Luku 15:1 - Bibeli do fee

¹ Woo gba fiai lɛmpoo ŋa do inɛ laalɔ ŋa fei à naa bi Jesu ku ba a gbɔ ideɛ.

Luku 15:1 Iomraidhean Croise

Ezekiɛli 18:27

Bii inɛ laalɔ gɔ í fũsi laalɔ iyi wa ce awɔ, nɔ wa ce mii iyi í tɛ do iyi í jɛ dee dee, hundeɛ á maa wɛɛi.

Matie 5:46

Bii inɛ ŋa iyi à bi ŋɛ aŋa akãi iŋɛ mɔ ì bi ŋa, to, riba yoomai aa ba ŋa. Baa woo gba fiai lɛmpoo ŋa mɔ à ya ce dimiɛ.

Luku 13:30

Waati bɛɛbɛ inɛi anyi gɔ ŋa aa na a jɛ inɛi waju ŋa, inɛi waju gɔ ŋa mɔ aa na a jɛ inɛi anyi ŋa.

Luku 7:29

Nɔ Jesu í ni má, inɛ ŋa iyi à gbɔ idei Zãa fei hee do woo gba fiai lɛmpoo ŋa fei à jɔ̀ Zãa í dasi ŋa inyi nɔ nŋu bɛ wa nyisi iyi à mà iyi Ilaaɔ̃ í jɛ dee dee.

Romu 5:20

Wooda í lɔ wai ku ba dulum ku kɔ̃ɔsi, amma bii dulum í kɔ̃ɔsi, didɔ̃i Ilaaɔ̃ mɔ í ya kɔ̃ɔsi ku roo mái.

Timɔtee 1, 1:15

Ide ilu naanɛi iyi í jɔ̀ i yɔ awɔ i gba ŋa mam mam. Ideu wee. Jesu Kirisi í naai si andunya ku faaba ilu dulum ŋa. Amui ǹ re ŋa do dulum,