Luku 15:18 - Bibeli do fee

¹⁸ An dede n nyi bi baam n sɔ̃ɔ n ni, baam, ǹ ce dulum bi Ilaaɔ̃ nɔ ǹ ce kurara bi tɛɛ.

Luku 15:18 Iomraidhean Croise

Bomma 2, 33:19

Hai kutɔɔɛ do yaase bɛi Ilaaɔ̃ í jɛaa do dulum ŋa iyi í ce do dee dee hai jɛɛ do si inya ŋa bii í ce bi kuweea iwɛ̃ si geete ŋau do bii í gũa iwɛ̃ Asera jĩi ŋa do kuta ŋa hee ku maa kaye araɛu à kɔ ŋa si tiai Hozai.

Iri ku kɔ̃ 25:11

Aɔ̃ Lafɛ̃ɛ, kuraram í la, amma na saabui iriɛ, aa kpaa.

Mɔnda ŋa 23:13

Maà jɔ̀ amaɛ hai kpãa iju, bii ì tɛaa kpɔtɔɔ kaa ku.

Ezai 63:16

Do nŋu fei, awɔi ì bɛi ì jɛ baa nwa. Aburahamu bala nwau kù mà wa, nɔ Izirɛli kù mà wa. Awɔ Aɔ̃ Lafɛ̃ɛ, awɔi ì jɛ baa nwa. Awɔ, iriɛi í jɛ woo ya nwa baa hai tako hee do nsɛi fei.

Zeremi 3:19

Amu Aɔ̃ Lafɛ̃ɛ ǹ ya n maa n ni, ǹ bi n kàɛi wo si inɔi amam ŋa, nɔ n muɛ ilɛ bii ididɔ̃ í wa, iyi kusĩai boodaɛ í re si ilɛ fei. Ǹ ya n maa n nii wo, awɔi aa ya kpem i ni, baam. Nɔ i kaa kɔ̀sim pai.

Zeremi 31:20

Nɔ Aɔ̃ Lafɛ̃ɛ í ni má, Efaraimu ama inɛmɔkɔm nii iyi ǹ bi ntɔ ntɔ. Nŋui ǹ bi í re. Nɔ bɛi ǹ wa n fɔ ideɛ fei, bɛɛbɛ mɔi ǹ ya n maa n ye gigiɛ waati kãma fei. Bɛi lasabum fei í wa siɛ, bɛɛbɛ mɔi ǹ nɛ araareɛ ntɔ ntɔ.

Kukpata 3:29

Í sĩa ku kaye araɛi, nɔ ku jɔ̀ wajuɛ ku bɔ hee ilɛ ku maa cɔò kpãai faabai Aɔ̃ Lafɛ̃ɛ.

Kukpata 3:40

Ka cɔ isɛɛnɛ nwa, ka wusɛ ara nwa ku ce ncɛɛ nɔ ka nyi bi Aɔ̃ Lafɛ̃ɛ.

Daniɛli 4:26

Si waatii iri ku kpai adɔ̃ akã, ŋɔi ilaalu í dede wa dabii si antaii sikifai kabai bommai ilɛi Babilɔniu.

Zonasi 2:4

Ì nyɔm hee si lɛlɛi tenku, nɔ acãi inyi í kaakom, nɔ kutãngãm dii inyiu í mim.

Zonasi 3:9

Á yɔkɔ ku jɛ Ilaaɔ̃ á kpaasi idɔ, nɔ idɔɔkɔ̃ɛ á sũ kaa ce nfe nwa má.

Matie 3:6

À ce tuubai dulum du ŋa nɔ à jɔ̀ Zãa í dasi ŋa inyi si idoi Zuudɛ̃ɛu.

Matie 6:14

Nɔ í nyi í ni má, bii ì ya kpa idei kurara iyi inɛ ŋa à ce nŋɛ, Ilaaɔ̃ Baa nŋɛ mɔ á kpa idei dulum du ŋɛ.

Matie 6:9

Bɛi í sĩa i ya ce kutɔɔ ŋa wee. Ilaaɔ̃ Baa nwa iyi í wa lele, jɔ̀ inɛ fei ku mà iyi awɔi ì jɛ inɛ kumaaju.

Matie 7:11

Debɛi, bii iŋɛ iyi ì ya ce laalɔ ŋa ì mà mii jiida ku na ama nŋɛ ŋa, ì waa tamaa mà Baa nŋɛ iyi í wa lele kaa mua inɛ ŋa iyi à waa tɔɔɛ mii jiida ku re bɛɛbɛ ŋa?

Luku 11:2

Ŋɔi Jesu í sɔ̃ ŋa í ni, bii ì waa ce kutɔɔ ŋa i ya ni, Baaba, jɔ̀ inɛ fei ku mà iyi awɔi ì jɛ inɛ kumá. Naa i jɛ bommaɛ.

Luku 15:17

Iyi laakaiɛ í na í baa nɔ í ni, amaacɛi baam ŋa fei à nɛ ijɛ wa kɔ̃ nŋai, nɔ amu wee ǹ wa n ku do ari ihɛ̃.

Luku 15:19

Na nŋu, n kù to a kpem amaɛ má. Ceem bɛi amaacɛɛ.

Luku 15:21

Ŋɔi amau í ni, baaba, ǹ ce dulum bi Ilaaɔ̃ nɔ ǹ ce kurara bi tɛɛ. Na nŋu, n kù to a kpem amaɛ má.

Luku 18:13

Woo gba fiai lɛmpoou mɔ í leekĩ í mu araɛ ikã, kù yɔkɔ kù wu iju lele, í le awɔ si iri í ni, Ilaaɔ̃, ce araarem amu ilu dulum.