Luku 14:23 - Bibeli do fee

²³ Ŋɔi lafɛ̃ɛu í sɔ̃ɔ má í ni, bɔ si kpãai ilɛɛko ŋa do kpãai iko ŋa, jɔ̀ inɛ ŋa a lɔ wa baa do kumante, kpasɛ̃m de ku kɔ̃.

Luku 14:23 Iomraidhean Croise

Iri ku kɔ̃ 110:3

Si ajɔ iyi aa tɔtɔɔ soogeɛ ŋau, woo mà igũ ku ce ŋau aa sìɛ. Awaasũɛ ŋa aa naa bi tɛɛi si iri kuta kumáɛ ŋa bɛi ikpãi amɛɛjuumá.

Iri ku kɔ̃ 98:3

Jiida ku jɛɛ do dee dee ku jɛɛ wa mɔsi si gãmɛi inɛi Izirɛli inɛɛ ŋau. Inɛ ŋa iyi à wa hee kɔɔi ilɛ ŋa fei, à yɛ iyi Ilaaɔ̃ Lafɛ̃ɛ nwa í faaba wa.

Ezai 11:10

Si waati nŋu bɛ tɔkui Izaii á jɛ nyinda bi zamaau nɔ inɛi ilɛ fei á maa dɛdɛɛi. Nɔ amboei Ilaaɔ̃ á wa tengi bii í wa.

Ezai 27:13

Waati bɛɛbɛ, kuu nla nla gɔi aa fã. Waati nŋui inɛ ŋa iyi à mu à nɛò ilɛi Asiri ŋau do inɛ ŋa iyi à fangaa si ilɛi Ezibitiu aa baa. Aŋa fei aa sɛɛbatai si wajui Aɔ̃ Lafɛ̃ɛ si iri kuta kumái Zeruzalɛmuu.

Malasi 1:11

Hai nunui daakɔ hee ku bɔ nunui alɛ inɛi andunya ŋa fei à mà bɛɛrɛm. À ya maa joom tuae ŋa bii fei, nɔ à ya maa ceem kuwee ŋa ku ba a nyisiò bɛɛrɛi irim. Do ntɔ inɛi andunya ŋa fei à mà bɛɛrɛm.

Matie 21:43

Nɔ Jesu í ni má, ǹ wa n sɔ̃ ŋɛi, Ilaaɔ̃ á gba bommaɛ hai bi tu ŋɛ ku na dimi mmu ŋa iyi à waa ce idɔɔbiɛ. [

Matie 5:41

Bii inɛ gɔ í tilasiɛ i soa nŋu aso i nɛò zakai kiloo akã, so i nɛaa ku to kiloo minji gbakã.

Luku 14:22

Ŋɔi woo ce icɛu í koo. Iyi í baa nɔ í ni, lafɛ̃ɛ, iyi ì dasim nɔu ǹ coo tã. Wee inya í gbe má.

Luku 14:24

Ntɔ ntɔ, an sɔ ŋɛ, inɛ ŋa iyi ǹ tako ǹ kpeu baa inɛ akã nŋa kaa tiɛ ijɛu ihɛ̃ má.

Luku 24:29

Ŋɔi à mante manteɛ à ni ku gbe bi aŋa domi alɛ í lɛ tã nɔ inunu wa lɔ. Ŋɔi í sinda wa í naa í gbe bi tu ŋa bɛ.

Woo bɛ ŋa 16:15

Abou do inɛi kpasɛ̃ɛ ŋa fei à ce inyi ku dasi nɔ í tɔɔ wa í ni, bii ì mà iyi ǹ dasi naanɛ ntɔ ntɔ ŋai i naa wa i naa i ce baa ajɔ minji kpasɛ̃m ŋa. Nɔ í mante wa hee à jɛ́ nɔ à bɔ kpasɛ̃ɛ.

Woo bɛ ŋa 18:6

Amma à jãa nɔ à waa buu, ŋɔi í gbugbã si ŋa ilùlùi ibɔɛ nɔ í sɔ̃ ŋa í ni, bii ì na ì ce nfe ŋa, í jɛ idei iri nŋɛ. Kù jɛ baam má. Hai nnyi an jɔ̀ ŋɛ n koo n cea hai jɛ Zuifu ŋa waazo.

Woo bɛ ŋa 28:28

Ŋɔi Pɔlu í sɔ̃ ŋa má í ni, na nŋu, i mà ŋa iyi Ilaaɔ̃ í jɔ̀ idei faabaɛ í bɔ bi dimi mmu ŋa. Aŋai aa gbɔɔ. [

Woo bɛ ŋa 9:15

Amma Lafɛ̃ɛ í sɔ̃ɔ í ni, koo, domi ǹ cica inɛɛu bɛi ku jɛ woo ce icɛm ku fɔ laabaaui irim bi dimi mmu ŋa do bi ilaalu nŋa ŋa do bi inɛi Izirɛli ŋa.

Romu 10:18

Amma ǹ wa n beei, Zuifu ŋa a kù gbɔ ideui? À gbɔɔ, domi à kɔɔ à ni, ideu í fangaa si andunya fei nɔ inɛ fei í gbɔɔ.

Kɔrɛnti 2, 5:11

Ilaaɔ̃ í mà wa sãa sãa, nɔ bɛɛbɛ mɔi ǹ tamaa iŋɛ taka nŋɛ ì mà wa ŋa. À waa dɛ ka kãmia inɛ ŋai si na iyi í jɔ̀ à mà bɛɛrɛi Lafɛ̃ɛ.

Kɔrɛnti 2, 5:20

Na nŋu, à jɛ woo bɛi Kirisi ŋa. Í yɛi bɛi Ilaaɔ̃ takaɛi wa ba ŋɛ ide ku fɔ hai bi tu wa nɔ à waa tɔɔ ŋɛ do irii Kirisi, i jɔ̀ i dɔ̃ do Ilaaɔ̃ ŋa.

Kɔrɛnti 2, 6:1

Awa iyi à waa ce icɛ do Ilaaɔ̃ ajɔ, à waa tɔɔ ŋɛi i maà jɔ̀ didɔ̃ iyi Ilaaɔ̃ í ce nŋɛu ku ce nfe.

Kolosee 1:23

Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.

Kolosee 1:28

Idei Kirisii à waa sisi, nɔ à waa sɔ̃ inɛ fei ku ce laakai, nɔ à kɔ ŋa si cioɛ do bisi baa yooma fei. À waa ce bɛɛbɛi ku ba inɛ fei ku jĩa si anu akãɛ do Kirisi ka bɛi ka tusɛ ŋa bi Ilaaɔ̃.