Luku 13:28 - Bibeli do fee

²⁸ Ajɔ wa naa iyi aa yɛ Aburahamu do Izaaki do Zakɔbu do walii ŋau fei si andunya titɔ̃i Ilaaɔ̃ nɔ iŋɛ i ba wee à nyɔ ŋɛ waduude. Tengi bɛi aa so awɔ i lesi iri i kpataò ŋa.

Luku 13:28 Iomraidhean Croise

Iri ku kɔ̃ 112:10

Ilu inɔ kukã ŋa à ya yɔɔi nɔ idɔ nŋa ku kɔ̃. À ya maa ŋɔ inyíi nɔ inɔ nŋa ku maa fɔ. Kpãa ku cɔ nŋa fei í ya leekĩi.

Matie 13:42

nɔ a dasi ŋa ina iyi ci ya ku. Tengi bɛi aa lesi awɔ si iri a kpataò.

Matie 13:50

a dasi ŋa ina iyi ci ya ku. Bɛi aa lesi awɔ si iri a kpataò.

Matie 22:13

Ŋɔi ilaaluu í sɔ̃ amaacɛɛ ŋa í ni, i dĩ awɔɛ do isɛɛ ŋa nɔ i soo i nyɔɔ angule si ilu kuku, tengi bii inɛ ŋa aa lesi awɔ si iri a kpataò.

Matie 24:51

nɔ á kpãa iju jiida jiida, nɔ nŋu do ilu muafiti ŋau fei wahala nŋa á jɛ akã. Tengi bɛi á le awɔ si iri ku maa kpataò.

Matie 25:30

Amaacɛ nfeu mɔ, i soo i nyɔɔ angule si ilu kuku tengi bii inɛ ŋa aa lesi awɔ si iri a kpataò.

Luku 10:15

Iŋɛ mɔ, inɛi Kapɛranumu ŋa, ì waa tamaa ŋa aa so ŋɛ hee lelei? Aawo, aa kɛkɛ ŋɛi hee bi kuwai iku ŋa.

Luku 14:15

Iyi à gbɔ ideu, ŋɔi inɛ akãi inɛ ŋa iyi aŋaò ŋa à waa jɛu í sɔ̃ Jesu í ni, debɛi ilu inɔ didɔ̃i inɛ iyi á jɛ si bommai Ilaaɔ̃.

Luku 16:23

Nɔ í koo wa yɛ ijuukpã bi kuwai iku ŋa, ŋɔi í wu iju lele, nɔ í hɔ̃nnɛ Aburahamu nɔ Lazaa í wa bi tɛɛ.

Tɛsalonika 2, 1:5

Iyi ihɛ̃i wa nyisi kãm kãm iyi kiitii Ilaaɔ̃ í jɛ dee dee, domi ijuukpã iyi ì yɛ fei ŋa na irii bommai Ilaaɔ̃i. Nŋui á jɔ̀ Ilaaɔ̃ ku ka ŋɛ si inɛ ŋa iyi à to a lɔ si bommaɛu.

Piɛɛ 2, 1:11

Bɛɛbɛi aa jɔ̀ i lɔ do bɛɛrɛ ŋa si bomma hai tãi Lafɛ̃ɛ woo faaba nwa Jesu Kirisi.

Kuyɛi Zãa 21:8

Amma inɛ ŋa iyi à mɔngɔ do hai dasi naanɛ ŋa do woo ce laalɔ ŋa do woo kpa inɛ ŋa do woo ce sakara ŋa, do woo ce dobu dobu ŋa do woo tɔɔ iwɛ̃ ŋa do woo sɔ ibo ŋa fei aa ba ikpɛ̃ nŋa si ina nla iyi wa jo do fainwitau. Iyi bɛi í jɛ iku minjisiau.

Kuyɛi Zãa 22:15

Amma anyii iluui woo ce laalɔ ŋa aa wa do woo ce dobu dobu ŋa do woo ce sakara ŋa do woo kpa inɛ ŋa do woo tɔɔ iwɛ̃ ŋa do inɛ ŋa iyi à bi ibo nɔ à ya maa sɔ ibou fei.