Luku 13:27 - Bibeli do fee

²⁷ Nɔ an sɔ̃ ŋɛ n ni, n kù mà hai bii ì naa ŋa. I fa ara nŋɛ hai bi tom, iŋɛ fei woo ce laalɔ ŋai.

Luku 13:27 Iomraidhean Croise

Iri ku kɔ̃ 1:6

Ntɔi Aɔ̃ Lafɛ̃ɛ í mà kpãai inɛ dee dee ŋa, amma kpãai ilu inɔ kukã ŋa wa bɔò ŋai si iku.

Iri ku kɔ̃ 101:8

Daakɔ fei, an jɔ̀ a ya kpa inɛ laalɔ ŋa feii si ilɛu. Nɔ n nya woo ce laalɔ ŋau fei hai si ilui Aɔ̃ Lafɛ̃ɛu.

Iri ku kɔ̃ 119:115

Iŋɛ woo ce laalɔ ŋa, i jĩim ŋa nɔ n jirima wooda ŋa iyi à jɛ ti Ilaaɔ̃ Lafɛ̃ɛm.

Iri ku kɔ̃ 125:5

Amma inɛ ŋa iyi à waa nɛ si kpãa laalɔ do inɛ ŋa iyi à waa ce laalɔ fei, Aɔ̃ Lafɛ̃ɛ, jɔ̀ a ba ijuukpã. Jɔ̀ laakai ku sũ ku wɛɛ do inɛi Izirɛli ŋa.

Iri ku kɔ̃ 28:3

Maà ceem bɛi aa cea ilu inɔ kukã ŋa do woo ce laalɔ ŋa. Aŋa iyi à ya maa fɔ idei laakai ku sũ si gɛlɛ bi kpaasi nŋa ŋa, amma wee laalɔi wa kɔ̃ si idɔ nŋa.

Iri ku kɔ̃ 5:6

Ilu faau ŋa a kaa yɔkɔ a leekĩ si wajuɛ, nɔ inɛ ŋa iyi à waa ce laalɔ fei ì cé ŋai.

Iri ku kɔ̃ 6:8

Ijum ŋa à gbɛɛji na inɔ kufɔ. Ijum ŋau à gbɛɛjii na kukpɔi mbɛɛm ŋau.

Ozee 9:12

Bii à bíi ama inɛmɔkɔ nŋa ŋa, an ya n kpa ŋai hee a maa la a maa ce awaasũ ŋa. Ntɔ ntɔ, inɔ kufɔi á jɛ tu ŋa waati iyi an sɛkɛɛ n jĩò ŋa.

Matie 25:12

Amma mɔkɔ titɔ̃u í ni, ntɔ ntɔ, n kù mà ŋɛ.

Matie 25:41

Si anyii nŋu, n bɛi n sɔ̃ inɛi awɔ cangam ŋau mɔ n ni, i fa ara nŋɛ hai kɔkɔm, iŋɛ iyi Ilaaɔ̃ í ceekpe. I bɔ si ina iyi ci ya ku, iyi à koa Seetam do amalekaɛ ŋa.

Luku 13:25

Waati iyi amu ilu kpasɛ̃ ǹ dede ǹ cĩmbo koofau iŋɛ aa wa waduude, i maa cã gambo ŋa i maa ni, Lafɛ̃ɛ, cĩ nwa. Nɔ an jɛ nŋɛ n ni, n kù mà hai bii ì naa ŋa.

Kɔrɛnti 1, 8:3

Amma inɛ iyi í bi Ilaaɔ̃, Ilaaɔ̃ í mà lafɛ̃ɛ.

Galati 4:9

Amma nsɛi ì mà Ilaaɔ̃ ŋa. Nɔ iyi í re mɔm Ilaaɔ̃ í mà ŋɛ. To, bɛirei í ce ì waa bi i sinda si mii ndii andunya ŋa má ŋa iyi a kù nɛ gbugbã nɔ a kù nɛ bɛɛrɛ. Na mii í ce ì waa bi i jɛ aru nŋa má ŋa.

Timɔtee 2, 2:19

Do nŋu fei, icui naanɛ ku dasi nwa iyi Ilaaɔ̃ í jilɛ do gbugbã kaa yaya. À mà iyi ntɔi si na iyi í jɔ̀ kukɔi idei Ilaaɔ̃ wa fɔ í ni, Lafɛ̃ɛ í mà inɛɛ ŋa. Nɔ í ni má, inɛ iyi wa kpe irii Lafɛ̃ɛ fei ku saa laalɔ ku ce.