Luku 13:25 - Bibeli do fee

²⁵ Waati iyi amu ilu kpasɛ̃ ǹ dede ǹ cĩmbo koofau iŋɛ aa wa waduude, i maa cã gambo ŋa i maa ni, Lafɛ̃ɛ, cĩ nwa. Nɔ an jɛ nŋɛ n ni, n kù mà hai bii ì naa ŋa.

Luku 13:25 Iomraidhean Croise

Kusintii Andunya 7:16

Mɛɛmu ŋau fei à lɔi akɔ do abo, si bɛi Ilaaɔ̃ í sɔ̃ Noweeu. Nɔ Aɔ̃ Lafɛ̃ɛ í cĩmbo nŋa gambou.

Iri ku kɔ̃ 32:6

Si bɛɛbɛ, inɛ dee dee ŋau fei à nɛ a tɔɔɛi si waati iyi í jɔ. Baa bii inyi nla wa bi ku jɛ ŋai aa fita si.

Ezai 55:6

I dɛdɛ Aɔ̃ Lafɛ̃ɛ ŋa hai waati iyi nŋu takaɛ á jɔ̀ i yɔɔ ŋa. I kpoo ŋa hai waati iyi í wa amɛɛ.

Matie 25:41

Si anyii nŋu, n bɛi n sɔ̃ inɛi awɔ cangam ŋau mɔ n ni, i fa ara nŋɛ hai kɔkɔm, iŋɛ iyi Ilaaɔ̃ í ceekpe. I bɔ si ina iyi ci ya ku, iyi à koa Seetam do amalekaɛ ŋa.

Luku 13:27

Nɔ an sɔ̃ ŋɛ n ni, n kù mà hai bii ì naa ŋa. I fa ara nŋɛ hai bi tom, iŋɛ fei woo ce laalɔ ŋai.

Luku 3:8

Na nŋu, i ce kookoosu jiida i nyisiò iyi ì kpaasi idɔ ŋa, nɔ i maà tamaa mà aa ba faaba ŋa si na iyi í jɔ̀ ì ya maa ni iŋɛ ì jɛ dimii Aburahamu ŋa. Ǹ wa n sɔ̃ ŋɛi, Ilaaɔ̃ á yɔkɔ ku so kuta ŋau ihɛ̃ ku ce ŋa dimii Aburahamu ŋa.

Luku 6:46

Nɔ Jesu í sɔ̃ ŋa má í ni, na mii í ce ì ya maa kpem Lafɛ̃ɛ Lafɛ̃ɛ, nɔ i ci ya ceò ide iyi ǹ sɔ̃ ŋɛ icɛ ŋa.

Kɔrɛnti 2, 6:2

Si tiai idei Ilaaɔ̃ à kɔɔ à ni, Ilaaɔ̃ í ni, ǹ gbɔ kutɔɔɛ nɔ ǹ jɛɛ si waati jiida. Ǹ sobiɛ si ajɔi faaba. To, nsɛii í jɛ waati jiidau, nnyii ajɔi faaba.

Ebɛɛ 12:17

Si anyii nŋu, iŋɛ taka nŋɛ ì mà ŋa iyi í bi baai nŋu ku weea nŋu, amma baaɛu í kɔ̀, nɔ Esau kù ba kpãa ku kpaasi mii iyi í tako í ce baa do iyi wa dɛdɛɛ do cikãaju fei.