Luku 14:13 - Bibeli do fee

¹³ Amma bii ì waa kpe inɛ ŋa ku jɛ, kpe ilu are ŋa, do wɛɛgɛ ŋa, do ilu kutɛ akã ŋa do fɛɛju ŋa.

Luku 14:13 Iomraidhean Croise

Samuɛli 2, 6:19

Si anyiɛ nɔ í kpɛ̃a inɛi Izirɛli ŋau fei sɔnda, hai inɛmɔkɔ do inaabo, inɛ fei í ba pɛ̃ɛ akã do iŋa ku banda koko akã do kaai isoi rezɛ̃ɛ akã. Iyi inɛ nŋu í tã nɔ inɛ fei í bɔ ideɛ.

Bomma 2, 30:24

Ezekiasi ilaalui Zudaau í na zamaau kɛtɛ dubu (1.000) do angudã do iwo dubu mɛɛje (7.000). Nɔ inɛ ngbo ŋau à na kɛtɛ dubu (1.000) do angudã do iwo dubu mɛɛwa (10.000). Nɔ woo wee ŋa à ce buki iyi á jɔ̀ a maajuu aŋa nkpɔ nkpɔ.

Neemi 8:10

Ŋɔi Ɛsidarasi í sɔ̃ ŋa má í ni, i koo i ŋɔ iŋa ŋa iyi à nɛ ikpo, nɔ i mɔ atɛ̃ nyikɔ̃ ŋa. Nɔ i ya buãa inɛ ŋa iyi a kù se ngɔgɔ ŋa, domi ajɔi nnyi ti Lafɛ̃ɛ nwai. I maà jɔ̀ inɔ nŋɛ ku fɔ ŋa domi inɔ didɔ̃ iyi Aɔ̃ Lafɛ̃ɛ á mu nŋɛi á jɛ gbugbã nŋɛ.

Neemi 8:12

Ŋɔi zamaau í sinda í nyi ide à bɔ ku jɛ do ku mɔ, nɔ à bu à sambaa kpaasi nŋa ŋa iyi a kù se ngɔgɔu. Ŋɔi aŋa fei à kpɛ̃ inɔ didɔ̃ nla nlau ajɔ, domi à gbɔ ide ŋa iyi à sɔ̃ ŋau do yaase.

Zɔɔbu 29:13

Inɛ iyi wa ku fei í ya weem nii. Ǹ ya n jɔ̀ jaaɔ̃ ŋa a nɛ inɔ didɔ̃.

Mɔnda ŋa 14:31

Inɛ iyi wa wahala ilu are kù mà bɛɛrɛi inɛ iyi í takaɛi, inɛ iyi wa ce araareɛ í mà bɛɛrɛi inɛ iyi í takaɛui.

Mɔnda ŋa 22:9

Inɛ jiida á ba kuwee si na iyi í jɔ̀ í ya mua ilu are ŋa sɔnda.

Ezai 58:10

bii ì waa kpɛ̃ sɔndaɛ do inɛ iyi ari wa kpa, bii inɛ gɔ iyi í wa si wahala ì jɔ̀ í ba í jɛ í yo, aa yɛa bɛi inya kumá si ilu kuku, nɔ bi tɛɛ, ilu kuku á baa ku yɛi bɛi dasã.

Ezai 58:7

Mii iyi ì nɛ i cei í jɛ, i kpɛ̃ sɔndaɛ do inɛ iyi ari wa kpa, nɔ ilu are ŋa mɔ iyi a kù nɛ bi kuwa, i gbã ŋa i baaò ŋa wa kpasɛ̃ɛ. Inɛ mɔ iyi ì yɛ í wɛɛ basĩ, i bii anyiɛ, nɔ inɛ mɔ iyi iŋɛò ì jɛ ara akã, maà saa.

Matie 15:30

Nɔ zamaa nla gɔ í naa bi tɛɛ. À naaò ilu kutɛ akã ŋa wa, do fɛɛju ŋa, do wɛɛgɛ ŋa, do dekĩ ŋa, do bɔ̃ɔ nkpɔ má nɔ à jilɛ ŋa si wajui Jesu, nɔ í jɔ̀ à ba iri.

Matie 22:10

Nɔ amaacɛ ŋau à bɔ si tafa ŋau à tɔtɔɔ inɛ ŋa iyi à wa bɛ fei wa, hai inɛ jiida do inɛ laalɔ ŋa, nɔ abɔdɔ̃u í kɔ̃ do amanɛ.

Luku 11:41

Í sĩa i na ilu are ŋa mii iyi í wa si inɔ jɛɛ do kɔɔfu, nɔ mii fei á má nŋɛ.

Luku 14:12

Nɔ Jesu í sɔ̃ inɛ iyi í kpoo ku jɛu mɔ í ni, bii ì waa kpe inɛ ŋa ku jɛ walakɔ jingau, maà ti i kpe kpaasiɛ ŋa, walakɔ igbãɛ do ifɔɛ ŋa, walakɔ nyaanzeɛ ŋa, walakɔ kpaasi ilu fiaɛ ŋa, ku ba aŋa mɔ a maà kpeɛ a sã gbese.

