Luku 14:11 - Bibeli do fee

¹¹ Ntɔ ntɔ inɛ iyi í so araɛ lele à ya kayeɛi. Inɛ mɔ iyi í kaye araɛ à ya soo lelei.

Luku 14:11 Iomraidhean Croise

Samuɛli 2, 22:28

Ì ya faaba inɛ ŋa iyi inɛ ŋa a kù waa saalu, nɔ ì ya kaye inɛ ŋa iyi à so ara nŋa lele.

Ɛsitɛɛ 6:10

Ŋɔi ilaaluu í sɔ̃ Hamaa í ni, to. Nsɛi nsɛi koo so ibɔu nɔ i mu acĩu wa i na i cea Maadosee Zuifu iyi wa buba anu ilem nɔu bɛ dee dee bɛi ì sɔ̃m nɔu. Maà jɔ̀ gɔgɔɛ gɔ ku gaizia.

Zɔɔbu 22:29

Bii à dasi inɛ gɔ ŋa anyɔ, aa ni na faau nŋai, amma Ilaaɔ̃ í ya faaba inɛ iyi í kaye araɛi.

Iri ku kɔ̃ 138:6

Aɔ̃ Lafɛ̃ɛ í wa lele amma wa yɛ inɛ ŋa iyi à kaye ara nŋa. Nɔ ilu faau ŋa, hai jĩijĩ í mà ŋa.

Iri ku kɔ̃ 18:27

Inɛ kumá, ì ya nyisiɛ kumáɛi. Inɛ iyi í nɛ bisi laalɔ ì ya nyisiɛ bisii.

Mɔnda ŋa 15:33

Bɛɛrɛi Aɔ̃ Lafɛ̃ɛ ku mài, á kɔɛ si bisi. Bii ì bi i ba bɛɛrɛ, í gbe i kaye araɛ. Bii ì bi i nɛ bɛɛrɛ, jɔ̀ i kaye araɛ titã.

Mɔnda ŋa 18:12

Ara ku so í ya naa amanɛ nfe ku ce wai, amma ara ku kaye í ya jɔ̀ amanɛ ku nɛ bɛɛrɛi.

Mɔnda ŋa 25:27

Kù sĩa i jɛ nyikɔ̃ ku caa, bɛɛbɛ mɔi kù sĩa i dɛdɛ i ba bɛɛrɛ ku caa.

Mɔnda ŋa 29:23

Faaui amanɛi í ya too do anyɔ, amma inɛ iyi í ya kaye araɛ á ba saabu.

Ezai 2:11

Waati bɛɛbɛ, inɛ iyi wa cɔ araɛ hee lele, á baaò ijuɛ wa ilɛi. Ilu faau mɔ í nɛ ku gulɛi, domi ajɔ nŋu bɛ, inɛ fei á jɛsi iyi Aɔ̃ Lafɛ̃ɛ nŋu akãi í jɛ inɛ nla.

Ezai 2:17

Inɛ ŋa iyi à waa cɔ ara nŋa hee lele ŋau fei, á baaò ŋa wai hee ilɛ, nɔ ilu faau ŋau mɔ fei, á jɔ̀ a gulɛi, domi ajɔ nŋu bɛ, inɛ fei á jɛsi iyi Aɔ̃ Lafɛ̃ɛ nŋu akãi í jɛ inɛ nla.

Ezai 57:15

Ntɔ ntɔ inɛ iyi í wa hee lele feiu, nŋu iyi kuwɛɛɛ kù nɛ kɔɔ, nɔ iriɛ í máu í fɔ í ni, lele bii í mái ǹ wa amma ǹ nyi ǹ wa bi inɛ ŋa iyi à waa taa gbugbã nɔ à waa ba wahala ku ba n dede ŋa nɔ n mu nŋa gbugbã.

Matie 23:12

Inɛ iyi í so araɛ lele, aa kayeɛi, inɛ mɔ iyi í kaye araɛ aa soo lelei.

Luku 1:51

Í ce icɛ gbugbã ŋa do gbugbãi awɔɛ nɔ í fangaa inɛ ŋa iyi lasabui idɔ nŋa í nɛ faau.

Luku 1:52

Í kɛkɛ ilaalu ŋa si batai bomma nŋa ŋa, nɔ í so ilu are ŋa lele.

Luku 14:12

Nɔ Jesu í sɔ̃ inɛ iyi í kpoo ku jɛu mɔ í ni, bii ì waa kpe inɛ ŋa ku jɛ walakɔ jingau, maà ti i kpe kpaasiɛ ŋa, walakɔ igbãɛ do ifɔɛ ŋa, walakɔ nyaanzeɛ ŋa, walakɔ kpaasi ilu fiaɛ ŋa, ku ba aŋa mɔ a maà kpeɛ a sã gbese.

Luku 18:14

Jesu í ni, ǹ wa n sɔ̃ ŋɛi, hai bɛ inɛɛu ihɛ̃ í baa í jɛ dee dee si wajui Ilaaɔ̃ í nyiò ideɛ. Amma Farisiu kù jɛ dee dee, domi inɛ iyi í so araɛ lele aa kaye lafɛ̃ɛi, inɛ mɔ iyi í kaye araɛ aa soo lelei.

Zaaki 1:9

Ilu are woo dasi Jesu naanɛ ku tɔɔ fufu si na iyi í jɔ̀ Ilaaɔ̃ í soo lele.

Zaaki 4:10

I kaye ara nŋɛ si wajui Aɔ̃ Lafɛ̃ɛ nɔ á so ŋɛ lele.

Zaaki 4:6

Amma Ilaaɔ̃ í ya mu nwa didɔ̃ iyi í la í re. Nɔ bɛɛbɛi kukɔi idei Ilaaɔ̃ wa fɔ í ni, Ilaaɔ̃ kù wa anyii ilu faau ŋa amma woo kaye ara ŋai wa mua didɔ̃ɛ.

Piɛɛ 1, 5:5

Bɛɛbɛ mɔi, iŋɛ awaasũ ŋa, i sũa inɛ ngboi igbɛ ŋau iri ilɛ. Iŋɛ fei i jɔ̀ ara ku kaye ku jɛ nŋɛ bɛi ibɔ iyi à ya dasi, domi kukɔi idei Ilaaɔ̃ wa fɔ í ni, Ilaaɔ̃ kù wa anyii woo tɔɔ fufu ŋa, amma wa cea woo kaye ara ŋa didɔ̃.

Piɛɛ 1, 5:6

Na nŋu, i kaye ara nŋɛ si awɔ gbugbãi Ilaaɔ̃, ku ba ku so ŋɛ lele si ajɔ iyi í dau.

Samuɛli 1, 15:17

Ŋɔi Samuɛli í ni, tako wo, baa do iyi i kù cɔ araɛ inɛ nla, Aɔ̃ Lafɛ̃ɛ í soɛ i jɛò inɛ ngboi dimii Izirɛli ŋa. Í cicaɛ i jɛ ilaalu nŋa,