Luku 14:21 - Bibeli do fee

²¹ Ŋɔi woo ce icɛu í sinda í koo í sɔ̃ lafɛ̃ɛɛ gaafara iyi inɛ ŋau fei à tɔɔ. Ŋɔi idɔi lafɛ̃ɛu í kɔ̃, nɔ í sɔ̃ woo ce icɛɛu í ni, koo i bɔ si bantuma ŋa nsɛi nsɛi do si kpãai inɔ iluu, kpeem ilu are ŋa wa do wɛɛgɛ ŋa do fɛɛju ŋa do ilu kutɛ akã ŋa.

Luku 14:21 Iomraidhean Croise

Iri ku kɔ̃ 2:12

I sũa ilaalu amaɛu iri ilɛ ŋa. Bii kù jɛ bɛɛbɛ idɔɛ á kɔ̃, domi idɔɛ í ya kɔ̃i gbãa gbãa nɔ á yɔkɔ ku jɔ̀ i ku anu akã ŋa. Ilu inɔ didɔ̃ ŋai inɛ ŋa iyi à wa bi titɛɛ fei.

Iri ku kɔ̃ 38:7

N kù nɛ gbugbã, ǹ wa si inɔ kufɔ nla nla, nɔ ajɔ fei si inɔ kufɔi ikui ǹ ya n maa n wa.

Ezai 33:23

Ikũɛ ŋau à cɔngɔlɔ, a kù waa dĩ si jĩi ndii tuutau má. Nɔ a ci ya jɔ̀ tuuta iyi í jɛ nyindau ku bɔ lele má. Ŋɔi à kpɛ̃ mii nkpɔ nkpɔ iyi à ba wa hai si igũu. Baa woo sukutɛ ŋa aa nɛ baa si mii ŋa ku ko wau.

Ezai 35:6

Woo sukutɛ ŋa aa nɛ dee dee a fo a maa dingaa bɛi kulu, nɔ dekĩ ŋa aa maa dɔ̃ anu do inɔ didɔ̃. Aa maa dɔ̃ anu do inɔ didɔ̃i si na iyi í jɔ̀ hai si gbaa inyi á maa fita wa, nɔ inyi á maa cã wa hai bi lɔɔma iyi í gbɛu.

Zeremi 5:1

I dabii si kpãai Zeruzalɛmu ŋau i cɔ ŋa nɔ i ce kudɛdɛ si bantuma ŋau wa ŋa, bii aa ba inɛ baa akã iyi kuceɛ í sĩa nɔ wa dɛdɛ nŋu ku ce mii iyi í jɛ ntɔ. Bii í jɛ ì ba inɛ baa akã ŋa, an cea Zeruzalɛmu suuru.

Zakari 11:11

Bɛɛbɛi, akabuuu í kpa iri ajɔ nŋu, nɔ angudã ŋa iyi inɔ kufɔ nŋa í re ti kpaasi ŋau, à waa cɔm, à mà iyi idei Aɔ̃ Lafɛ̃ɛ mbɛ.

Zakari 11:7

Ŋɔi ǹ lɔsi ku gbã inɛ ŋa iyi à yɛ bɛi angudã ŋa iyi à gbã ŋa à waa bɔò bi ku kpa mɛɛmu ŋa. Iyi í re mɔm, aŋa iyi inɔ kufɔ nŋa í re ti kpaasi ŋa. Goloi degbe minjii ǹ nɛ, ǹ kpe akã Kurɔ, akã mɔ Gɛlɛ Akã, nɔ n maa n cɔ baanii angudã ŋau.

Matie 11:28

Iŋɛ iyi ì gbɛɛji nɔ aso wa wɔ ŋɛ fei i naa wa bi tom an mu nŋɛ kusĩmi.

Matie 11:5

Fɛɛju ŋa à waa yɛ ilu, woo sukutɛ ŋa à waa nɛ dee dee, dintɛ ŋa à ba iri à jɛ inɛ kumaaju, dekĩ ŋa à waa gbɔ ide, iku ŋa à jĩ, nɔ à waa sisia ilu are ŋa laabaau jiida.

Matie 15:12

Nɔ mɔcɔɛ ŋau à na à sɔ̃ɔ à ni, i kù mà ide iyi ì fɔu bɛ í jɛa Farisi ŋau taale?

Matie 18:31

Ŋɔi amaacɛ iyi à gbe ŋau à yɛ bɛi í ce nɔ inɔ nŋa fei í fɔ, ŋɔi à koo à sisia lafɛ̃ɛ nŋa yaasei ideu fei.

Matie 20:7

Ŋɔi à jɛaa à ni, si na iyi í jɔ̀ inɛ kãma kù dasi wa icɛi. Ŋɔi í ni, to, iŋɛ mɔ i bɔ ikom i koo i ce icɛ ŋa.

