Luku 14:1 - Bibeli do fee

¹ Si ajɔi kusĩmi gɔ Jesu í bɔ ku jɛ kpasɛ̃i inɛ ngboi Farisi gɔ. Wee inɛ gɔ ŋa mɔ à wa bɛ, à waa cɔɔ do laakai.

Luku 14:1 Iomraidhean Croise

Iri ku kɔ̃ 37:32

Ilu inɔ kukã í ya maa kɛɛma inɛ dee deei nɔ ku maa dɛ ku kpaɛ.

Iri ku kɔ̃ 41:6

Mbɛɛm ŋa à waa fɔɔm ide sãmi à waa ni waati yoomai an ku, nɔ a gbɛjɛ idem.

Iri ku kɔ̃ 62:4

Hee waati yoomai aa kɔ̀ i tɔtɔɔ i maa cã inɛ gɔ i ba i kpaa ŋa, bɛi bindi iyi à tale í wɔɔba do bɛi danga iyi wa cuku.

Mɔnda ŋa 23:7

domi á maa ce dooai fei ndɛɛi si inɔɛ. Á ya sɔ̃ɛ mɔm ku ni i jɛ nɔ i mɔ, amma kù jɛ iyi í bi si idɔɛ.

Matie 12:12

Amanɛ í bɛi í re angudã hee bii í jĩ. Na nŋu, inɛ í nɛ kpãa ku ce mii jiida si ajɔi kusĩmi.

Maaku 3:2

Nɔ inɛ ŋa iyi à wa bɛ à kãsi Jesu iju, à waa cɔ mà á jɔ̀ inɛɛu ku ba iri si ajɔi kusĩmi. À waa cɔɔ domi à waa bi a yɛ taaleɛi.

Luku 11:37

Iyi Jesu í fɔ ideu í tã, ŋɔi Farisi gɔ í kpoo ku jɛ kpasɛ̃ɛ. Nɔ í koo í buba kpasɛ̃i Farisiu, aŋaò à waa jɛ.

Luku 14:2

Mɔkɔ gɔ í wa bɛ, wa leekĩ wajui Jesu. Mɔkɔu wa ce bɔ̃ɔi ara ku wu.

Luku 17:20

Ŋɔi Farisi ŋau à bee Jesu à ni, ajɔ yoomai Ilaaɔ̃ á na ku jɛ bommaɛ. Ŋɔi í jɛ nŋa í ni, Ilaaɔ̃ kaa jɛ bommaɛ do yaase bɛi inɛ ŋa aa yɔɔ.

Luku 20:20

Na ŋɔi í jɔ̀ si fei ndɛɛ à ya maa ce laakaiɛ. Nɔ à bɛ siɛ woo zamba gɔ ŋa iyi à yɛ bɛi inɛ jiida ŋa a koo a cɔ laakaiɛ. À bɛ ŋai ku ba a leaa taai ide nɔ a ba kpãa a muu a daa ilu ilɛu si awɔi nŋu iyi í nɛ gbugbã.

Luku 6:7

Woo kɔ inɛ ŋa si wooda do Farisi ŋa à kãsi Jesu iju, à waa cɔ mà á jɔ̀ inɛɛu ku ba iri si ajɔi kusĩmi. À waa cɔɔ domi à waa bi a yɛ taaleɛi.

Laabaau jiida iyi Zãa í kɔ 3:1

Idũ ajɔ nŋu gɔ mɔkɔ gɔ í bɔ bi Jesu à ya kpoo Nikodɛmu. Mɔkɔu Farisii, nɔ wa jɛ inɛ akãi inɛ ngboi Zuifu ŋa. Iyi í to bi Jesu ŋɔi í ni, Mɛɛtu, à mà iyi Ilaaɔ̃i í bɛɛ wa i naa i kɔ nwa si cio. À mà bɛɛbɛi si na iyi í jɔ̀ inɛ gɔ kù wɛɛ iyi á yɔkɔ ku ce maamaake ŋa iyi ì ya maa ce bii kù jɛ Ilaaɔ̃i í wɛɛ do lafɛ̃ɛ.

Woo bɛ ŋa 5:34

Amma inɛ akã nŋa iyi à ya kpe Gamaliɛli í dede í leekĩ si aninii woo kiiti ŋau í ni a nya woo bɛ ŋau wa titã. Gamaliɛliu Farisii wa jɛ do woo kɔ inɛ ŋa si wooda, nɔ í nɛ bɛɛrɛ ntɔ ntɔ bi inɛ fei.