Luku 13:8 - Bibeli do fee

⁸ Ŋɔi woo ce icɛu í sɔ̃ɔ í ni, lafɛ̃ɛ, jɔ̀ɔ adɔ̃ɔyi titã ka cɔ. An tu fitiɛ n kaakoɛ, nɔ n daa si taasi.

Luku 13:8 Iomraidhean Croise

Iri ku kɔ̃ 106:23

Ŋɔi í ni nŋu á ce nfe nŋai mam mam. Amma Moizi nŋu iyi í cicau í tɔɔɛ í ni ku maà ce nfe nŋa si idɔɔkɔ̃ɛu.

Kufita 34:9

í ni, Lafɛ̃ɛ, si bɛi ǹ ba didɔ̃ bi tɛɛ, ǹ wa n tɔɔɛ i naa i si wa. Ǹ mà sãa sãa iyi inɛ ŋau à jɛ ilu itĩ ku yika ŋa, amma ce nwa suurui dulum do kurara nwa ŋa, nɔ i jɔ̀ ka jɛ inɛɛ ŋa.

Zeremi 15:1

Ŋɔi Aɔ̃ Lafɛ̃ɛ í sɔ̃m í ni, baa bii Moizi do Samuɛli à naa bi titom na iri nŋa, lasabum kaa nyi wa si ŋa má pai. Lele ŋa a nɛ a jĩim, n kù bi ku yɛ ŋa má.

Zeremi 18:20

Bii à cea inɛ jiida, laalɔi í nɛ ku sã? Ǹ wa n fɔ bɛɛbɛi si na iyi í jɔ̀ inɛ ŋau à tu isa ku ba n dasi bɛ a kpam. Ye gigi iyi amui ǹ naa ǹ leekĩ si wajuɛ nɔ ǹ fɔ ide na iri nŋa nɔ ì sinda idɔɔkɔ̃ɛ hai si ŋa.

Zoɛli 2:17

Woo wee ŋa iyi à waa ce icɛi Aɔ̃ Lafɛ̃ɛ ŋau a kpata si inɔ kpasɛ̃i Aɔ̃ Lafɛ̃ɛu si afei andɛi kpasɛ̃u do bi ku ce kuweeu a maa ni, Aɔ̃ Lafɛ̃ɛ, ce araarei awa inɛɛ ŋau. Maà dasi awa inɛɛ ŋau anyɔ. Maà jɔ̀ isɛ mmu ŋa a yaako wa a maa ni, hee iwoi Ilaaɔ̃ Lafɛ̃ɛ nŋau í wa.

Luku 13:7

Ŋɔi í sɔ̃ woo ce icɛɛ í ni, adɔ̃ mɛɛta wai ihɛ̃ bɛbɛi iyi bii ǹ naa isoi jĩi nɔu ihɛ̃ ku ka n ci ya n ba. Daa i nyɔɔ. Na mii í ce á maa gba nwa inya ngbɛ ngbɛ.

Luku 13:9

Á yɔkɔ ku jɛ adɔ̃ gɔ á so. Bii kù so i bɛi i daa.

Luku 14:35

Kaa ce bukaata kãma má nɔ baa bii ikoi kaa ce taasi. À ya dikãɛi waduude. Inɛ iyi í nɛ itĩ iyi á gbɔò ide, ku gbɔ.

Romu 10:1

Iŋɛ inɛm ŋa, iyi ǹ bi si idɔm fei do iyi ǹ wa n tɔɔ Ilaaɔ̃, nŋui í jɛ dimim ŋa a ba faaba.

Romu 11:14

Si icɛu bɛi ǹ wa n dɛ kpãa n dedeò igui dimim ŋa, ku ba inɛ gɔ nŋa ŋa a ba faaba.

Piɛɛ 2, 3:9

Aɔ̃ Lafɛ̃ɛ ci ya jɔ̀ idei kuwãɛ iyi í jilɛu ku kpɛ ideu ku kɔ̃ò si bɛi inɛ gɔ ŋa à waa tamaa. Amma wa temua nŋɛi, domi kù bi baa inɛ akã ku ce nfe. Í bi mɔm ku jɛ inɛ fei ku kpaasi idɔ.