Luku 15:17 - Bibeli do fee

¹⁷ Iyi laakaiɛ í na í baa nɔ í ni, amaacɛi baam ŋa fei à nɛ ijɛ wa kɔ̃ nŋai, nɔ amu wee ǹ wa n ku do ari ihɛ̃.

Luku 15:17 Iomraidhean Croise

Iri ku kɔ̃ 119:59

Ǹ lasabu si isɛɛnɛm, nɔ ǹ bi n nyi wa si ideɛ ŋa.

Iri ku kɔ̃ 73:20

Aɔ̃ Lafɛ̃ɛ, waati iyi ì dede, ì kpa iri nŋai, nɔ à gbɛjɛ ide nŋa bɛi ala iyi inɛ í ce í bɛi í jĩ.

Woo lasabu 9:3

Ntɔ ntɔ, golo akãi á cã inɛ fei. Goloui í jɛ iku. Nɔ iyi í re mɔm, laalɔi í ya maa kɔ̃ si idɔi amanɛ ŋa do lasabu hai nɛ yaase si kuwɛɛ nŋa fei a bɛi a ku. Iyi bɛi í jɛ wahala iyi wa ce si andunya.

Zeremi 31:19

Ntɔ ntɔ awai à sinda à toɛ anyi wo. Amma nsɛi í baa í jɛ nwa bii ǹ mà. Ì jɔ̀ à mà kurara nwa nɔ nsɛi à waa ŋɔ amaawɔ nwa. Nsɛi anyɔ wa mu wa nɔ a kù nɛ bɛɛrɛ na mii ŋa iyi à ce waati iyi à wɛɛ awaasũ.

Kukpata 1:7

Si waatii wahalau, Zeruzalɛmu kù mà bii á bɔ. Ŋɔi í ye gigii mii jiida ŋa iyi í tako í nɛ fei wo. Waati iyi inɛɛ ŋa à dasi awɔi mbɛɛ ŋa, inɛ gɔ kù naa ku sobi ŋa. Mbɛɛ nŋa ŋau à yɛ ŋa, nɔ à waa nyaanyi ŋa na nfe ku ce iyi à waa bɔ.

Ezekiɛli 18:28

Bii í yɛ laalɔ ŋa iyi nŋu wa ce nɔ í jɔ̀ɔ fei, ntɔ ntɔ á wɛɛi kaa ku má.

Ozee 2:7

Iye nŋa nŋu iyi í bí ŋau, í ce sakara. Í dasi araɛ anyɔi si waati iyi í fɔ í ni, an too mɔkɔ kaafem ŋai, aŋa iyi à waa muum sɔnda do inyi. Aŋai à waa muum ikũ do acɔ, do ikpo do vɛ̃ɛ.

Luku 15:16

Tengi bɛi í bi ku wo araɛ do ijɛi kusɔɔ ŋau amma inɛ kãma kù muaa.

Luku 16:23

Nɔ í koo wa yɛ ijuukpã bi kuwai iku ŋa, ŋɔi í wu iju lele, nɔ í hɔ̃nnɛ Aburahamu nɔ Lazaa í wa bi tɛɛ.

Luku 8:35

Nɔ inɛ ŋa à fita à bɔ ku cɔ mii iyi í ceu. Iyi à to bi Jesu, ŋɔi à yɛ mɔkɔ iyi inɛi inɔɔko ŋa à fita siɛu. Mɔkɔu í baa si laakaiɛ má, nɔ wa buba kɔkɔi Jesu í dasi jĩnɛ ŋa. Ŋɔi njo í mu ŋa.

Woo bɛ ŋa 12:11

Ŋɔi Piɛɛ í yɔɔ bɛbɛi iyi kù jɛ àla. Nɔ í ni, ntɔ ntɔ Ilaaɔ̃i í bɛ sim amalekaɛ wa ku na ku nyam hai si awɔi Herodu, do laalɔ iyi Zuifu ŋau à waa bi a ceem fei.

Woo bɛ ŋa 2:37

Iyi inɛ ŋau à gbɔ bɛɛbɛ ŋɔi ideu í to si ŋa ntɔ ntɔ, nɔ à bee Piɛɛ do woo bɛ iyi à gbe ŋau à ni, iŋɛ kpaasi nwa ŋa, bɛirei aa ka ce.

Efɛɛzu 5:14

Nɔ mii iyi í fita gbugbãa fei í ya mái. Na ŋɔi í ce à ni, awɔ iyi ì waa sĩ njoo, jĩ. Dede hai si inɔi iku ŋa, nɔ Kirisi ku máɛ inya.