Luku 14:13

Amma bii ì waa kpe inɛ ŋa ku jɛ, kpe ilu are ŋa, do wɛɛgɛ ŋa, do ilu kutɛ akã ŋa do fɛɛju ŋa.

Luku 14:20

Nɔ inɛ mmu gɔ mɔ í ni má, nsɛii ǹ so abo. Na ŋɔi í jɔ̀ n kaa n ba n naa.

Luku 14:22

Ŋɔi woo ce icɛu í koo. Iyi í baa nɔ í ni, lafɛ̃ɛ, iyi ì dasim nɔu ǹ coo tã. Wee inya í gbe má.

Luku 14:24

Ntɔ ntɔ, an sɔ ŋɛ, inɛ ŋa iyi ǹ tako ǹ kpeu baa inɛ akã nŋa kaa tiɛ ijɛu ihɛ̃ má.

Luku 24:47

Nɔ aa waazo do irim si dimi fei, aa sintii hai Zeruzalɛmu. Aa waazo a kpe inɛ ŋa a kpaasi idɔ nɔ Ilaaɔ̃ ku kpa idei dulum du ŋa.

Luku 9:10

Nɔ mɔcɔ maateeji ŋa iyi Jesu í tako í bɛ ŋau à baa bi tɛɛ à waa sisiaa mii ŋa iyi aŋa à ce fei. Nɔ Jesu í gbã ŋa ikã í bɔò ŋa ikpa kɔkɔi ilu gɔ iyi à ya kpe Bɛsaida.

Laabaau jiida iyi Zãa í kɔ 9:39

Ŋɔi Jesu í ni, na irii kiitii ǹ naa si andunya ku ba fɛɛju ŋa a yɛ ilu, nɔ inɛ ŋa mɔ iyi à waa yɛ ilu a fɛɛju.

Ebɛɛ 13:17

I gbɔ idei woo cua nŋɛ ŋa nɔ i sũ nŋa iri ilɛ, domi à waa cɔ baanii hunde nŋɛ ŋa si na iyi í jɔ̀ Ilaaɔ̃ á na ku bee ŋa ideɛ. I ce bɛɛbɛ ŋa ku ba a coo do inɔ didɔ̃, ku maà ti ku jɛ do inɔ kufɔ. Bii à coo do inɔ kufɔ, kaa ce nŋɛ aranfãani kãma.

Ebɛɛ 2:3

Debɛi, bɛirei aa ka ce ka yɔkɔ ka saa ijuukpã bii à waa cɛiò idei faaba iyi í to bɛɛbɛ. Lafɛ̃ɛ takaɛ í tako í sisi idei faabau, nɔ si anyiɛ inɛ ŋa iyi à gbɔɔ à sɔ̃ wa à ni ideu ntɔi.

Zaaki 2:5

Iŋɛ baakɔɔm ŋa, i gbɔ. Inɛ ŋa iyi à jɛ ilu are si andunyau ihɛ̃i Ilaaɔ̃ í cica ku ba naanɛ nŋa ku la nɔ a baò bommaɛ iyi í wãò inɛ ŋa iyi à buu.

Kuyɛi Zãa 19:15

Taakuba didɔ̃ gɔ wa fita wa hai si gɛlɛɛ iyi á jɛò dimii andunya ŋa igũ. Si anyiɛ nɔ ku gbã ŋa do goloi isɔ. Á fɔ̃ inyii isoi jĩi ndii rezɛ̃ɛ ku nyisiò idɔɔkɔ̃ nlai Ilaaɔ̃ ilu gbugbã fei iyi á naa si inɛi andunya ŋa.

Kuyɛi Zãa 22:17

Hundei Ilaaɔ̃ do abo titɔ̃ à fɔ à waa ni, naa wa, Lafɛ̃ɛ Jesu. Inɛ iyi wa gbɔ ideu fei nŋu mɔ ku ni ku naa wa. Inɛ iyi agbɛ wa kpa ku naa wa, inɛ mɔ iyi í bi inyi iyi í ya na inɛ ŋa kuwɛɛ ku naa ku gba, kù nɛ ku sã.

Samuɛli 1, 2:8

Awɔi ì ya dede kãma iyi í cuku ilɛ, nɔ ì ya nya ilu are hai si inɔ goo bi ku dikã mii riisi ŋa. Nɔ ì ya jɔ̀ a buba do inɛ nla ŋa, nɔ ì ya jɔ̀ a nɛ bɛɛrɛ. Awɔi ì jilɛ icui ilɛ, nɔ si antaiɛi ì lesi andunya.

Samuɛli 1, 25:12

Ŋɔi awaasũ ŋau à sinda à nyi wa bi Davidi à naa à sɔ̃ɔ ide iyi Nabali í fɔ fei.