Luku 13:35 - Bibeli do fee

³⁵ Wee nsɛi Ilaaɔ̃ á fũ nŋɛ kpasɛ̃ nŋɛ si awɔ. Amma an sɔ̃ ŋɛ, hai nsɛi i kaa yɛm má ŋa í gbe hee ajɔ iyi aa ni ŋa, Ilaaɔ̃ ku weea inɛ iyi wa naa do irii Lafɛ̃ɛ.

Luku 13:35 Iomraidhean Croise

Iri ku kɔ̃ 118:26

Kuwee ku jɛ ti inɛ iyi wa naa do irii Aɔ̃ Lafɛ̃ɛ. Awa, aa ka maa wee nŋɛ wa hai kpasɛ̃i Aɔ̃ Lafɛ̃ɛ.

Iri ku kɔ̃ 69:25

Jɔ̀ idɔɔkɔ̃ɛ ku cuku si ŋa wa. Nɔ inya gbãai idɔɔkɔ̃ɛu ku ce nfe nŋa.

Ezai 52:7

Inɔ didɔ̃ nla nlai inɛ iyi wa naaò laabaau jiidau wa si antaii iri kuta ŋa, nɔ wa fɔ idei laakai ku sũ. Nŋu iyi wa naaò laabaau jiidai inɔ didɔ̃ nɔ wa fɔ idei faabau, nŋui í sɔ̃ ilui Siɔ̃ɔ í ni, Aɔ̃ Lafɛ̃ɛɛi í jɛ ilaalu.

Zeremi 22:5

Amma bii ì kɔ̀ ku ceò ide ŋau ihɛ̃ icɛ ŋa, ntɔ ntɔ amu Aɔ̃ Lafɛ̃ɛ, ǹ wa n sɔ̃ ŋɛi, kpasɛ̃u ihɛ̃ á na ku kpɔò bomma.

Zeremi 35:17

Nɔ Zeremi í sɔ̃ ŋa má í ni, na nŋu, Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í ni, wahala ŋa iyi ǹ fɔ ideɛ si gãmɛi inɛi Zudaa ŋa do inɛi Zeruzalɛmu ŋau fei, an jɔ̀ ku naa si ŋai, domi iyi ǹ ba ŋa ide ku fɔ a kù desim itĩ, nɔ iyi ǹ kpe ŋa à kɔ̀ ku jɛ.

Misee 3:12

Na nŋu, na iri nŋɛ, Siɔ̃ɔ á yɛi bɛi ilɛ iyi à fa. Zeruzalɛmu á kpɔò bomma. Nɔ bɛɛbɛi iri kuta kumá bii kpasɛ̃i Ilaaɔ̃ í wau á baa ku yɛi bɛi agbo.

Zakari 12:10

An jɔ̀ kpasɛ̃i Davidi do inɛi Zeruzalɛmu ŋa a nɛ araare nɔ a ya ce kutɔɔ, nɔ a sinda wa sim a cɔ amu iyi à gũ do jĩnɛi igũ. Aa kpata sim bɛi inɛ iyi ama akã lege legeɛ í ku. Aa kpata do inɔ kufɔ nla nla bɛi inɛ iyi ama yemmaɛ í ku.

Zakari 14:2

Si ajɔ nŋu, Aɔ̃ Lafɛ̃ɛ á tɔtɔɔ dimi ŋa a koo a ce igũ si ilui Zeruzalɛmu. Aa jɛ iluu igũ, nɔ a bɛjɛ kpasɛ̃ nŋa ŋau. Aa sũò inaabo nŋa ŋa do gbugbã. Nɔ a mu inɛ bubu ŋa a koo a jɛ aru. Amma inɛ mbɔ ŋa aa gbe si iluu.

Matie 21:9

Inɛ ŋa iyi à waa cua Jesu do inɛ ŋa iyi à waa tooɛ fei à wasi ku dɔ̃ anu à waa ni, tɔkui Davidi, à waa saabuɛ. Aɔ̃ Lafɛ̃ɛ ku weeɛ, awɔ iyi ì waa naa do iriɛ. Ka saabu Ilaaɔ̃ hee lele.

Matie 23:37

Jesu í ni, iŋɛ inɛi Zeruzalɛmu ŋa, iŋɛi ì ya kpa walii ŋa nɔ i ta amaabɛi Ilaaɔ̃ ŋa mɔ kuta i kpa ŋa ŋa. Isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Luku 19:41

Si bɛi Jesu í maai Zeruzalɛmu, ŋɔi í yɛ iluu nɔ wa kpataa inɛɛ ŋa í ni,

Luku 21:24

Aa maa kpa ŋa do taakuba, nɔ a mu ŋa aru si ilɛ ŋa fei. Dimi mmu ŋa aa tɛɛsɛ Zeruzalɛmuui hee waatiu koo kpaò iri.

Laabaau jiida iyi Zãa í kɔ 12:13

Ŋɔi à so wuai kpakpa à waa bɔ ku koɛ. À dɔ̃ anu hee lele à waa ni, à waa saabuɛ. Aɔ̃ Lafɛ̃ɛ ku weeɛ, awɔ iyi ì waa naa do iriɛ. Ilaaɔ̃ ku weeɛ, awɔ ilaalui Izirɛli.