Luku 13:33 - Bibeli do fee

³³ Amma kù nɛ bɛi an ce iyi n kù ce isɛɛnɛm nnyi do ala do ala akã, domi a kaa kpa walii kãma bii gɔ bii kù jɛ Zeruzalɛmu.

Luku 13:33 Iomraidhean Croise

Matie 20:18

wee à waa bɔ Zeruzalɛmu. Bɛi aa mu amu Amai Amanɛ a dasim awɔi inɛ ngboi woo weei Ilaaɔ̃ ŋa do woo kɔ inɛ ŋa si wooda ŋa. Aa yɛ taalem a ni a kpam.

Matie 21:11

Ŋɔi zamaau í jɛ í ni, Jesu waliiui, inɛi Nazarɛti si ilɛi Galilee.

Luku 9:53

amma inɛi ilu bɛ ŋa a kù jɛ ku gbaa si na iyi í jɔ̀ Zeruzalɛmuui wa bɔ.

Laabaau jiida iyi Zãa í kɔ 11:54

Na ŋɔi í jɔ̀ Jesu ci ya maa dabii si inɔi Zuifu ŋau má si bantuma, amma í nɛ hai bɛ í bɔ ilɛ iyi í wa kɔkɔi gbaa gɔ si ilu gɔ iyi à ya kpe Efaraimu. Nŋu do mɔcɔɛ ŋa à koo à buba ilu bɛ.

Laabaau jiida iyi Zãa í kɔ 11:9

Ŋɔi Jesu í bee ŋa í ni, ajɔ akã isɔ fɛloi í nɛ. Kù jɛ maateeji ba. Bii inɛ gɔ wa nɛ dasã kaa koosɛ domi wa yɛ inya kumái andunya.

Laabaau jiida iyi Zãa í kɔ 12:35

Ŋɔi Jesu í sɔ̃ ŋa í ni, í gbe keeke iyi inya kumá kaa wa anini nŋɛ má. Í sĩa i ya maa nɛ si waati iyi ì nɛ inya kumáu ŋa ku ba ilu kuku ku maà na ku boe ŋɛ, domi inɛ iyi wa nɛ si ilu kuku ci ya mà bii wa bɔ.

Laabaau jiida iyi Zãa í kɔ 4:34

Nɔ Jesu í sɔ̃ ŋa í ni, ijɛm nŋui í jɛ n ce idɔɔbii inɛ iyi í bɛm wa nɔ n kpa irii icɛɛ iyi í dasim.

Laabaau jiida iyi Zãa í kɔ 9:4

Dasã kù nɛ bɛi aa ka ce iyi a kù ce icɛi inɛ iyi í bɛm wa. Idũ í maai wa si bii inɛ gɔ kaa yɔkɔ ku ce icɛ.

Woo bɛ ŋa 10:38

Ì mà bɛi Ilaaɔ̃ í mua Jesu inɛi Nazarɛtiu Hundeɛ ŋa do bɛi í muaa gbugbã. Nɔ í dabii si ilɛu fei wa ce jiida nɔ í jɔ̀ inɛ ŋa iyi à wa si awɔi Seetam fei à ba iri. Í ya maa ce bɛɛbɛi si na iyi í jɔ̀ Ilaaɔ̃ í wɛɛ do nŋu.

Woo bɛ ŋa 13:27

Wee inɛi Zeruzalɛmu ŋa do inɛ ngbo nŋa ŋa a kù mà yooi Jesu í jɛ dee dee, a kù nɔ a kù gbɔ yaasei idei walii ŋa iyi à ya maa cio si ajɔi kusĩmi feiu. Amma do nŋu fei à jɔ̀ ideu í kɔ̃ si waati iyi à yɛ taalei Jesu.