Luku 13:29 - Bibeli do fee

²⁹ Nɔ inɛ gɔ ŋa aa naa hai nunui daakɔ do hai nunui alɛ do hai nunu gaa cingaa minjiu nɔ aa buba a jɛ si bommai Ilaaɔ̃.

Luku 13:29 Iomraidhean Croise

Kusintii Andunya 28:14

Dimii amaɛ ŋa aa kpɔ bɛi sãa nɔ aa tɛi hai nunui daakɔ hee ku bɔ nunui alɛ do hai awɔ njɛi kpãai nunu hee ku bɔ awɔ cangai kpãai nunu. Hai bi awɔ do amaɛ ŋai dimi fei á baò kuwee si andunyau ihɛ̃.

Ezai 43:6

An sɔ̃ inɛi awɔ njɛi kpãai inunu ŋa n ni, i sindo ŋa, nɔ n sɔ̃ inɛi awɔ cangai kpãai inunu ŋau mɔ n ni, i maà gɛɛ ŋa. I jɔ̀ ama inɛmɔkɔm ŋau a baa hai jĩijĩ bii à wau, nɔ ama inaabom ŋau mɔ a baa hai kɔɔi ilɛu.

Ezai 49:6

Í sɔ̃m í ni n jɛ woo ce icɛi nŋu, n jɔ̀ dimii Zakɔbu ŋau a dede, nɔ n baaò inɛi Izirɛli ŋa iyi à gbe si hunde ŋau wa, iyi bɛ kù to. Í ni amui nŋu á jɔ̀ n jɛ inya kumái inɛi ilɛ ŋau ku ba faabaɛu ku bɔ hee kɔɔi andunya.

Malasi 1:11

Hai nunui daakɔ hee ku bɔ nunui alɛ inɛi andunya ŋa fei à mà bɛɛrɛm. À ya maa joom tuae ŋa bii fei, nɔ à ya maa ceem kuwee ŋa ku ba a nyisiò bɛɛrɛi irim. Do ntɔ inɛi andunya ŋa fei à mà bɛɛrɛm.

Matie 8:11

An sɔ̃ ŋɛ, hai jɛ Zuifu nkpɔ á na ku naa hai do bii fei a buba si bommai Ilaaɔ̃. Aŋai aa jɛ do Aburahamu do Izaaki do Zakɔbu bala nŋɛ ŋa ajɔ.

Maaku 13:27

Si anyii nŋu, an bɛ amaleka ŋa wa si andunya gonta mɛɛu. Aŋai aa bɔ bii fei a tɔtɔɔ inɛ ŋa iyi ǹ cicau. Aa tɔtɔɔ ŋa si andunyau fei.

Luku 13:30

Waati bɛɛbɛ inɛi anyi gɔ ŋa aa na a jɛ inɛi waju ŋa, inɛi waju gɔ ŋa mɔ aa na a jɛ inɛi anyi ŋa.

Woo bɛ ŋa 28:28

Ŋɔi Pɔlu í sɔ̃ ŋa má í ni, na nŋu, i mà ŋa iyi Ilaaɔ̃ í jɔ̀ idei faabaɛ í bɔ bi dimi mmu ŋa. Aŋai aa gbɔɔ. [

Kolosee 1:23

Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.

Kolosee 1:6

Laabaau jiidau wa fangaa bii fei nɔ wa naaò kuwee wa si andunya fei. Nɔ í la wa kɔ̃ɔsi si bɛi wa ce bi tu ŋɛu hai waati iyi ì gbɔ idei didɔ̃i Ilaaɔ̃u ŋa nɔ ì mà bɛi í yɛ ŋa do ntɔ.