Luku 13:4 - Bibeli do fee

⁴ Ì waa ye gigii amanɛ maatũ do mɛɛta ŋa iyi ile kugbokai Siloe í cuku í bata í kpau ŋa? Debɛi, ì waa tamaa kurara nŋai í re ti inɛi Zeruzalɛmu ŋa iyi à gbe fei ŋa?

Luku 13:4 Iomraidhean Croise

Ilaalu 1, 20:30

Inɛ ŋa iyi à gbe à sa à bɔ inɔ ilu Afɛki, amma bindii iluu í cuku si inɛ dubu kɔnfia do mɛɛje (27.000). Ŋɔi Bɛni-Hadadi í sa í lɔ inɔ iluu, í koo í wasi ku kpaasi kpaasi ilaawa bi ku manji.

Neemi 3:15

Salunu amai Kolu-Hoze inɛ ngboi ilui Misipau í teese anu koofai isɔ̃u. Nŋui í maa, nɔ í kɔɔ nɔ í dasi gamboɛ ŋa do sɔkɔɛ ŋau do isɔ ku gaauɛ ŋa. Nɔ í nyi í ma bindi iyi í wa fatamai Siloe iyi í wa kɔkɔi lamboi ilaaluu hee ku bɔ tengi bii à ma bi ku gũ ku bɔ ilui Davidiu.

Zɔɔbu 1:19

ŋɔi fufu nla nla gɔ í dede wa hai do ikpa gbaau í naa í lɛgɛ gonta mɛɛi ile bii à wau nɔ ileu í cuku í bata ŋa, awaasũ ŋau fei à ku. Amu akãi ǹ ba ǹ fita si nɔ ǹ naa ku sɔ̃ɛ.

Ezai 8:6

zamaau ihɛ̃ kù saabu si inyii Siloe iyi wa cã kpɛlɛ kpɛlɛu, amma inɔ didɔ̃ɛ í wai si Resɛ̃ɛ do si amai Remaliau.

Matie 18:24

Iyi í sinti ku ce dooi gbeseu, ŋɔi à naaò inɛ gɔ wa bɛ, iyi wa mu gbeseɛ í to baa fɔɔtɔ ciwa nkpɔ nkpɔ.

Matie 6:12

Kpa idei dulum du wa bɛi awa mɔ à ya ka kpa idei kurara iyi inɛ ŋa à ce nwa.

Luku 11:4

Kpa idei dulum du wa, domi awa mɔ à ya ka kpa idei kurara iyi inɛ ŋa à ce nwa. Maà ti i jɔ̀ ka dasi kulɛlɛ.

Luku 13:3

Aawo. Bɛɛbɛ mɔi ǹ wa n sɔ̃ ŋɛ, iŋɛ taka nŋɛ, bii i kù sinda idɔ ŋa, iŋɛ fei aa kui bɛi aŋa mɔ.

Luku 13:5

Aawo, ǹ wa n sɔ̃ ŋɛi, iŋɛ taka nŋɛ, bii i kù kpaasi idɔ ŋa, iŋɛ fei aa kui bɛi aŋa mɔ.

Laabaau jiida iyi Zãa í kɔ 9:11

Ŋɔi í sɔ̃ ŋa í ni, inɛ iyi à ya kpe Jesuu bɛi í tu antɔ si sãa í sisaam si iju nɔ í sɔ̃m í ni n bɔ fatamai Siloe n koo n wɛɛju. Ŋɔi iyi ǹ koo ǹ wɛɛju gbakã ǹ yɛ ilu.

Laabaau jiida iyi Zãa í kɔ 9:7

Ŋɔi í sɔ̃ɔ í ni, koo wɛɛju si inyii fatamai Siloe. (Yaasei iriu bɛi í jɛ ku bɛ.) Ŋɔi fɛɛjuu í koo í wɛɛju nɔ í baa wa yɛ ilu bɛbɛi.

Woo bɛ ŋa 28:4

Iyi inɛi ilu ŋau à yɛ njou si awɔi Pɔlu ŋɔi à sɔ̃ njɛ à waa ni, kãm kãm mɔkɔu ihɛ̃ woo kpa inɛi. Baa do iyi í fita hai si wahalai inyiu ihɛ̃ fei, iwɛ̃ ŋa aa kiitiɛ nɔ a kaa jɔ̀ ku wɛɛ.