Luku 14:14

Bii ì ce bɛɛbɛ aa jɛ ilu inɔ didɔ̃ si na iyi í jɔ̀ inɛ nŋu ŋau a kaa ba ngɔgɔ iyi aa sãɛò gbese. Ilaaɔ̃i á sãɛ gbese si waati iyi inɛ dee dee ŋa aa jĩ hai si balɛ.

Luku 14:21

Ŋɔi woo ce icɛu í sinda í koo í sɔ̃ lafɛ̃ɛɛ gaafara iyi inɛ ŋau fei à tɔɔ. Ŋɔi idɔi lafɛ̃ɛu í kɔ̃, nɔ í sɔ̃ woo ce icɛɛu í ni, koo i bɔ si bantuma ŋa nsɛi nsɛi do si kpãai inɔ iluu, kpeem ilu are ŋa wa do wɛɛgɛ ŋa do fɛɛju ŋa do ilu kutɛ akã ŋa.

Woo bɛ ŋa 9:39

Ŋɔi Piɛɛ í dede í too ŋa wa. Iyi í to wa, ŋɔi à bɔòɛ lelei ileu. Ŋɔi jaaɔ̃ ŋa fei à naa à kaakoɛ à waa kpataò nɔ à waa nyisiɛ ibɔ do jĩnɛ ku dasi mmuɛ ŋa iyi Dɔɔkasi í ce waati iyi í wɛɛ aŋaò ŋa.

Wooda ku kɔsi 14:29

Nɔ inɛi Levii ŋa iyi a kù nɛ ikpɛ̃ gɔ si tubu nŋɛ do inɛi ilɛ mmu ŋa do kɔyɔ ŋa do inaabo jaaɔ̃ ŋa iyi à wa inɔ ilu nŋɛ, aa ya ba a jɛ hee a yo ku ba Aɔ̃ Lafɛ̃ɛ ku wee nŋɛ si icɛ nŋɛ ŋa iyi ì waa ce fei ŋa.

Wooda ku kɔsi 16:11

Aa kpɛ̃ inɔ didɔ̃ nŋɛi si wajui Aɔ̃ Lafɛ̃ɛ, tengi bii nŋu takaɛ í cica iriɛ ku wau iŋɛ do ama nŋɛ ŋa do woo ce icɛ inɛmɔkɔ walakɔ inaabo ŋa iyi à wa kpasɛ̃ nŋɛ, do inɛi Levii ŋa iyi à wa inɔ ilu nŋɛ ŋa, do inɛ njoo, do kɔyɔ, do jaaɔ̃ ŋa iyi à wa inɔ ilu nŋɛ ŋau.

Wooda ku kɔsi 16:14

Aa ce jingauu ŋai do inɔ didɔ̃ iŋɛ do ama nŋɛ ŋa do woo ce icɛ inɛmɔkɔ do inaabo nŋɛ ŋau do inɛi Levii ŋa do inɛ njoo ŋa do kɔyɔ ŋa do jaaɔ̃ ŋa iyi à wa si inɔ nŋɛ ŋau.

Timɔtee 1, 3:2

Í sĩa lafɛ̃ɛ ku maà nɛ taale gɔ nɔ ku nɛ abo akã lege lege, si anyiɛ nɔ ku jɛ inɛ gɔ iyi í ya saku nɔ ku mà araɛ, ku maà jɛ amanɛ yaka yaka, amma ku jɛ inɛ gɔ iyi í ya yaaɛ inɛ njoo ŋa nɔ ku jɛ inɛ gɔ iyi á yɔkɔ ku kɔ inɛ ŋa si cio.

Timɔtee 1, 5:10

nɔ ku jɛ inɛ gɔ iyi à waa jɛ sɛɛdai icɛ jiidaɛ. Nɔ ku jɛ inaabo iyi í mà amu ŋa ku mu, nɔ ku jɛ inɛ gɔ iyi í ya yaaɛ inɛ njoo ŋa nɔ ku wiɛ kutɛi woo dasi Jesu naanɛ ŋa, nɔ ku ya sobi inɛ ŋa iyi à wa si wahala, nɔ ku jɛ inɛ gɔ iyi í ya ce icɛ jiida baa yooma fei.

Titee 1:8

Amma í gbe ku jɛ inɛ iyi í ya yaaɛ inɛ njoo ŋa, nɔ ku ya bi mii jiida ku ce. Nɔ ku jɛ inɛ iyi í mà araɛ. Ku jɛ inɛ dee dee do inɛ kumá nɔ ku ya saku.

Filemɔɔ 1:7

Baakɔɔm, kubiɛu í muum gbugbã ntɔ ntɔ do inɔ didɔ̃ nla nla, domi ì waa tũ inɔi inɛi Ilaaɔ̃ ŋa.

Ebɛɛ 13:2

I ye gigi iyi í sĩa i ya yaaɛ inɛ njoo ŋa, domi inɛ ŋa iyi à waa ce bɛɛbɛ, gɔgɔ nŋa ŋa à yaaɛ amaleka ŋa a kù mà.