Luku 15:15 - Bibeli do fee

¹⁵ Ŋɔi í bɔ bi inɛi ilɛ bɛ gɔ nɔ lafɛ̃ɛ í koo í dasiɛ icɛi kusɔɔ ŋa ku degbe.

Luku 15:15 Iomraidhean Croise

Bomma 2, 28:22

Baa do iyi Ahazi í wa si wahala ŋau bɛ fei, í kɔ̀ í wasi dulum ku ce bi Aɔ̃ Lafɛ̃ɛ.

Kufita 10:3

Ŋɔi Moizi do Arɔ̃ɔ à koo bi Faraɔ̃ à sɔ̃ɔ à ni, Aɔ̃ Lafɛ̃ɛi inɛi Ebɛɛ ŋa í ni, hee waati yoomai aa kɔ̀ ku kaye araɛ si wajui nŋu. Í ni i jɔ̀ inɛi nŋu ŋa a nɛ ku ba a koo a tɔɔ nŋu.

Ezai 1:5

Si bɛi ì kɔ̀ ì waa mɔsi do ide ku kɔ̀ nŋɛ ŋa, si afe iwoi ì bi ku cã ŋɛ bɛbɛi. Iri nŋɛ ŋa à ba kumɛɛ bii fei, nɔ idɔ nŋɛ ŋa a kù waa nɛ baani.

Ezai 57:17

Idɔm í kɔ̃ si Izirɛli na laalɔ ku ceɛ do na mii ŋa iyi í ba si kpãa iyi kù jɛ dee dee. Na ŋɔi í jɔ̀ si idɔɔkɔ̃m ǹ kpãa iju nɔ n kù bi baa ku yɛɛ má. Amma í kɔ̀ í lele idɔɛ nɔ í leekĩ si dee dee hai jɛɛ.

Zeremi 5:3

Aɔ̃ Lafɛ̃ɛ, mii iyi ì bii í jɛ kuwɛɛ si ntɔ. Wee nsɛi ì kpã ŋa iju, amma kù jɛ nŋa si nkãma. Ì bi i tã do aŋa, amma à kɔ̀ ku gbɔ ide iyi ì waa sɔ̃ ŋa. À lele idɔ nŋa ŋa bɛi kuta, nɔ à kɔ̀ ku nyi wa bi tɛɛ.

Ezekiɛli 16:52

Awɔ iyi ì ya maa yɛ taalei igbãɛ do ifɔɛ, yɔkɔ temua si anyɔ iyi ì wa si na dulum dɛɛ ŋau. Ntɔ ntɔ, laalɔ ku ceɛ ŋa í re ti igbãɛ do ti ifɔɛ. Iyi bɛi í jɔ̀ ngu ŋa a kù nɛ taale bɛi awɔ. Anyɔ do bitii í jɛ titɛɛ si na iyi í jɔ̀ bii à cɔ laalɔ ŋa iyi ì ce, í yɛi bɛi ngu ŋa a kù jɛ ilu taale ŋa.

Ezekiɛli 16:63

Aa ye gigii mii iyi ì ce wo nɔ anyɔ á muɛ. I kaa yɔkɔ i fɔ ide na anyɔu waati iyi an ceɛ suurui mii iyi ì ceu. Amu Aɔ̃ Lafɛ̃ɛi ǹ fɔ bɛɛbɛ.

Nahumu 3:6

An kosiɛ riisi ŋai ku ba n kayeɛ i maà nɛ bɛɛrɛ má, nɔ inɛ ŋa a maa cɔɛ.

Malasi 2:9

Na nŋu, an jɔ̀ a donda ŋɛ nɔ i kua bɛɛrɛ ŋa si aninii inɛi Izirɛli ŋa si na iyi í jɔ̀ ì kɔ̀ ku jirima woodam ŋa. Nɔ i ci ya maa cɔ inɛm ŋa dimi akã bii ì waa kiiti ŋa ŋa.

Matie 7:6

I maà nyɔ lɛgɛ jiida nŋɛ ŋa si wajui kuusɔɔ ŋa ku ba a maà tɛɛsɛɛ. Nɔ i maà ti i na aja ŋa mii kumá ŋa ku ba a maà na a sinda a ŋɔ ŋɛ.

Luku 15:13

Iyi í ce ajɔ minji, ifɔu í ta mii iyi í nɛ fei nɔ í so fiau í nɛò hee ilɛ jĩijĩ gɔ. Bɛi í koo í ce kuwɛɛɛ si daa laalɔ í kpaò irii amaniɛu fei.

Luku 15:14

Waati iyi í jɛ fei ndɛɛ í kpa iriɛ, ari nla gɔ í bɛi í naa si ilɛu nɔ í lɔ si are.

Luku 15:16

Tengi bɛi í bi ku wo araɛ do ijɛi kusɔɔ ŋau amma inɛ kãma kù muaa.

Romu 6:22

Amma nsɛi à ya ŋɛ hai si awɔi dulum ì baa ì jɛ arui Ilaaɔ̃ ŋa, riba nŋɛi í jɛ daa iyi í má, iri ku kpaɛ mɔi í jɛ kuwɛɛ hai tã.

Titee 3:3

Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.