Luku 15:13 - Bibeli do fee

¹³ Iyi í ce ajɔ minji, ifɔu í ta mii iyi í nɛ fei nɔ í so fiau í nɛò hee ilɛ jĩijĩ gɔ. Bɛi í koo í ce kuwɛɛɛ si daa laalɔ í kpaò irii amaniɛu fei.

Luku 15:13 Iomraidhean Croise

Iri ku kɔ̃ 73:27

Inɛ ŋa iyi à jĩɛ à ya ce nfei. Inɛ ŋa iyi à kɔ̀siɛ fei, ì ya ce nfe nŋai.

Mɔnda ŋa 18:9

Inɛ iyi kù waa yesi icɛɛ do inɛ iyi wa bɛjɛ icɛu, aŋa fei nyaanze akãi.

Mɔnda ŋa 21:17

Inɛ iyi í bi faayi á ce are, nɔ inɛ iyi ci ya gbea atɛ̃ do ididɔ̃ nla nla kaa ce fia.

Mɔnda ŋa 21:20

Amani jiida ŋa do ikpo í ya wa kpasɛ̃i ilu bisi, amma nnyɛi í ya jɛ titɛɛ ku bɛjɛɛi fei.

Mɔnda ŋa 27:8

Inɛ iyi í bɔ wasangai í yɛi bɛi yɛ́i iyi í jɔ̀ antɛɛ wa dabii.

Mɔnda ŋa 28:7

Ama iyi í nɛ laakai í ya jirima wooda, amma ama iyi í nɛ kpaasi laalɔ ŋa í ya dasi baaɛ anyɔi.

Mɔnda ŋa 29:3

Ilu laakai í ya jɔ̀ baaɛ ku nɛ inɔ didɔ̃i. Amma inɛ iyi wa bɔ bi abo à ta icu ŋa í ya ce nfei amaniɛi.

Mɔnda ŋa 6:26

Bii ì waa sũò abo à ce sakara aa na i kua fiaɛ, amma bii ì waa sũò abo à so mɔkɔ kuwɛɛɛ feii aa kua.

Ezai 1:4

Iŋɛ inɛi Zudaa ŋau, inɔ kufɔi í jɛ tu ŋɛ iŋɛ ilu dulum ŋa. Laalɔi ì ya maa ce ŋa. Iŋɛ dimii woo ce laalɔ ŋai. Ama yaamɔi ì jɛ ŋa. Ì fũsi Aɔ̃ Lafɛ̃ɛ awɔ ŋa, ì donda Inɛ Kumái Izirɛliu, nɔ ì sinda ì toaa anyi ŋa.

Ezai 22:13

Amma iŋɛ, inɔ didɔ̃ nla nlai ì wɛɛò ŋa. Kɛtɛ ŋa do angudã ŋai ì kpa ì waa ŋɔ ŋa. nɔ ì waa mɔ atɛ̃ vɛ̃ɛ ŋa. Ì fɔ ì waa ni ŋa, ka jɛ ka mɔ, domi ala aa ka kui.

Ezai 30:11

À ya sɔ̃ walii ŋai a maa ni a tɛkɛɛ a jĩò kpãa iyi í tɛ, nɔ a jɔ̀ kpãa iyi í jɛ ntɔ iyi à nɛ a maa toou. À ya ni, i maà sɔ̃ wa idei Aɔ̃ Lafɛ̃ɛ Inɛ Kumái Izirɛliu má ŋa.

Ezai 56:12

À ya fɔi a maa ni, i naa wa ŋa kaa dɛdɛ atɛ̃ vɛ̃ɛ nɔ ka mɔ atɛ̃ iyi í nɛ gbugbã. Nɔ ala má, bɛɛbɛi aa ka ce, domi nkpɔ nkpɔi í gbe iyi aa ka mɔ má.

