Ezai 57:18

Ǹ wa n yɛ kuceɛ ŋa, amma an jɔ̀ ku ba iri. Amui an maa n gbãa, nɔ n tũ idɔɛ, nŋu do inɛ ŋa iyi à wɛɛò inɔ kufɔi iku na iriɛu.

Zeremi 31:20

Nɔ Aɔ̃ Lafɛ̃ɛ í ni má, Efaraimu ama inɛmɔkɔm nii iyi ǹ bi ntɔ ntɔ. Nŋui ǹ bi í re. Nɔ bɛi ǹ wa n fɔ ideɛ fei, bɛɛbɛ mɔi ǹ ya n maa n ye gigiɛ waati kãma fei. Bɛi lasabum fei í wa siɛ, bɛɛbɛ mɔi ǹ nɛ araareɛ ntɔ ntɔ.

Ozee 11:8

Do nŋu fei, Efaraimu, an yɔkɔ n fũsiɛ awɔ? Izirɛli, an yɔkɔ n soɛ n daa inɛ ŋa si awɔ? An yɔkɔ n ceɛ bɛi ǹ cea ilui Adima? N jɔ̀ i baa i yɛ bɛi ilui Seboimu? Ntɔ ntɔ, lasabum í fɔtɔtɔ, nɔ araareɛ iyi ǹ nɛ, í la ntɔ ntɔ.

Luku 15:19

Na nŋu, n kù to a kpem amaɛ má. Ceem bɛi amaacɛɛ.

Luku 15:21

Ŋɔi amau í ni, baaba, ǹ ce dulum bi Ilaaɔ̃ nɔ ǹ ce kurara bi tɛɛ. Na nŋu, n kù to a kpem amaɛ má.

Woo bɛ ŋa 2:39

Bɛɛbɛi á ce si na iyi í jɔ̀ Ilaaɔ̃ í ce nŋɛ kuwãɛ, iŋɛ do ama nŋɛ ŋa do inɛ ŋa iyi à wa hee jĩijĩ fei, inɛ ŋa iyi Aɔ̃ Lafɛ̃ɛ nwa á kpe fei.

Woo bɛ ŋa 20:37

Ŋɔi aŋa fei à kpata nɔ à yáa à tɔɔɛ sukudɔ̃ do kubi

Efɛɛzu 2:13

Amma nsɛi iyi ì nɛ anu akã do Jesu Kirisi ŋa, iŋɛ iyi ì tako ì wa í jĩ ŋa, wee nsɛi ì ce amɛɛ do Ilaaɔ̃ ŋa do saabui njɛi Kirisi.

Efɛɛzu 2:17

Kirisi í naa ku sisi laabaaui laakai ku sũ bi tu ŋɛ, iŋɛ iyi ì tako ì jĩò Ilaaɔ̃, do bi Zuifu ŋa, aŋa iyi à ceòɛ amɛɛ.