Zeremi 2:13

Ntɔ ntɔ, hee tuuba minjii zamaam nɔu ihɛ̃ í ce kurara bɛbɛi. À kɔ̀sim, amu iyi ǹ jɛ isɔ̃i inyii kuwɛɛ, nɔ à koo à waa tua ara nŋa lɔgɔ ŋa iyi a kaa yɔkɔ a jilɛ inyi.

Zeremi 2:31

Iŋɛ inɛi nsɛi ŋa, i sotĩ i gbɔ idem nɔu do laakai ŋa. Amui ǹ baa ǹ yɛ bɛi ilɛ gbaa bi tu ŋɛ walakɔ bɛi ilɛi ilu kuku nla nla? Na mii í ce iŋɛ inɛm ŋa ì fɔ ì waa ni ŋa, à nɛ ara nwa. A kù bi ka nyi wa bi tɛɛ.

Zeremi 2:5

Aɔ̃ Lafɛ̃ɛ í ni, kuce hai jɛ dee dee yoomai bala nŋɛ ŋa à yɛ sim iyi í jɔ̀ à saam, nɔ à koo à waa tɔɔ iwɛ̃ nfe ŋa hee aŋa taka nŋa à baa à jɛ nfe.

Misee 6:3

Nɔ í bee ŋa í ni, iŋɛ inɛm ŋa, mii ǹ ce nŋɛ. Si mii ǹ gbɛɛji ŋɛ. I jɛɛm wa.

Luku 15:12

Ŋɔi ifɔu í sɔ̃ baau í ni, baam, kpɛ̃ amaniu nɔ i nam iyi í jɛ titom. Nɔ baau í ce nŋa ikpɛ̃i amaniɛu.

Luku 15:14

Waati iyi í jɛ fei ndɛɛ í kpa iriɛ, ari nla gɔ í bɛi í naa si ilɛu nɔ í lɔ si are.

Luku 15:30

Amma iyi amaɛ í baa, nŋu iyi í koo í jɛ amaniɛ do abo à ta icu ŋa, na iriɛi ì kpa kɛtɛ saasaabɔu ihɛ̃.

Luku 16:1

Ŋɔi Jesu í sɔ̃ mɔcɔɛ ŋa í ni, mɔkɔ ilu fia gɔi í wɛɛ. Mɔkɔu í nɛ amaacɛ gɔ nɔ í so amanii kpasɛ̃ɛ fei í daa si awɔ. Iyi í ce ajɔ minji ŋɔi inɛ ŋa à koo à kɔɔmɔtɔ amaacɛu bi lafɛ̃ɛ à ni, wa bɛjɛ amaniɛu fei.

Luku 16:19

Ŋɔi Jesu í kpa nŋa mɔndau ihɛ̃ í ni, mɔkɔ ilu amani gɔ í wɛɛ. Mɔkɔu í ya maa dasi ibɔ caada ilu iju kusĩa gɔ. Kpasɛ̃ɛ ajɔ fei jingaui.

Efɛɛzu 2:13

Amma nsɛi iyi ì nɛ anu akã do Jesu Kirisi ŋa, iŋɛ iyi ì tako ì wa í jĩ ŋa, wee nsɛi ì ce amɛɛ do Ilaaɔ̃ ŋa do saabui njɛi Kirisi.

Efɛɛzu 2:17

Kirisi í naa ku sisi laabaaui laakai ku sũ bi tu ŋɛ, iŋɛ iyi ì tako ì jĩò Ilaaɔ̃, do bi Zuifu ŋa, aŋa iyi à ceòɛ amɛɛ.

Piɛɛ 2, 2:13

Laalɔ iyi à cea inɛ ŋai aa sã nŋa. Inɔ didɔ̃ nŋa fei si inaabo ŋai í ya wa baa bii dasã nkpai. Baa waati iyi iŋɛò ŋa ì tɔtɔɔ ì waa jɛ ijɛi Lafɛ̃ɛ ajɔ ŋa, à ya maa ce daa laalɔ nŋai nɔ a maa nɛ si inɔ didɔ̃. Bii iŋɛò ŋa ì waa tɔtɔɔ, anyɔ nla nlai.